完整藏文原文 · 德格版页 当前仅加载第 35 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
མཚོ་ཀུན་ལ་རབ་ཏུ་སྤྱོད། །བདག་མཐོང་བས་ནི་ལུས་དང་རྡུལ། །གཅིག་ཏུ་འདྲེས་པ་མངོན་པར་བྱས། །མ་སྐྱེས་མཚན་ཉིད་མེད་པ་སྟེ། །ཞིང་རྣམས་ཀུན་ཏུའང་རྣམ་པར་མཛེས། །འཇིག་རྟེན་ཀུན་གྱི་བསམ་མཐུན་པར། །སེམས་ཅན་ཀུན་ལ་མངོན་
D44.035.0081b01.01སུམ་དུ། །ལུས་ཀྱི་སྤྲིན་ནི་བསྟན་བྱས་ཤིང་། །བྱང་ཆུབ་དོན་དུ་སེམས་ཅན་འདུལ། །སངས་རྒྱས་ཐམས་ཅད་མཐུ་ཡིས་ནི། །བྱང་ཆུབ་སེམས་དཔའ་བརྗོད་པ་སྟེ། །གང་གིས་མགོན་པོ་མཐོང་བ་ཡི། །རྒྱལ་བའི་བྱིན་རླབས་ཤིན་ཏུ་ཟབ། །
D44.035.0081b02.01མགོན་པོ་ཇི་སྙེད་གང་བཞུགས་པའི། །བྱིན་རླབས་མཐའ་དང་དབུས་མེད་དེ། །ཆོས་དབྱིངས་རབ་ཏུ་གང་བྱས་ནས། །བྱང་ཆུབ་སེམས་དཔའ་རྣམ་འཚང་རྒྱ། །དེ་ནས་བྱང་ཆུབ་སེམས་དཔའ་མེ་ཏོག་ཀུན་ནས་འོད་འཕྲོ་གཙུག་ཕུད་རབ་ཏུ་འཕྱང་བས། སངས་
D44.035.0081b03.01རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཞིང་རྣམས་ཀུན་ཏུ་སངས་རྒྱས་ཀྱི། །གསུང་གི་དཀྱིལ་འཁོར་སྒྲ་འབྱིན་ཏེ། །ཆོས་ཀྱི་དབྱིངས་རྣམས་གང་བྱས་ནས། །ཡོན་
D44.035.0081b04.01ཏན་སྤྲིན་ནི་རབ་ཏུ་བརྗོད། །ཡང་དག་སངས་རྒྱས་ཆོས་ཀྱི་སྐུ། །རྣམ་དག་ནམ་མཁའ་འདྲ་བ་སྟེ། །གཟུགས་ཀྱི་སྐུ་ཡང་རབ་སྟོན་ཅིང་། །ཆོས་ཉིད་འདི་ལ་ཤིན་ཏུ་འཇུག །དགའ་དང་མོས་པའི་ཤུགས་རྣམས་དང་། །སངས་རྒྱས་སྟོབས་
D44.035.0081b05.01རྣམས་ཐམས་ཅད་ལ། །རབ་ཏུ་གནས་ཤིང་དེ་དག་ནི། །དེ་བཞིན་གཤེགས་པའི་ཡེ་ཤེས་འཇུག །ཤེས་རབ་ཆུང་ངུས་ཆོས་འདི་དག །ཀུན་ནས་ཤེས་པར་མི་ནུས་ཏེ། །ཡེ་ཤེས་མིག་ནི་རྣམ་སྦྱངས་ཤིང་། །འདི་ཡི་ཚུལ་ལ་འཇུག་པར་འགྱུར། །
D44.035.0081b06.01རབ་ཏུ་གནས་དང་བྱིན་རླབས་དང་། །ཆོས་ཀུན་རྣམ་པར་སྤྱད་པ་དང་། །རབ་ཏུ་འཇུག་དང་ལྡང་བ་ཡི། །མཉམ་པ་ཉིད་ལ་རབ་ཏུ་ཞུགས། །ཆོས་རྣམས་མཐའ་ཡས་ཀློང་གི་རྣམས། །ཆོས་ཀུན་མཚན་ཉིད་རྣམས་ལ་སྟེ། །ཀུན་མཁྱེན་ཉིད་ལ་རབ་ཞུགས་
D44.035.0081b07.01