完整藏文原文 · 德格版页 当前仅加载第 35 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེས་པོའི་རྣམ་པར་ཐར་པ་ནི། མདུད་པར་འཛིན་པ་བྱུང་བ་ཐམས་ཅད་རབ་ཏུ་ཞི་བར་བྱེད་པའི་འོད་ཅེས་བྱའོ། །གྲུལ་བུམ་གྱི་དབང་པོ་ཀླུ་བདག་གི་རྣམ་པར་ཐར་པ་ནི། སྒོ་མཐའ་ཡས་པར་སྤྱོད་པ་རྒྱ་མཚོ་ལ་སྤྱོད་པ་ཞེས་བྱའོ། །གྲུལ་བུམ་གྱི་དབང་པོ་ལེགས་པར་སྤྱད་པའི་རྒྱལ་
D44.035.0026b01.01མཚན་གྱི་རྣམ་པར་ཐར་པ་ནི། རྒྱུད་ཐམས་ཅད་དུ་འཇིག་རྟེན་གྱི་བསམ་པ་རྒྱ་མཚོ་སྙེད་ཀྱི་སྒོ་ཞེས་བྱའོ། །གྲུལ་བུམ་གྱི་དབང་པོ་ཕན་པར་སྤྱོད་པར་འཕར་བའི་རྣམ་པར་ཐར་པ་ནི། སྣང་བ་དྲི་མ་མེད་པའི་བྱ་བ་ལ་ཀུན་ནས་སྤྱོད་པར་གནས་པ་ཞེས་བྱའོ། །གྲུལ་བུམ་གྱི་དབང་
D44.035.0026b02.01པོ་འཇིགས་པ་ལས་བསྒྲལ་བའི་རྣམ་པར་ཐར་པ་ནི། འགྲོ་བ་ཐམས་ཅད་གདོན་པའི་ལམ་འཇིགས་པ་མེད་པའི་རྒྱན་ཅེས་བྱའོ། །གྲུམ་བུམ་གྱི་དབང་པོ་རྩལ་སྣ་ཚོགས་བཟང་པོའི་རྣམ་པར་ཐར་པ་ནི། འགྲོ་བ་མཐའ་ཡས་པའི་སྲེད་པ་རྒྱ་མཚོས་ཡོངས་སུ་གདུང་བ་ཞི་བར་བྱེད་པ་
D44.035.0026b03.01ཞེས་བྱའོ། །གྲུལ་བུམ་གྱི་དབང་པོ་རི་རབ་ལེགས་པར་བྱུང་བའི་རྣམ་པར་ཐར་པ་ནི། འགྲོ་བ་རྒྱུད་ཐམས་ཅད་དུ་སྣང་བའི་སྤྲིན་ཡང་དག་པར་འབྱུང་བ་ཞེས་བྱའོ། །གྲུལ་བུམ་གྱི་དབང་པོ་སྡེ་དཔའི་རྣམ་པར་ཐར་པ་ནི། ཀུན་ནས་སྣང་བས་སྒྲིབ་པའི་རི་ཡང་དག་པར་འཇོམ་པ་
D44.035.0026b04.01ཞེས་བྱའོ། །གྲུལ་བུམ་གྱི་དབང་པོ་དགེ་བའི་མིག་གི་འོད་ཟེར་མཐའ་ཡས་པའི་རྣམ་པར་ཐར་པ་ནི། སྙིང་རྗེ་ཆེན་པོ་ཕྱིར་མི་ལྡོག་པའི་སྙིང་པོ་འབྱུང་བ་ཞེས་བྱའོ། །གྲུལ་བུམ་གྱི་དབང་པོ་ལྷ་དང་ལྷ་མ་ཡིན་སྒོ་མཐའ་ཡས་པའི་མིག་གི་རྣམ་པར་ཐར་པ་ནི། རྒྱུད་ཀུན་ཏུ་ལུས་
D44.035.0026b05.01ཡང་དག་པར་སྟོན་པར་འགྲོ་བའི་ཡུལ་ཞེས་བྱའོ། །དེ་ནས་གྲུལ་བུམ་གྱི་དབང་པོ་འཕགས་སྐྱེས་པོས་སངས་རྒྱས་ཀྱི་མཐུས། གྲུལ་བུམ་གྱི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །འཇིག་རྟེན་
D44.035.0026b06.01མགོན་པོ་བཟོད་པའི་སྟོབས་དང་ལྡན། །འགྲོ་ལ་ཕན་དོན་བསྐལ་པ་བསམ་ཡས་སྤྱོད། །ང་རྒྱལ་དྲེགས་མྱོས་སྤངས་པས་འཇིག་རྟེན་ཁམས། །ཀུན་ན་རྒྱལ་བའི་སྐུ་གསལ་རབ་ཏུ་མཛེས། །སྔོན་ཅད་རྒྱལ་བས་སྤྱོད་པ་རྒྱ་མཚོ་དག །སྤྱད་དེ་ཐབས་མང་ཚོགས་པས་
D44.035.0026b07.01