完整藏文原文 · 德格版页 当前仅加载第 35 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་བྲེས་པའོ། །འཇིག་རྟེན་གྱི་ཁམས་རྒྱ་མཚོའི་བླ་རེ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རྣམ་པར་བཀྲམ་པའོ། །འཇིག་རྟེན་གྱི་ཁམས་རྒྱ་མཚོའི་གདུགས་དང་རྒྱལ་མཚན་དང་བ་དན་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་
D44.035.0158b01.01ཀུན་ཏུ་ཁེངས་པར་བཀང་བའོ། །འཇིག་རྟེན་གྱི་ཁམས་རྒྱ་མཚོ་དེ་ནི་ཁ་དོག་གི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །དེ་བཞིན་དུ་གཟུགས་དང་སྒྲ་དང་དྲི་དང་རོ་དང་རེག་བྱ་དང་ཆོས་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་
D44.035.0158b02.01མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །མིག་སྣ་ཚོགས་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །དེ་བཞིན་དུ་རྣ་བ་དང་སྣ་དང་ལྕེ་དང་ལུས་དང་ཡིད་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་
D44.035.0158b03.01ཤིན་ཏུ་ཕྲ་བ་སྙེད་ཀྱི་སྙིང་པོ་དང་ལྡན་པའོ། །ཁ་དོག་གི་ཆུ་རྒྱ་མཚོ་རེ་རེ་ནས་ཡིད་ཀྱི་ཆུ་རྒྱ་མཚོའི་བར་རེ་རེ་ལས་ཀྱང་མེ་ཏོག་ཨུཏྤ་ལ་དང་། པད་མོ་དང་། ཀུ་མུ་ཏ་དང་། པུན་ད་རི་ཀ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་འཐོན་ཏེ།
D44.035.0158b04.01མེ་ཏོག་ཨུཏྤ་ལ་དེ་དག་རེ་རེ་དང་། མེ་ཏོག་པུན་ད་རི་ཀ་དེ་དག་རེ་རེ་ལ་འང་མེ་ཏོག་ཨུཏྤ་ལའི་འཁོར་དང་། མེ་ཏོག་པུན་ད་རི་ཀའི་འཁོར་གྱི་བར་དུ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་དག་དང་ལྡན་པ་སྟེ། མེ་ཏོག་ཨུཏྤ་ལ་དང་། མེ་ཏོག་པུན་
D44.035.0158b05.01ད་རི་ཀའི་བར་དེ་དག་རེ་རེ་ལས་ཀྱང་འཇིག་རྟེན་གྱི་ཁམས་རི་རབ་རྣམ་པར་ཕྱེ་བ། འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་བྱུང་བ་དག་སྟེ། འཇིག་རྟེན་གྱི་ཁམས་ཀྱི་རིའི་རྒྱན་དང་། འཇིག་རྟེན་གྱི་ཁམས་ཀྱི་པད་མོའི་ཚལ་དང་། འཇིག་
D44.035.0158b06.01རྟེན་གྱི་ཁམས་ཀྱི་སྨྱིག་མའི་ཚལ་མང་པོ་དག་ཀྱང་མངོན་པར་འཐོན་པ་ཤ་སྟག་གོ །ཅིའི་ཕྱིར་ཁ་དོག་གི་ཆུ་རྒྱ་མཚོ་རྣམས་ལ། ཁ་དོག་གི་ཆུ་རྒྱ་མཚོ་ཞེས་བྱ་བ་གང་ཞེ་ན། དེ་དག་ཏུ་སེམས་ཅན་གང་ཡང་རུང་སྟེ། ཆུ་འཐུང་བ་འམ་ཁྲུས་བྱས་པ་དེ་དག་ཐམས་ཅད་ཀྱིས་
D44.035.0158b07.01