完整藏文原文 · 德格版页 当前仅加载第 35 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ནོར་བུའི་མཛོད་སྤུས་བསྒྲུབས་པའི་ཟེ་བའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་དབྱངས་ཀུན་ཏུ་རབ་ཏུ་སྒྲོག་པའི་གསུང་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཤུགས་ཟབས་
D44.035.0123a01.01མོའི་གང་ཆེན་མཚོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་ཟེར་ཕྱོགས་སུ་གསལ་བས་སེམས་ཅན་གྱི་རྒྱན་གྱི་རྒྱལ་པོ་རབ་ཏུ་སྣང་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རི་རབ་ཀྱི་རྩེ་མོ་འབར་བའི་འོད་ཅེས་བྱ་བ་ཡོད་དེ། དེ་ན་དེ་བཞིན་གཤེགས་པ་མཉམ་པའི་ཡེ་ཤེས་
D44.035.0123a02.01མཆོག་གི་ཆོས་ཀྱི་དབྱིངས་ལ་མངོན་པར་འཕགས་པའི་དབྱངས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་གསེར་གྱི་པདྨོ་དྲི་མ་མེད་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་བསོད་ནམས་དྲི་མ་མེད་པའི་མཛོད་ཀུན་ནས་སྣང་བའི་འོད་ཅེས་བྱ་བ་བཞུགས་སོ། །དེའི་སྟེང་ན་འཇིག་
D44.035.0123a03.01རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་ནོར་བུས་བསྒྲུབས་པའི་སྙིང་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་ཉི་ཤུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་རྒྱན་དང་། སྤོས་དང་ནོར་བུ་དང་ཤིང་ཐམས་ཅད་ཀྱི་རྒྱ་མཚོ་ལ་
D44.035.0123a04.01རབ་ཏུ་གནས་པ་དབྱིབས་དཔལ་གྱི་བེའུ་ལྟར་འདུག་པ་འོད་ཀྱི་དཀྱིལ་འཁོར་རྣམ་པར་དག་པའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་འོད་ཀུན་ཏུ་འབྱུང་བས་དཔལ་ཆེན་པོའི་དྲ་བ་རྣམ་པར་སྣང་བའི་དཔལ་ཞེས་བྱ་བ་བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རིན་པོ་ཆེ་ཨིཎྜ་ནཱི་
D44.035.0123a05.01ལས་རབ་ཏུ་བརྒྱན་པའི་རྒྱན་ཞེས་བྱ་བ་ཡོད་དེ། དེ་ནས་འཇིག་རྟེན་གྱི་ཁམས་ཀྱི་རྒྱུད་སྣང་བ་ཕྱོགས་རྣམ་པར་འབྱེད་པ་ཞེས་བྱ་བ་སྤོས་ཐམས་ཅད་ཀྱིས་རབ་ཏུ་བརྒྱན་པའི་རྒྱན་གྱི་པདྨོའི་སྤྲིན་ལ་རབ་ཏུ་གནས་པ་སངས་རྒྱས་ཀྱི་སྤྱོད་པ་དང་གསུང་མཐའ་དང་དབུང་མེད་པའི་ལྷུན་ཅན་མངོན་པར་འབྱུང་བ་ཡོད་དེ། དེ་
D44.035.0123a06.01ཐམས་ཅད་ཀྱི་འོག་ན་འཇིག་རྟེན་གྱི་ཁམས་ཡོན་ཏན་གྱི་མཛོད་ཕྱོགས་སུ་མི་ཟད་པའི་དཀྱིལ་འཁོར་ཅེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་གཅིག་ཏུ་དག་པ་རིན་པོ་ཆེ་སྣ་ཚོགས་ཀྱི་མཛོད་ཁ་དོག་མཐའ་ཡས་པའི་རྒྱ་མཚོ་ལ་རབ་ཏུ་གནས་པ།
D44.035.0123a07.01