完整藏文原文 · 德格版页 当前仅加载第 35 函德格 299b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་གིས། །ཡོན་ཏན་ཀུན་མངའ་དཔལ་གྱིས་རྒྱལ་བར་མཚན་བཏགས་པ། །དགའ་བའི་རྒྱན་དུ་གཤེགས་པ་ལྟར། །དེས་ནི་འདིར་ཡང་བཀྲ་ཤིས་མཆོག་གྱུར་ཅིག །བཀྲ་ཤིས་དམ་པ་གང་ཞིག་གིས། །འཇིག་རྟེན་ཕན་བརྩོན་དཀའ་ཐུབ་དྲག་པོ་མཚན་
D44.035.0299b01.01བཏགས་པ། །ཀུན་ནས་མདོག་དུ་གཤེགས་གྱུར་པ། །དེས་ནི་འདིར་ཡང་བཀྲ་ཤིས་མཆོག་གྱུར་ཅིག །ཇི་ལྟར་ལྷའི་རྒྱལ་པོ་རབ་མཚེམས་སངས་རྒྱས་ཀྱི་བྱིན་གྱི་རླབས་ཀྱིས། སྔོན་གྱི་རྒྱལ་བ་གཤེགས་པ་བརྗོད་དེ་མངོན་པར་བསྟོད་པ་དེ་བཞིན་
D44.035.0299b02.01དུ་འཇིག་རྟེན་གྱི་ཁམས་ཐམས་ཅད་ཀྱི་རྒྱལ་པོ་རབ་མཚེ་མ་རྣམས་ཀྱང་སངས་རྒྱས་ཀྱི་བྱིན་གྱི་རླབས་ཀྱིས་སྔོན་གྱི་ཡང་དག་པར་རྫོགས་པའི་སངས་རྒྱས་གཤེགས་པ་བརྗོད་ཅིང་། གླུའི་དབྱངས་ཀྱིས་ཚིགས་སུ་བཅད་དེ་མངོན་པར་བསྟོད་དོ། །
D44.035.0299b03.01དེ་ནས་བཅོམ་ལྡན་འདས་ཁང་པ་ནོར་བུ་སྣ་ཚོགས་སུ་གཤེགས་ནས་གདན་བཏིང་བ་ལ་སྐྱིལ་མོ་ཀྲུང་བཅས་ཏེ་བཞུགས་སོ། །ཇི་ལྟར་བཅོམ་ལྡན་འདས་བཞུགས་པ་དེ་བཞིན་དུ་འཇིག་རྟེན་གྱི་ཁམས་ཐམས་ཅད་དུ་ཡང་གདན་གཏིང་བ་དེ་དག་ལ་བཞུགས་
D44.035.0299b04.01པར་སྣང་ངོ་། །བཅོམ་ལྡན་འདས་བཞུགས་མ་ཐག་ཏུ་ཁང་པ་ནོར་བུ་སྣ་ཚོགས་དེ་འདི་ལྟ་སྟེ། དཔེར་ན་རབ་མཚེ་མའི་ལྷའི་རིས་ཐམས་ཅད་ཙམ་དུ་ཆེ་བར་གྱུར་པ་སྣང་སྟེ། འདི་ན་ཇི་ལྟ་བ་བཞིན་དུ་འཇིག་རྟེན་གྱི་ཁམས་ཐམས་ཅད་ན་ཡང་དེ་བཞིན་ནོ། །
D44.035.0299b05.01རབ་མཚེ་མའི་གནས་ན་རྣམ་པར་འཕྲུལ་པའི་ལེའུ་ཞེས་བྱ་བ་སྟེ། ཉི་ཤུ་བཞི་པ།། །དེ་ནས་སངས་རྒྱས་ཀྱི་མཐུས་ཕྱོགས་བཅུ་ནས། བྱང་ཆུབ་སེམས་དཔའ་མང་པོ་ལྷགས་པར་གྱུར་ཏེ། བྱང་ཆུབ་སེམས་དཔའ་རེ་རེ་ཞིང་ཡང་
D44.035.0299b06.01འཁོར་སངས་རྒྱས་ཀྱི་ཞིང་བརྒྱ་ཕྲག་སྟོང་གི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་འོངས་ཏེ། བྱང་ཆུབ་སེམས་དཔའ་རེ་རེ་ཞིང་ཡང་བྱང་ཆུབ་སེམས་དཔའ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་དང་ལྷན་ཅིག་ཏུ་ཕྱིན་ཏོ། །བྱང་ཆུབ་སེམས་དཔའ་དེ་དག་ཐམས་ཅད་ཀྱང་མིང་འདི་
D44.035.0299b07.01