完整藏文原文 · 德格版页 当前仅加载第 35 函德格 321b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བདེན་པ་སྟེ། ལོག་པ་མ་ཡིན་ནོ། །དེ་ནི་བྱ་བ་དང་མི་འགལ་བའི་སྤྱོད་པ་ཡང་སྟོན་ཏོ། །སྨོན་ལམ་ཡང་མི་གཏོང་ངོ་། །སེམས་ཅན་གྱི་ཁམས་ཡོངས་སུ་སྨྱིན་པ་དག་གདུལ་བ་ཡང་བྱེད་དོ། །ཆོས་ཀྱི་འཁོར་ལོ་ཡང་སྐོར་རོ། །རྒྱུ་དང་
D44.035.0321b01.01འབྲས་བུ་ཡང་འཇིག་པར་མི་བྱེད་དོ། །ཆོས་ཉིད་དང་ཡང་འགལ་བར་མི་བྱེད་དོ། །འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་དང་ཡང་མཉམ་པར་འགྱུར་བ་ཡིན་ཏེ། དེ་བཞིན་གཤེགས་པའི་
D44.035.0321b02.01རིགས་ཀྱང་རྒྱུན་ཆད་པར་མི་བྱེད། ཆོས་ཀྱི་ཚུལ་དང་ཡང་འགལ་བར་མི་བྱེད། ཆོས་ཀྱི་རྒྱུད་ཀྱང་རབ་ཏུ་ཤེས་སོ། །ཆོས་ཀྱི་སྤོབས་པ་ཡང་འཇིག་པར་མི་བྱེད། ཆོས་ཐོས་པས་ཀྱང་རློམ་སེམས་མེད་དེ། ཆོས་ཀྱི་འབྱུང་གནས་ཀྱང་རབ་ཏུ་ཐོབ།
D44.035.0321b03.01ཆོས་བརྗོད་པ་ཡང་རབ་ཏུ་བྱེད། མི་འཇིགས་པ་ལ་ཡང་རབ་ཏུ་གནས། སངས་རྒྱས་ཀྱི་སྤྱོད་པ་ཡང་མི་གཏོང་ངོ་། །འཇིག་རྟེན་གྱི་ཚུལ་ཡང་འགོག་པར་མི་བྱེད། འཇིག་རྟེན་མཉམ་པ་ཉིད་ཀྱང་རབ་ཏུ་སྟོན་ཏེ། འཇིག་རྟེན་གྱི་སྤྱོད་པ་རྣམས་ལ་
D44.035.0321b04.01ཡང་གནས་པ་མེད་དོ། །དེ་ལྟར་བྱང་ཆུབ་སེམས་དཔའ་ཐུབ་པར་དཀའ་བའི་སེམས་དང་ལྡན་པ། བྱང་ཆུབ་སེམས་དཔའི་སྤྱད་པ་ལ་སྤྱོད་དེ། སེམས་ཅན་གྱི་ཁམས་ཀྱང་། སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། གཤིན་
D44.035.0321b05.01རྗེའི་འཇིག་རྟེན་ནས་གྱེན་དུ་སྐྱོད་དེ། དེ་དག་བསྐྱོད་ནས་ཀྱང་ཡོངས་སུ་སྨྱིན་པར་བྱེད་དོ། །འདུལ་བར་བྱེད་དོ། རབ་ཏུ་གཞོག་པར་བྱེད་དོ། །འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ལམ་གྱི་
D44.035.0321b06.01རྒྱུད་ལས་ཀྱང་མི་གཡོའོ། །འཇིག་རྟེན་གནས་པ་དྲིན་དུ་མི་གཟོ་བས་ཡོངས་སུ་གང་བ་དང་། དགྲས་ཡོངས་སུ་གང་བ་དང་། ཀུན་ནས་ཉོན་མོངས་པས་ཡོངས་སུ་གང་བ་དང་། མི་མཐུན་པས་ཡོངས་སུ་གང་བ་དང་། ཡིད་གཞག་དུ་མི་རུང་
D44.035.0321b07.01