完整藏文原文 · 德格版页 当前仅加载第 35 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
རླབས་ཀྱི་མཛོད་ཅེས་བྱ་བའི་དགའ་བ་ཆེན་པོ་ཡང་རབ་ཏུ་ཐོབ་བོ། །ཆོས་ཀྱི་རང་བཞིན་ནམ་མཁའི་དབྱིངས་རྣམ་པར་དག་པ་ཞེས་བྱ་བའི་བཏང་སྙོམས་ཆེན་པོ་ཡང་རབ་ཏུ་ཐོབ་བོ། །རང་བཞིན་དྲི་མ་མེད་པའི་ཆོས་ཀྱི་དབྱིངས་ཡོངས་སུ་དག་པའི་ལུས་ཞེས་བྱ་བའི་ཤེས་རབ་ཀྱི་ཕ་རོལ་
D44.035.0153b01.01ཏུ་ཕྱིན་པ་ཡང་རབ་ཏུ་ཐོབ་པོ། །ཆགས་པ་མེད་པའི་དབྱིངས་རྣམ་པར་སྣང་བའི་རྗེས་སུ་སོང་བ་ཞེས་བྱ་བའི་མངོན་པར་ཤེས་པ་ཡང་རབ་ཏུ་ཐོབ་པོ། །རབ་ཏུ་ཁོང་དུ་ཆུད་པས་དྲི་མ་མེད་པའི་ཀློང་ལ་ཡང་དག་པར་འཇུག་པ་ཞེས་བྱ་བའི་ཐ་དད་པ་ཡང་དག་པར་ཤེས་པ་ཡང་རབ་ཏུ་ཐོབ་
D44.035.0153b02.01བོ། །སངས་རྒྱས་ཐམས་ཅད་ཀྱི་ཆོས་ཀྱི་དཀྱིལ་འཁོར་ཡོངས་སུ་དག་པར་བྱེད་པ་ཞེས་བྱ་བའི་ཡེ་ཤེས་སྣང་བ་ཡང་རབ་ཏུ་ཐོབ་བོ། །དེ་དག་ལ་{སྩོགས་,སོགས་}པ་ཆོས་ཀྱི་སྒོ་སྟོང་ཕྲག་བཅུ་ཀུན་ནས་ནོན་པར་གྱུར་ཏེ། དེ་ནས་རྒྱལ་བུ་གཞོན་ནུ་གཟི་བརྗིད་ཆེན་པོས་སངས་རྒྱས་ཀྱི་བྱིན་
D44.035.0153b03.01གྱི་རླབས་ཀྱིས་འཁོར་གྱི་ཚོགས་ཐམས་ཅད་ལ་ཚིགས་སུ་བཅད་དེ་སྨྲས་པ། །བསྐལ་པ་བྱེ་བ་བསམ་གྱིས་མི་ཁྱབ་ཏུ། །འཇིག་རྟེན་གཙོ་བོའི་དམ་པ་ཤིན་ཏུ་དཀོན། །སངས་རྒྱས་ཞིང་འདི་སེམས་ཅན་ཐོབ་རབ་ཐོབ། །དེ་དག་སངས་རྒྱས་གཉིས་པ་འདི་ཡང་
D44.035.0153b04.01མཐོང་། །སངས་རྒྱས་སྐུ་ལས་འོད་རྣམས་རབ་བཀྱེ་བ། །ཁ་དོག་མཐའ་ཡས་རྒྱ་མཚོ་རྣམ་པར་དག །འོད་ཟེར་སྤྱན་གྱིས་འཇིག་རྟེན་ཀུན་ཏུ་ཁྱབ། །ཀུན་ཏུ་རྒྱལ་བའི་ཡོན་ཏན་གྲགས་པར་བྱེད། །འོད་ཀྱིས་རིག་པ་རྨད་ཀྱི་དགའ་བ་སྐྱེ། །འགྲོ་བ་དེ་དག་
D44.035.0153b05.01ཀུན་གྱི་སྡུག་བསྔལ་ཞི། །ཕན་ཚུན་སྲིད་ཞུ་བྱམས་པའི་སེམས་གྱུར་ཅིང་། །སངས་རྒྱས་རྣམ་འཕྲུལ་འདི་དག་ཀུན་ཀྱང་མཐོང་། །སྤྲུལ་པའི་དྲ་བ་སྤྲིན་རྣམས་བསམ་མི་ཁྱབ། །རྣམ་པ་དུ་མའི་འོད་ཀྱི་དྲ་བ་འགྱེད། །ཕྱོགས་བཅུའི་ཞིང་རྣམས་ཀུན་
D44.035.0153b06.01ཀྱང་གང་བྱས་ཤིང་། །སངས་རྒྱས་རྣམ་པར་འཕྲུལ་པ་རབ་ཏུ་སྟོན། །རྒྱལ་བ་རྣམས་ཀྱི་སྤུ་རྩེ་རེ་རེ་ནས། །དབྱངས་སྤྲིན་བཀྱེ་བས་ནམ་མཁའ་ཀུན་བཀང་ཞིང་། །མུན་ནག་ཆེན་པོ་ཀུན་ནས་སྣང་བར་བྱེད། །དམྱལ་བའི་སྡུག་བསྔལ་ཀུན་ཀྱང་རྣམ་པར་སེལ། །
D44.035.0153b07.01