完整藏文原文 · 德格版页 当前仅加载第 35 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྣམ་པར་ཐར་པ་ནི། ཕྱོགས་བཅུ་རབ་ཏུ་བསྐུལ་བའི་ཡུལ་མཐའ་ཡས་པ་ཞེས་བྱའོ། །ལྷ་མ་ཡིན་གྱི་དབང་པོ་རྣམ་པར་སྣང་བའི་རྣམ་པར་ཐར་པ་ནི། འཇིག་རྟེན་ཐམས་ཅད་རབ་ཏུ་དགོད་པའི་སྦྱོར་བ་རྣམ་པ་སྣ་ཚོགས་ཤེས་བྱའོ། །
D44.035.0033a01.01ལྷ་མ་ཡིན་གྱི་དབང་པོ་རྡོ་རྗེ་སྲ་བ་སྣ་ཚོགས་ཀྱི་ཡན་ལག་གི་རྣམ་པར་ཐར་པ་ནི། དགེ་བའི་རྩ་བ་ཆགས་པ་ཐམས་ཅད་ཀྱིས་མི་ཤིགས་པའི་དཀྱིལ་འཁོར་ཡོངས་སུ་སྦྱང་བ་ལ་ཡང་དག་པར་འཇུག་པ་ཞེས་བྱའོ། །ལྷ་མ་ཡིན་གྱི་དབང་པོ་སྟོབས་རྒྱ་ཆེན་པོའི་རྒྱུའི་བློ་
D44.035.0033a02.01གྲོས་ཀྱི་རྣམ་པར་ཐར་པ་ནི། སྙིང་རྗེ་ཆེན་པོ་མངོན་དུ་བྱ་བའི་སྟོབས་ལ་གཏི་མུག་མེད་པ་ཞེས་བྱའོ། །ལྷ་མ་ཡིན་གྱི་དབང་པོ་དཔལ་གྱི་བེའུ་འབྱུང་བའི་རྣམ་པར་ཐར་པ་ནི། དགེ་བའི་རྩ་བ་ཐམས་ཅད་ཀྱི་དཀྱིལ་འཁོར་རྣམ་པར་སྦྱོང་ཞིང་སངས་རྒྱས་མཉེས་པར་བྱེད་པ་ཞེས་
D44.035.0033a03.01བྱའོ། །ལྷ་མ་ཡིན་གྱི་དབང་པོ་བརྟུལ་ཞུགས་བཟང་པོའི་དབྱངས་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་འཁོར་ལོ་ཡང་དག་པར་འཇུག་ཅིང་གཏི་མུག་མེད་པ་ལ་ཡང་དག་པར་འཇུག་པ་ཞེས་བྱའོ། །དེ་ནས་ལྷ་མ་ཡིན་གྱི་དབང་པོ་སྒྲ་གཅན་གྱིས་སངས་
D44.035.0033a04.01རྒྱས་ཀྱི་མཐུས། ལྷ་མ་ཡིན་གྱི་འཁོར་གྱི་དཀྱིལ་འཁོར་ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཕྱོགས་རྣམས་རྒྱ་ཆེ་དེ་དག་ཐམས་ཅད་དུ། །རྒྱལ་བའི་ཟིལ་གྱིས་འབྱམ་ཀླས་འཁོར་ཀྱང་གནོན། །ནམ་མཁའི་
D44.035.0033a05.01མཚན་ཉིད་ཀུན་ཏུ་འོད་འཕྲོ་སྟེ། །ཐམས་ཅད་སྒོ་ནས་འགྲོ་བར་མངོན་པར་མཛེས། །སྐད་ཅིག་སེམས་ཀྱིས་བསྐལ་པ་བརྒྱ་མང་གི །སངས་རྒྱས་ཡུལ་རྣམས་མ་ལུས་ཐམས་ཅད་སྟོན། །འདུལ་བ་ཀུན་ལ་འོད་རྣམས་རབ་ཏུ་འགྱེད། །རྣམ་ཐར་དེ་ནི་
D44.035.0033a06.01ཐགས་ཟངས་རིས་ཀྱིས་མཐོང་། །སངས་རྒྱས་སྤྱོད་ཡུལ་གཞལ་མེད་བདག་གིས་མཐོང་། །སྣ་ཚོགས་སྒོ་ནས་སེམས་ཅན་དོན་ཀྱང་མཛད། །སྡུག་བསྔལ་ཐམས་ཅད་བདེ་གཤེགས་ཞིར་མཛད་དེ། །རྣམ་ཐར་འདི་ལ་བདེ་བའི་མཆོག་འཇུག་གོ །འགྲོ་
D44.035.0033a07.01