完整藏文原文 · 德格版页 当前仅加载第 35 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཆོས་ཀྱི་རང་བཞིན་ཉིད། །དེ་སྐད་བདེན་པའི་བློས་སྨྲས་ཏེ། །དེ་ཐོས་པས་ནི་མིག་ཀྱང་སྦྱངས། །ཤིན་ཏུ་འོད་ཀྱང་དང་ཞིང་སྣང་། །དེ་ནས་བྱང་ཆུབ་སེམས་དཔའ་དམ་པའི་བློ་གྲོས་ཀྱིས་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །དྲིན་གཟོ་
D44.035.0244b01.01མེད་པའི་སེམས་ཅན་ཕྱིར། །སྐྱེས་བུ་དྲང་སྲོང་མཆོག་གི་རྣམས། །དཔའ་ཆེན་སེམས་ཅན་གཙོ་བོ་དང་། །འོད་མཛད་པ་ནི་རབ་ཏུ་བྱུང་། །ཐུགས་རྗེ་ཆེན་པོ་བསྐྱེད་མཛད་དེ། །སེམས་ཅན་ཁམས་ལ་རྣམ་གཟིགས་ཀྱང་། །སྲིད་པས་བཅིངས་པའི་སྡུག་བསྔལ་བའི། །སེམས་ཅན་རྣམས་ནི་དེ་
D44.035.0244b02.01ནས་གཟིགས། །འཇིག་རྟེན་ལྷ་དང་བཅས་པ་ན། །ཡང་དག་སངས་རྒྱས་དཔལ་མངའ་བ། །སེམས་ཅན་གཙོ་བོ་མ་གཏོགས་པར། །སྐྱོབ་པ་གཞན་ནི་གང་ཡང་མེད། །གལ་ཏེ་སངས་རྒྱས་མ་སྐྱེས་ལ། །བྱང་ཆུབ་སེམས་དཔའ་འདི་འདྲ་དག །མེད་ན་འཇིག་རྟེན་ཁམས་ཀུན་ན། །སེམས་ཅན་བདེ་བ་
D44.035.0244b03.01གཅིག་མི་འབྱུང་། །སེམས་ཅན་གཙོ་བོ་འདྲེན་མཛད་པ། །དེ་བཞིན་གཤེགས་པ་སྐྱེས་པ་དང་། །བྱང་ཆུབ་སེམས་དཔའ་འདི་འདྲ་དག །འབྱུང་བ་འཇིག་རྟེན་བདེ་བའི་རྒྱུ། །གང་གིས་དེ་བཞིན་གཤེགས་མཐོང་བ། །དེ་དག་འཐོབ་པ་ལེགས་པར་འཐོབ། །གང་གིས་ཐོས་ཤིང་དད་འགྱུར་བ། །
D44.035.0244b04.01དེ་ཡང་འཇིག་རྟེན་མཆོད་རྟེན་ནོ། །གང་གིས་སངས་རྒྱས་མཐོང་གྱུར་པ། །བདག་ཅག་རྣམས་ཀྱིས་འཐོབ་ལེགས་ཐོབ། །འདི་འདྲ་བ་ཡི་ཚུལ་ཐོས་པས། །ཀུན་ཀྱང་ཡང་དག་སངས་རྒྱས་འགྱུར། །འདས་པའི་དུས་ནའང་དཔལ་འདི་ཡོད། །བྱང་ཆུབ་སེམས་དཔའ་ཐམས་
D44.035.0244b05.01ཅད་ཀྱིས། །ཤེས་རབ་མིག་ནི་རྣམ་སྦྱངས་པས། །སྤྱོད་ཡུལ་འདི་དག་མཐོང་བར་འགྱུར། །རྣམ་པར་སྣང་མཛད་ཐུབ་མཐོང་ནས། །ད་དུང་ཕྱིར་ཞིང་དད་པ་སྐྱེ། །དེ་ཡི་ཡེ་ཤེས་མཐའ་ཡས་པས། །ད་དུང་བརྗོད་དུ་ཡོད་པ་མིན། །གང་ཞིག་མཆོག་གི་བློས་སྨྲས་པ། །རྒྱལ་སྲས་གཞན་གྱིས་
D44.035.0244b06.01བཤད་པ་རྣམས། །དེ་དག་ད་རུང་བདག་གིས་ཀྱང་། །བསྐལ་པ་བསམ་ཡས་བཤད་པར་བྱ། །རི་རབ་ཀྱི་རྩེ་མོར་དེ་བཞིན་གཤེགས་པའི་རྣམ་པར་འཕྲུལ་པ་དང་། བྱང་ཆུབ་སེམས་དཔའི་ཚོགས་ཀྱི་ཚིགས་སུ་བཅད་པའི་ལེའུ་སྟེ། བཅུ་དགུ་པའོ།། །།
D44.035.0244b07.01