完整藏文原文 · 德格版页 当前仅加载第 35 函德格 92a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་འདི་ཉིད་གསལ་བར་བརྗོད་པའི་ཕྱིར། སངས་རྒྱས་ཀྱི་བྱིན་གྱི་རླབས་ཀྱིས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སངས་རྒྱས་ཡེ་ཤེས་ཡུལ་ནི་བསམ་ཡས་པས། །བྱིན་རླབས་རྣམ་འཕྲུལ་དེ་དག་འདི་ལྟ་བུ། །
D44.035.0092a01.01ཞིང་རྣམས་རྒྱ་མཚོ་བསྟན་པ་མཐའ་དབུས་མེད། །རྣམ་པར་སྣང་མཛད་ཆོས་ཀྱི་ཡོངས་སུ་སྦྱངས། །བྱང་ཆུབ་སེམས་ནི་ཀུན་གྱི་བསམ་པ་བཞིན། །སྨོན་ལམ་རྒྱ་མཚོ་བསམ་ཡས་རྣམ་སྦྱངས་ཤིང་། །སེམས་ཅན་ལས་རྣམས་རྒྱ་མཚོ་བསམ་ཡས་པས། །
D44.035.0092a02.01ཕྱོགས་ཀུན་ཞིང་རྣམས་རྒྱ་མཚོ་ཐམས་ཅད་འབྱུང་། །བྱང་ཆུབ་སེམས་དཔའ་ཀུན་གྱི་རྣམ་འཕྲུལ་དང་། །ཐམས་ཅད་མཁྱེན་པ་ཉིད་ལ་འཇུག་པའི་སྒོས། །སྨོན་ལམ་རྒྱ་མཚོ་ཐམས་ཅད་མངོན་བསྒྲུབས་ཤིང་། །ནམ་མཁའི་དབྱིངས་ལ་འབྱམ་ཀླས་ཞིང་
D44.035.0092a03.01འབྱུང་ངོ་། །སྤྱོད་པ་རྒྱ་མཚོ་མཐའ་དང་དབུས་{མྱེད་,མེད་}རྣམས། །སྤྱོད་ཅིང་ཚད་མེད་བདེ་གཤེགས་ཡུལ་ལ་འཇུག །ཕྱོགས་ཀྱི་ཞིང་རྣམས་རྒྱ་མཚོ་ཀུན་སྦྱོང་ཞིང་། །བསྐལ་པ་མཐའ་ཡས་ཞིང་རྣམས་རེ་རེར་སྤྱོད། །སེམས་ཅན་བསམ་དབྱིངས་
D44.035.0092a04.01བསམ་གྱིས་མི་ཁྱབ་པའི། །ལས་ཀྱི་ཞིང་རྣམས་རྒྱ་མཚོ་ཐམས་ཅད་བྱུང་། །ཉོན་མོངས་ལས་ཀྱིས་དེ་དག་ཉོན་མོངས་བཅས། །མོས་དང་བསམ་པས་རྣམ་པ་སྣ་ཚོགས་གཟུགས། །ཞིང་རྣམས་རྒྱ་མཚོ་རྣམ་དག་རྒྱན་ཅན་རྣམས། །རིན་
D44.035.0092a05.01ཆེན་རྒྱུས་བྱུང་སྣ་ཚོགས་དྲི་མེད་པ། །དད་པ་རྒྱ་མཚོ་རྣམ་པར་སྤེལ་བའི་ཕྱིར། །རྒྱལ་སྲས་རྣམས་ནི་ཕྱོགས་བཅུའི་ཞིང་རྣམས་སྤྱོད། །ཆོས་དབྱིངས་རྡུལ་གྱི་ཁོངས་སུ་རྒྱལ་སྲས་རྣམས། །ཀུན་ཏུ་བཟང་པོའི་སྤྱད་པ་སྤྱོད་པ་དག །རྡུལ་གྱི་ཁོངས་
D44.035.0092a06.01སུ་མཐའ་ཡས་ཞིང་སྟོན་ཏེ། །རྣམ་དག་མཁའ་བཞིན་མཐའ་དང་དབུས་ཡང་{མྱེད,མེད}། །ནམ་མཁའི་དབྱིངས་འདྲའི་རྣམ་འཕྲུལ་འདི་འདྲ་སྟེ། །སྙིང་པོ་བྱང་ཆུབ་རྒྱལ་བའི་ཞབས་དྲུང་ན། །པདྨོའི་སྟན་འཁོད་ཁ་དོག་མཐའ་ཡས་ཀུན། །དེ་དག་ཞིང་
D44.035.0092a07.01