完整藏文原文 · 德格版页 当前仅加载第 35 函德格 93b 版页；藏文 NFD、目录标记与异常页序保留在来源切片中，重复版页行以稳定序号区分。
དག་རྒྱ་ཆེན་རྣམ་པར་སྣང་མཛད་སྟོན་པ་མཛད། །ཞིང་རྣམས་རིང་དང་ཐུང་དང་གླིང་གི་གཟུགས་དང་རྣམ་པ་སྣ་ཚོགས་ཏེ། །སྣ་ཚོགས་རྒྱན་ཅན་སྙིང་པོ་དྲི་མ་བྲལ་བ་ཡོངས་དག་དྲི་མེད་སྣང་། །རྣམ་པ་སྣ་ཚོགས་དེ་དག་སྨོན་ལམ་རྒྱ་མཚོའི་དབྱིངས་ལ་རབ་ཏུ་གནས། །
D44.035.0093b01.01སངས་རྒྱས་སྤྲིན་གྱིས་ཀུན་ནས་ཡོག་པར་རྟག་ཏུ་ནམ་མཁའི་དབྱིངས་ལ་གནས། །ཞིང་རྣམས་རྒྱ་མཚོ་འབྱམ་ཀླས་ལ་ལ་སྤྱིའུ་ཚུགས་ཡོད་དང་མེད་ལ་གནས། །བྱང་ཆུབ་སེམས་དཔའི་ཅོད་པན་རིན་ཆེན་འཁོར་ལོས་བཟུང་བས་དག་པར་གནས། །དེ་ན་སངས་
D44.035.0093b02.01རྒྱས་རྣམ་འཕྲུལ་རྒྱ་ཆེན་ཐམས་ཅད་ཀུན་ནས་རབ་ཏུ་སྣང་། །རིན་ཆེན་སངས་རྒྱས་གསུང་རྣམས་ཀུན་ཏུ་གཏོང་ལྡན་ལས་ཀྱིས་དེ་དག་སྤྲུལ། །ཆོས་ཀྱི་དབྱིངས་མཉམ་ཞིང་རྣམས་འབྱམ་ཀླས་མིག་ཡོར་སྒྱུ་མ་དང་ཡང་འདྲ། །མིག་འཕྲུལ་རྣམ་ཕྱེ་རྣམ་དག་དྲི་
D44.035.0093b03.01མེད་སེམས་ཀྱིས་ཤིན་དུ་བསྐྱེད་པ་སྟེ། །ནམ་མཁའི་དབྱིངས་རྣམས་སྣ་ཚོགས་རྒྱན་གྱི་སྙིང་པོ་གནས་འགྱུར་འདི་ལ་སྣང་། །ལས་ཀྱི་ཡུལ་ནི་བསམ་གྱིས་མི་ཁྱབ་འདི་དག་བདེ་བར་གཤེགས་པས་བསྟན། །སྐད་ཅིག་སེམས་ཀྱིས་ཞིང་རྣམས་འབྱམ་ཀླས་འགྲོ་
D44.035.0093b04.01བའི་ཀུན་དང་མཉམ་པའི་རྣམས། །ཞིང་རྡུལ་ཀུན་ལ་ཀུན་ཏུ་བཟང་པོ་རྟག་པར་རབ་ཏུ་སྒྲུབ་བྱེད་ཅིང་། །དེ་ན་བསྐལ་པ་རྒྱ་མཚོར་འགྲོ་བ་སྨིན་པར་བྱ་ཕྱིར་སྤྱད་པ་སྤྱོད། །ཆོས་དབྱིངས་རྒྱས་པར་བཀང་སྟེ་དེ་དག་ཀུན་ཏུ་རྣམ་འཕྲུལ་རྒྱ་ཆེན་སྟོན། །རྡུལ་རྣམས་
D44.035.0093b05.01ཀུན་ན་ཆོས་དབྱིངས་ཡངས་པའི་ཞིང་རྣམས་རྒྱ་མཚོ་ཀུན་ཀྱང་གནས། །སངས་རྒྱས་སྤྲིན་གྱིས་བྱིན་གྱིས་བརླབས་པས་ཀུན་ཀྱང་ཡོག་ཅིང་ཡོངས་སུ་རྒྱས། །ཇི་ལྟར་རྡུལ་ཕྲན་གཅིག་ལ་རྣམ་འཕྲུལ་དེ་བཞིན་འགྲོ་བ་ཀུན་ནའོ། །རྣམ་པར་སྣང་བའི་སངས་རྒྱས་
D44.035.0093b06.01རྣམ་འཕྲུལ་རྒྱ་ཆེན་རབ་ཏུ་སྟོན་པ་མཛད། །ཞིང་རྣམས་འབྱམ་ཀླས་ཐམས་ཅད་མིག་ཡོར་ལྟ་བུ་སྒྱུ་མ་སྨྱིག་རྒྱུ་འདྲ། །སྣང་བ་མེད་ཅིང་འབྱུང་མེད་ཕྱོགས་བཅུ་དག་ན་འགྲོ་དང་འོང་བ་མེད། །མཁའ་ལ་གནས་པ་དེ་དག་རྟག་པར་འབྱུང་ཞིང་འཇིག་པར་དེ་བཞིན་
D44.035.0093b07.01