完整藏文原文 · 德格版页 当前仅加载第 35 函德格 359a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་རྫས་ལས་འདས་པའི་ཕ་རོལ་ཏུ་ཕྱིན་པ་ལས་བྱུང་བའི་མེ་ཏོག་གི་བླ་རེ་སྣ་ཚོགས་ཀྱིས་ཆོས་ཀྱི་དབྱིངས་ཀུན་ནས་ཁེབས་པར་བྱས་སོ། །ལྷ་རྫས་ལས་འདས་པ་མོས་པ་རྣམ་པར་དག་པ། སངས་རྒྱས་ཐམས་ཅད་ཀྱི་
D44.035.0359a01.01ཡུལ་རྒྱས་པར་འགེངས་པའི་ན་བཟའ་སྣ་ཚོགས་མངོན་པར་དགབ་པས་ཆོས་ཀྱི་དབྱིངས་བརྒྱན་པར་བྱས་སོ། །ཆགས་པ་མེད་པའི་ཆོས་ཀྱི་རང་བཞིན་རྡོ་རྗེ་ལ་ཡང་དག་པར་ཞུགས་པའི་སེམས་ཀྱིས་ལྷ་རྫས་ལས་འདས་པའི་མི་སྐྱེ་བའི་ཆོས་
D44.035.0359a02.01ལས་བྱུང་བའི་དྲིལ་བུ་ཚོམ་བུར་བཅད་པའི་དྲ་བས་ཆོས་ཀྱི་དབྱིངས་བརྒྱན་པར་བྱས་སོ། །ཆོས་ཐམས་ཅད་སྒྱུ་མ་ལྟ་བུར་རྟོགས་པའི་སེམས་ཀྱིས་ལྷ་རྫས་ལས་འདས་པའི་སྤོས་ཐམས་ཅད་ཀྱི་མཆོག་གིས་བདུག་པའི་རྒྱན་གྱིས་ཆོས་ཀྱི་དབྱིངས་
D44.035.0359a03.01བརྒྱན་པར་བྱས་སོ། །དེ་བཞིན་གཤེགས་པ་བཞུགས་པས་ཆོས་ཀྱི་དབྱིངས་རྒྱས་པར་བྱ་བའི་སེམས་ཀྱིས་ལྷ་རྫས་ལས་འདས་པའི་རིན་པོ་ཆེ་ཐམས་ཅད་ཀྱི་ཁྲི་སངས་རྒྱས་ཀྱི་གདན་དུ་བཏིང་བའི་རྒྱན་གྱིས་ཆོས་ཀྱི་དབྱིངས་བརྒྱན་པར་བྱས་སོ། །
D44.035.0359a04.01སངས་རྒྱས་ཀྱི་མཆོད་པ་རང་བཞིན་འགག་པ་མེད་པའི་སེམས་ཀྱིས་ལྷ་རྫས་ལས་འདས་པའི་རིན་པོ་ཆེ་སྣ་ཚོགས་ཀྱི་རྒྱལ་མཚན་ཡང་དག་པར་བསྒྲེང་བའི་རྒྱལ་མཚན་གྱིས་ཆོས་ཀྱི་དབྱིངས་བརྒྱན་པར་བྱས་སོ། །རྨི་ལམ་ལྟ་བུའི་ཆོས་ཉིད་
D44.035.0359a05.01ཀྱིས་བསམ་པ་ཚིམ་པས་ལྷ་རྫས་ལས་འདས་པའི་རིན་པོ་ཆེ་སྣ་ཚོགས་ཀྱིས་སངས་རྒྱས་ཀྱི་ཕོ་བྲང་བརྒྱན་པས་ཆོས་ཀྱི་དབྱིངས་བརྒྱན་པར་བྱས་སོ། །མི་གནས་པའི་དགེ་བའི་རྩ་བ་བླང་བ་མེད་པ་ལས་བྱུང་བས། ལྷ་རྫས་ལས་
D44.035.0359a06.01འདས་པའི་རིན་པོ་ཆེ་སྣ་ཚོགས་ཀྱི་པད་མོས་ཀུན་ནས་ཡོག་པའི་རྒྱན་གྱིས་ཆོས་ཀྱི་དབྱིངས་བརྒྱན་པར་བྱས་སོ། །ལྷ་རྫས་ལས་འདས་པའི་སྤོས་ཐམས་ཅད་ཀྱི་མཆོག་གི་སྤྲིན་གྱིས་ཆོས་ཀྱི་དབྱིངས་ཐམས་ཅད་རྒྱས་པར་བྱ་བ་
D44.035.0359a07.01