完整藏文原文 · 德格版页 当前仅加载第 35 函德格 113a 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཀྱི་ཞིང་གསུམ་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ་ཡོད་དེ། དེ་ན་དེ་བཞིན་གཤེགས་པ་འོད་དྲི་མ་མེད་པའི་ཡེ་ཤེས་ཀྱི་དཔལ་གྱི་དབལ་ཞེས་བྱ་བ་བཞུགས་སོ། །དེའི་
D44.035.0113a01.01སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་ཟེར་སྣ་ཚོགས་ཡིད་དུ་འོང་བ་ཞེས་བྱ་བ་རིན་པོ་ཆེའི་རྒྱན་ཐམས་ཅད་ཀྱི་ས་མཚམས་ཅན་ཁ་དོག་སྣ་ཚོགས་དང་ལྡན་པའི་རྡོ་རྗེ་བྲག་གི་རྒྱ་མཚོ་ལ་རབ་ཏུ་གནས་པ་རིན་
D44.035.0113a02.01པོ་ཆེ་པདྨོའི་དབྱིབས་ལྟར་འདུག་པ། རྡོ་རྗེའི་འོད་ཟེར་དང་རིན་པོ་ཆེ་འབར་བ་མཐའ་ཡས་པར་སྣང་བའི་འོད་ཀྱི་ནོར་བུའི་རྒྱ་མཚོའི་སྤྲིན་གྱིས་ཀུན་ནས་ཡོག་པ་གཅིག་ཏུ་དག་པ་འཇིག་རྟེན་གྱི་ཁམས། སངས་རྒྱས་ཀྱི་ཞིང་བཞིའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་
D44.035.0113a03.01ཡོད་དེ། དེ་ན་དེ་བཞིན་གཤེགས་པ་རྡོ་རྗེའི་འོད་ཟེར་སྟོབས་དང་བརྩོན་འགྲུས་མཐའ་ཡས་པ་ཡང་དག་པར་འབྱུང་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་
D44.035.0113a04.01འོད་ཤིན་ཏུ་བཀྱེ་བའི་མེ་ཏོག་སིལ་མའི་འཁོར་ལོ་ཞེས་བྱ་བ་རིན་པོ་ཆེ་ཐམས་ཅད་ཀྱི་དྲིལ་བུའི་དྲ་བའི་རྒྱན་གྱི་ས་མཚམས་ཅན་ཤིང་དང་ནགས་ཚལ་གྱི་རྒྱན་ཐམས་ཅད་འབྱུང་བའི་རིན་པོ་ཆེའི་འཁོར་ལོ་མང་པོའི་རྒྱ་མཚོ་ལ་རབ་ཏུ་གནས་པ། ཕྱོགས་ཐམས་ཅད་ནས་གྲྭ་དུ་
D44.035.0113a05.01མའི་དབྱིབས་སུ་འདུག་པ་ནོར་བུའི་རྒྱལ་པོ་ཚངས་པའི་དབྱངས་སུ་སྒྲོག་པས་ཀུན་ནས་ཡོག་པ། ཀུན་ནས་ཉོན་མོངས་ཤིང་རྣམ་པར་དག་པ། འཇིག་རྟེན་གྱི་ཁམས་སངས་རྒྱས་ཀྱི་ཞིང་ལྔའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། དེ་ན་དེ་བཞིན་
D44.035.0113a06.01གཤེགས་པ་སྤོས་ཀྱི་འོད་ཟེར་དགའ་བའི་སྟོབས་རྒྱ་མཚོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་དགེ་བ་སྣ་ཚོགས་ཀྱི་རྣམ་པ་ཞེས་བྱ་བ་འཇིག་རྟེན་གྱི་ཁམས་
D44.035.0113a07.01