完整藏文原文 · 德格版页 当前仅加载第 35 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ས་བོན་སྲུང་བ་དང་། དུས་ཡོངས་སུ་བསྒྱུར་བ་ཡང་དག་པར་སྟོན་པ་ཞེས་བྱའོ། །ལྷའི་བུ་འོད་བཟང་པོ་སྟོན་པའི་རྣམ་པར་ཐར་པ་ནི། འགྲོ་བ་ཐམས་ཅད་བདེ་བ་དང་སྡུག་བསྔལ་གྱི་ཚོར་བ་མྱོང་བ་ལ་བྱམས་པ་དང་། སྙིང་རྗེའི་སྒོས་ཡོངས་སུ་སྐྱོབ་པ་ཞེས་བྱའོ། །
D44.035.0023b01.01ལྷའི་བུ་ཀུན་ནས་སྤྱོད་པ་མི་སྒུལ་བའི་འོད་ཀྱི་རྣམ་པར་ཐར་པ་ནི། ཟླ་བ་དྲི་མ་མེད་པ་འཛིན་ཅིང་སྤྱོད་པས་ཕྱོགས་ཡོངས་སུ་འདུས་པ་ཞེས་བྱའོ། །ལྷའི་བུ་སྐར་མའི་རྒྱལ་པོའི་བདག་པོའི་རྣམ་པར་ཐར་པ་ནི། ཆོས་ཐམས་ཅད་སྒྱུ་མ་ལྟ་བུ་ནམ་མཁའི་རང་བཞིན་ལྟར་དངོས་པོ་
D44.035.0023b02.01མེད་པ་མཚན་ཉིད་མེད་པ་ཞེས་བྱའོ། །ལྷའི་བུ་བློ་དྲི་མ་མེད་པའི་ཟླ་བའི་རྣམ་པར་ཐར་པ་ནི། སེམས་ཅན་ཐམས་ཅད་ཀྱི་སྐྱེ་བ་ཀུན་ཀྱང་ལས་ཀྱི་རང་བཞིན་དུ་ཡང་དག་པར་འཇུག་པ་ཞེས་བྱའོ། །ལྷའི་བུ་གཟི་བརྗིད་ཆེན་པོའི་འོད་ཟེར་མཛེས་པའི་རྣམ་པར་ཐར་པ་ནི། ལྷའི་
D44.035.0023b03.01དགོས་པ་ཐམས་ཅད་ལ་ཐེ་ཙོམ་ཡང་དག་པར་གཅོད་པ་བརྗོད་པ་ལ་འཇུག་པ་ཞེས་བྱའོ། །དེ་ནས་ལྷའི་བུ་ཟླ་བས་སངས་རྒྱས་ཀྱི་མཐུས་ཟླ་བའི་གཞལ་མེད་ཁང་དུ་གཏོགས་པའི་ལྷའི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་
D44.035.0023b04.01སྨྲས་སོ། །འགྲོ་བ་ཐམས་ཅད་ཀུན་ཏུ་འོད་བཀྱེ་ཞིང་། །ཕྱོགས་བཅུའི་ཞིང་རྣམས་ཀུན་ཏུ་སངས་རྒྱས་སྣང་། །མུན་པ་ཆེན་པོས་རྨོངས་པའི་འཇིག་རྟེན་དུ། །བསམ་ཡས་རྒྱ་ཆེན་ཆོས་ཀྱི་སྣང་བ་འགྱེད། །སངས་རྒྱས་ཡུལ་ནི་མི་ཟད་མཐའ་ཡས་ཏེ། །འགྲོ་
D44.035.0023b05.01བ་འདིར་ནི་མཚུངས་མེད་བསྐལ་པར་འཇུག །རང་བྱུང་དེ་དག་སེམས་ཅན་ཀུན་ལ་མངོན། །རྒྱལ་བ་དེ་ལྟར་སྣང་བའི་གཙུག་གིས་མཐོང་། །རྒྱལ་བའི་ཡེ་ཤེས་རྒྱ་ཆེན་དེ་ལ་ལྟོས། །སེམས་ཀྱི་རྒྱ་མཚོ་ཚད་མེད་སྐད་ཅིག་ལ། །ཆོས་ཀྱི་འཁོར་ལོས་ཐམས་ཅད་ཚིམ་
D44.035.0023b06.01པར་མཛད། །ཆུ་བོ་དཔལ་གྱི་རྣམ་ཐར་འདི་ཡིན་ནོ། །འཕགས་པའི་བདེ་བ་མེད་པའི་འཇིག་རྟེན་རྣམས། །མཐའ་ཡས་སྡུག་བསྔལ་ཉམ་ངས་རྨོངས་པ་ལ། །རྒྱལ་བ་ཆོས་ཉིད་རྣམ་པར་དག་པ་སྟོན། །དགའ་བདེ་སེམས་དཔས་རྣམ་ཐར་འདི་མཐོང་ངོ་། །རྒྱལ་
D44.035.0023b07.01