完整藏文原文 · 德格版页 当前仅加载第 35 函德格 358b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱི་ཞམ་རིང་དུ་འདོང་ངོ་། །སངས་རྒྱས་ལ་དགའ་བ་མཐའ་ཡས་པ་རྣམ་པར་འཕེལ་བའི་སེམས་ཀྱིས་ལྷ་རྫས་ཀྱི་ལྷབ་ལྷུབ་དང་། ཕྱང་འཕྲུལ་ཁ་དོག་སྣ་ཚོགས་གྲངས་མེད་པའི་ཡང་གྲངས་མེད་པ་ལག་ན་ཐོགས་ཏེ། དེ་བཞིན་
D44.035.0358b01.01གཤེགས་པ་ལ་ཕུལ་ལོ། །དད་པ་མི་འཕྲོགས་པའི་སེམས་ཀྱིས་ལྷ་རྫས་ཀྱི་ཕྲེང་བ་གྲངས་མེད་པ་ལག་ན་ཐོགས་ཏེ། བཅོམ་ལྡན་འདས་ལ་མངོན་པར་གསོལ་ཏོ། །མཚུངས་པ་མེད་པའི་དགའ་བ་རྣམ་པར་འཕེལ་བས། ལྷ་རྫས་
D44.035.0358b02.01གྱི་བ་དན་རིན་པོ་ཆེ་ཁ་དོག་སྣ་ཚོགས་གྲངས་མེད་པའི་ཡང་གྲངས་མེད་པ་ལག་ན་ཐོགས་ཏེ། བཅོམ་ལྡན་འདས་ཀྱི་དྲུང་ན་འཛིན་ཏོ། །ལྷའི་བུ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་ཡང་ཞི་བ་ལ རབ་ཏུ་གཞོལ་ཞིང་བག་ཡོད་པ་ཚད་མེད་
D44.035.0358b03.01པའི་སེམས་ཀྱིས་ལྷ་རྫས་ཀྱི་རོལ་མོ་བརྡུང་བ་དང་། དཀྲོལ་བ་ཁ་དོག་སྣ་ཚོགས་གྲངས་མེད་པ་ལག་ན་ཐོགས་ཏེ། ཡིད་དུ་འོང་བའི་སྒྲ་དབྱངས་ཕྱུང་ནས། བཅོམ་ལྡན་འདས་དགྱེས་པར་བྱེད་དོ། །བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་
D44.035.0358b04.01པ། དགའ་ལྡན་གྱི་གནས་ནས་འོངས་པའི་རྣམས་ཀྱང་ལྷ་རྫས་ལས་འདས་པའི་མཆོད་པ་ཁམས་གསུམ་ལས་རྣམ་པར་འདས་པ། {དམྱིགས་,དམིགས་}པའི་ཆོས་ལས་བྱུང་བ། རྗེན་པའི་དྲི་མེད་པ། ཆགས་པ་མེད་པའི་
D44.035.0358b05.01སེམས་ཚིམ་པར་བྱེད་པ། ཆོས་ཀྱི་ཚུལ་ཟབ་མོས་མངོན་པར་གྲུབ་པ། བློ་ཚད་མེད་པའི་ཡངས་པ་ལས་བྱུང་བ། དད་པའི་རྩ་བ་བརྟན་པས་རྣམ་པར་སྤེལ་བ། དགེ་བའི་རྩ་བ་བསམ་གྱིས་མི་ཁྱབ་པ་ལས་བྱུང་བ། དགེ་བའི་རྩ་བ་དང་
D44.035.0358b06.01འཕྲུལ་བ་གྲངས་མེད་པས་མངོན་པར་བསྒྲུབས་པ། སངས་རྒྱས་ཀྱི་མཆོད་པ་ཡིད་ཀྱི་རང་བཞིན་ལས་བྱུང་བ། མངོན་པར་འདུ་བྱ་བ་མེད་པའི་ཆོས་ཀྱི་སྒོའི་རྒྱས་བཏབ་པས། ཆོས་ཀྱི་དབྱིངས་ཐམས་ཅད་ཀུན་ནས་ཡོག་པར་བྱས་སོ། །
D44.035.0358b07.01