完整藏文原文 · 德格版页 当前仅加载第 35 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་བྱིན་གྱི་རླབས་ཀྱིས་ལེགས་པར་བརླབས་པ་དང་། དགེ་བའི་རྩ་བ་སྦྱོར་བས་མི་སྐྱོ་བ་དང་། ཐེག་པའི་རྒྱན་ཤིན་ཏུ་བཤམས་པ་དང་། ཡེ་ཤེས་ཀྱི་བསམ་པ་རབ་ཏུ་རྣོ་བ་དང་། ས་དང་ས་རམ་ཡིན་པའི་
D44.035.0289a01.01ཆོས་ཀྱི་སྒོ་ལ་མི་གནས་པ་དང་། འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་ཐམས་ཅད་དང་། དགེ་བའི་རྩ་བའི་རྒྱུད་ཀྱི་ཚུལ་གཅིག་ཏུ་གྱུར་པ་དག་སྟེ། ཀྱེ་རྒྱལ་བའི་སྲས་ཆོས་བཅུ་པོ་དེ་དག་གིས་བྱང་ཆུབ་སེམས་དཔའ་རྣམས།
D44.035.0289a02.01ས་ནས་སར་རྣམ་པར་དགོད་པ་ལས་འདའ་བ་ཡིན་ནོ། །ཀྱེ་རྒྱལ་བའི་སྲས་བྱང་ཆུབ་སེམས་དཔའ་དེ་དག་ནི་ཐོག་མ་ནས། ས་རྣམ་པར་དགོད་པ་ཐམས་ཅད་ལ་མཁས་པ་རྣམ་པར་དཔྱོད་པ་ཡིན་ཏེ། ཆོས་ཀྱི་སྒོ་གང་གིས་གང་ཁོང་དུ་ཆུད་པར་འགྱུར་བ་དང་། ཡེ་ཤེས་ཀྱི་
D44.035.0289a03.01སྒོ་གང་གིས་ཐོབ་པར་འགྱུར་བ་དང་། བསྒྲུབ་པ་གང་ཡིན་པ་དང་། རྒྱུ་མཐུན་པ་གང་ཡིན་པ་དང་། སྤྱོད་ཡུལ་གང་ཡིན་པ་དང་། རྣམ་པར་འཕྲུལ་པ་གང་ཡིན་པ་དང་། ཡང་དག་པར་མཐོང་བ་གང་ཡིན་པ་དང་། ཆོས་ཀྱི་སྒོ་རྣམ་པར་དབྱེ་བའི་ཁྱད་པར་གང་ཡིན་པ་
D44.035.0289a04.01དང་། ཇི་ལྟར་ཐོབ་པར་བྱ་བ་ཐམས་ཅད་ཀྱི་འང་རྣམ་པར་དཔྱོད་དོ། །དེ་དག་ལ་ཤིན་ཏུ་རྣམ་པར་དཔྱད་པས། ཆོས་ཐམས་ཅད་ལ་མི་གནས་ཤིང་སེམས་ཀྱི་རང་བཞིན་གྱི་ཆོས་ཐམས་ཅད་ཁོང་དུ་ཆུད་པས་བྱང་ཆུབ་སེམས་དཔའི་ས་ཡང་དག་པར་འདའོ། །ཀྱེ་རྒྱལ་བའི་
D44.035.0289a05.01སྲས་བྱང་ཆུབ་སེམས་དཔའ་རྣམས་ནི་འདི་ལྟར་བདག་ཅག་གིས་ཇི་ནས་ཀྱང་མྱུར་དུ་འདའ་བར་བྱའོ། །སྙམ་དུ་{མྱི་,མི་}སེམས་ཏེ། དེ་ཅིའི་ཕྱིར་ཞེ་ན། འདི་ལྟར་དེ་དག་འདི་སྙམ་དུ་སེམས་ཏེ། བདག་ཅག་ས་ནས་ས་ལ་རྣམ་པར་གནས་པས། ཇི་ལྟ་ཇི་ལྟར་ཡང་དག་
D44.035.0289a06.01པར་གནས་པ་དེ་ལྟ་དེ་ལྟར་བསོད་ནམས་ཀྱི་ཚོགས་ཆེས་ཆེ་བ་སྐྱེ་བར་འགྱུར་ཏེ། ཇི་ལྟ་ཇི་ལྟར་བསོད་ནམས་ཀྱི་ཚོགས་ཆེན་པོ་སྐྱེས་པར་གྱུར་པ། དེ་ལྟ་དེ་ལྟར་དེ་བཞིན་གཤེགས་པའི་སའི་རྗེས་སུ་སོང་ཞིང་སངས་རྒྱས་ཀྱི་མཛད་པ་ཚད་མེད་པས་ཉེ་བར་གནས་པར་
D44.035.0289a07.01