完整藏文原文 · 德格版页 当前仅加载第 35 函德格 323b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟ་བུའི་བརྗོད་པ་སྣ་ཚོགས་ཀྱིས་ཡོངས་སུ་དྲིས་པ་ལ་འང་། ཆོས་གཟུང་བ་ལ་ཐོགས་པ་མེད་པ་ཡིན། བརྗོད་པ་ཤེས་པར་བྱ་བའི་ཕྱིར། རྣམ་པར་རྟོག་པ་མེད་པ་ཡིན་ཏེ། དྲི་བས་ཐེ་ཙོམ་ཡོངས་སུ་དྲིས་པ་ལ་ཐོགས་པ་མེད་དོ། །འཁོར་གྱི་དཀྱིལ་
D44.035.0323b01.01འཁོར་གཅིག་དུ་ཇི་ལྟ་བ་དེ་བཞིན་དུ་འཁོར་གྱི་དཀྱིལ་འཁོར་བརྗོད་དུ་མེད་པ་དེ་ཙམ་ཐམས་ཅད་དུ་ཡང་དེ་བཞིན་ཏེ། དེ་ལ་བྱང་ཆུབ་སེམས་དཔའ་འདི་སྙམ་དུ་སེམས་སོ། །གལ་ཏེ་སྐྲའི་རྩེ་མོ་རེ་རེ་ལས་སེམས་བསྐྱེད་པ་རེ་རེ་ཞིང་། འཁོར་གྱི་དཀྱིལ་
D44.035.0323b02.01འཁོར་བརྗོད་དུ་མེད་པ་ཞིག་བྱུང་ལ། སེམས་སྐད་ཅིག་རེ་རེ་ལ་རྟོག་པ་གཞན་དང་གཞན་གྱིས། སྐད་གཞན་དང་གཞན་དུ་བརྗོད་པས་ཆོས་ཀྱི་དབྱིངས་ཐམས་ཅད་གང་བར་བྱེད་ཅིང་འཁོར་གྱི་དཀྱིལ་འཁོར་རྣམ་པ་དེ་ལྟ་བུ་ཤ་སྟག་ཅིག་སྐྲའི་རྩེ་མོ་
D44.035.0323b03.01ཐམས་ཅད་ལས་བྱུང་སྟེ། དེ་ལྟར་བྱུང་བས་ཕྱི་མའི་མཐའི་བསྐུལ་པའི་མུར་ཐུག་པར་བྱུང་ཡང་འཁོར་གྱི་དཀྱིལ་འཁོར་དེ་དག་འབྱུང་བས། ཕྱི་མའི་མཐའི་བསྐལ་པའི་མུར་ཐུག་པ་ཟད་པར་གྱུར་ཏེ། འཁོར་དེ་རྣམས་ནི་ཟད་མི་ཤེས་པར་བྱུང་ལ་སྐྱེ་བའི་
D44.035.0323b04.01རྒྱུན་མི་འཆད་པ་ཞིག་ཡོད་དུ་ཟིན་ན་ཡང་བསྟན་པར་བྱ་བའི་ས་དེ་ལ་བྱང་ཆུབ་སེམས་དཔའ་སེམས་སྐད་ཅིག་པ་འགའ་ཙམ་དུ་ཡང་ཞུམ་པ་མི་སྐྱེའོ། །སྙོམ་པ་མི་སྐྱེའོ། །སྒྱིད་ལུག་དང་། ཁོང་སྙོམ་མི་སྐྱེའོ། །ཐེ་ཙོམ་དང་ཡིད་གཉིས་མི་སྐྱེའོ། །བག་ཚ་
D44.035.0323b05.01བ་དང་འཇིགས་པ་མི་སྐྱེའོ། །རྨོངས་པ་དང་འཁྲུལ་པ་མི་སྐྱེའོ། །བྱང་ཆུབ་སེམས་དཔའ་ཆོས་བཟང་པོ་ལ་གནས་པ་དེ་ནི་འདི་སྙམ་དུ་སེམས་ཏེ། བདག་གིས་སེམས་ཅན་འདི་དག་དང་སེམས་ཅན་གཞན་རྣམས་དང་། སེམས་ཅན་གྱི་ཁམས་
D44.035.0323b06.01ཐམས་ཅད་ཀྱང་ཚིག་གི་ལམ་གྱིས་ཡོངས་སུ་མགུ་བར་བྱས་ཏེ། ཆོས་བཤད་པའི་མཐར་ཐུག་པར་མི་བྱ། ཆོས་ལ་རྣམ་པར་ཐོགས་པར་མི་བྱའོ། །ཞེས་ནས། དེས་བརྗོད་པ་དེ་དག་ཐམས་ཅད་ཀྱང་རབ་ཏུ་ཤེས་ཏེ། སེམས་ཅན་དེ་དག་ལ་བརྟག
D44.035.0323b07.01