完整藏文原文 · 德格版页 当前仅加载第 35 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཕྲ་བ་སྙེད་ཀྱིས་ཀུན་ནས་ཡོངས་སུ་བསྐོར་བའོ། །འཇིག་རྟེན་གྱི་ཁམས་འབྱམ་ཀླས་པ་དེ་དག་རེ་རེ་ཞིང་ཡང་འཇིག་རྟེན་གྱི་ཁམས་འབྱམ་ཀླས་པ་རྣམ་པར་གདགས་པ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་ཡོངས་སུ་
D44.035.0117a01.01བསྐོར་བའོ་འཇིག་རྟེན་གྱི་ཁམས་འབྱམ་ཀླས་པ་སངས་རྒྱས་ཀྱི་ཞིང་བརྗོད་དུ་མེད་པ་བཅུའི་རྡུལ་ཤིན་ཏུ་ཕྲ་བ་སྙེད་པོ་དེ་དག་རེ་རེ་ཞིང་ཡང་འཇིག་རྟེན་གྱི་ཁམས་འབྱམ་ཀླས་པའི་རྣམ་པར་གདགས་པ་ཤིན་ཏུ་བསྟན་པ་ནི་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དེ། སྤོས་ཆུའི་
D44.035.0117a02.01རྒྱ་མཚོ་ཟེ་བ་མཐའ་ཡས་པའི་འོད་ཟེར་ཡིད་དུ་འོང་བ་ཞེས་བྱ་བ་ཆུ་ཀླུང་གི་འཁོར་དང་བཅས་པ། ཆུ་ཀླུང་གི་གློང་དང་བཅས་པའི་ཁོངས་ན་འདུག་གོ །སྤོས་ཆུའི་རྒྱ་མཚོ་ཟེ་བ་མཐའ་ཡས་པའི་འོད་ཟེར་ཡིད་དུ་འོང་བ་དེ་དང་འདབ་ཆགས་སུ་ཤར་ཕྱོགས་ལོགས་ན་སྤོས་
D44.035.0117a03.01ཆུའི་རྒྱ་མཚོ་གང་ཆེན་མཚོ་དྲི་མ་མེད་པའི་འོད་གཟེར་གྱི་སྙིང་པོ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་ཞིང་ཀུན་ནས་འཁྱིལ་བ་རྣམ་པར་སྣང་བ་ཞེས་བྱ་བ་སྤོས་དང་། རིན་པོ་ཆེའི་རྒྱལ་པོ་ཐམས་ཅད་ལ་རབ་ཏུ་གནས་པའི་རྒྱན་དང་ལྡན་པའི་པདྨོ་ཆེན་པོ་ལ་རབ་
D44.035.0117a04.01ཏུ་གནས་པ། བྱང་ཆུབ་སེམས་དཔའི་སྤྱོད་པའི་སྒྲ་རྒྱ་མཚོ་མངོན་པར་བསྒྲུབ་པའི་ང་རོའི་ལྷུན་ཅན་ཡོད་དོ། །དེ་དག་ཐམས་ཅད་ཀྱི་འོག་ན་འཇིག་རྟེན་གྱི་ཁམས་ཁྱིམ་གྱི་རྒྱན་གྱིས་བརྒྱན་པའི་རྒྱལ་མཚན་ཞེས་བྱ་བ་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཇིག་རྟེན་
D44.035.0117a05.01གྱི་ཁམས་ཀྱི་འཁོར་གྱིས་བསྐོར་བ། གཅིག་ཏུ་དག་པ་རིན་པོ་ཆེ་ཐམས་ཅད་ཀྱི་རྒྱན་གྱི་གང་ཆེན་མཚོ་ལ་རབ་ཏུ་གནས་པ། འཁོར་ཀུན་ནས་གྲུ་བཞིར་འདུག་པ། པདྨོ་འོད་གཟེར་གྱི་དྲ་བའི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་དཔལ་
D44.035.0117a06.01རྣམ་པར་སྣང་བའི་མཛོད་སྤུའི་འོད་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་པདྨོའི་ཟེ་བའི་དཔལ་གྱི་སྙིང་པོ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གཉིས་ཀྱི་རྡུལ་
D44.035.0117a07.01