完整藏文原文 · 德格版页 当前仅加载第 35 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་རྒྱན་གྱི་ས་མཚམས་ཅན་མེ་ཏོག་སྣ་ཚོགས་རྣམ་པ་མང་པོའི་རྒྱ་མཚོ་ལ་རབ་ཏུ་གནས་པ། ཟླ་བ་ཁམ་པའི་དབྱིབས་ལྟར་འདུག་པ། ལྷ་རྫས་རིན་པོ་ཆེའི་བླ་རེས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རྒྱལ་བའི་ཡོན་ཏན་ཆོས་ཉིད་ཚད་མེད་པ་ཞེས་བྱ་བ་
D44.035.0114b01.01བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྣང་བའི་མདོག་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གཉིས་ཀྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་རྣམ་
D44.035.0114b02.01པར་དག་ཅིང་ཀུན་ནས་ཉོན་མོངས་པ་འོད་ཟེར་གྱི་རྒྱན་ཀུན་ནས་སྣང་བའི་ས་མཚམས་ཅན། སྤོས་ཀྱི་ཆུའི་རྒྱ་མཚོ་མེ་ཏོག་གི་གློང་ཅན་གྱི་གང་ཆེན་མཚོ་ལ་རབ་ཏུ་གནས་པ། མེ་ཏོག་འཁྱིལ་པའི་དབྱིབས་ལྟར་འདུག་པ། གོས་སྣ་ཚོགས་ཀྱི་སྤྲིན་གྱིས་ཀུན་ནས་ཡོག་
D44.035.0114b03.01པ་ཡོད་དེ། དེ་ན་དེ་བཞིན་གཤེགས་པ་ཚངས་པའི་དབང་པོའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མི་མཇེད་ཅེས་བྱ་བ་འཇིག་རྟེན་གྱི་ཁམས་སངས་
D44.035.0114b04.01རྒྱས་ཀྱི་ཞིང་བཅུ་གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཀུན་ནས་ཉོན་མོངས་པ་རྣམ་པར་དག་པ། རྡོ་རྗེའི་གཞི་ཡི་ས་མཚམས་ཅན། རླུང་གི་དཀྱིལ་འཁོར་ཁ་དོག་སྣ་ཚོགས་ཅན་གྱིས་ཤིན་ཏུ་བཟུང་བ། པདྨོའི་དྲ་བ་ལ་རབ་ཏུ་གནས་
D44.035.0114b05.01པ། ཀུན་ནས་ཟླུམ་པའི་དབྱིབས་སུ་གནས་པ་ནམ་མཁའ་ལྷ་ཡི་ཁང་པ་ཅན་གྱིས་བརྒྱན་པ་འདི་ཡོད་དེ། དེ་ན་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་འདི་བཞུགས་སོ། །སངས་རྒྱས་ཀྱི་ཞིང་འདིའི་སྟེང་འཇིག་རྟེན་གྱི་ཁམས་སངས་
D44.035.0114b06.01རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མཉམ་ལ་རྡུལ་མེད་པའི་འོད་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་རིན་པོ་
D44.035.0114b07.01