完整藏文原文 · 德格版页 当前仅加载第 35 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་སྒོ་ནས་རྣམ་པར་ལྡང་། །སྤུ་རྩེ་ཀུན་གྱི་སྒོ་ལ་མཉམ་བཞག་ཅིང་། །སྐྲ་རྩེ་གཅིག་གི་སྒོ་ནས་རྣམ་པར་ལྡང་། །སྐྲ་རྩེ་གཅིག་གི་སྒོ་ནས་མཉམ་བཞག་ཅིང་། །སྐྲ་རྩེ་ཀུན་གྱི་སྒོ་ནས་རྣམ་པར་ལྡང་། །སྐྲ་རྩེ་ཀུན་གྱི་སྒོར་ནི་མཉམ་བཞག་ཅིང་། །རྡུལ་ཕྲན་གཅིག་ལས་དེ་དག་རྣམ་
D44.035.0233b01.01པར་ལྡང་། །རྡུལ་ཕྲན་གཅིག་ལ་དེ་དག་མཉམ་བཞག་ཅིང་། །རྡུལ་ཕྲན་མ་ལུས་ཀུན་ལས་རྣམ་པར་ལྡང་། །རྡུལ་ཕྲན་ཀུན་ལ་དེ་དག་མཉམ་བཞག་ཅིང་། །རྒྱ་མཚོ་རྡོ་རྗེའི་གཞི་ལས་རྣམ་པར་ལྡང་། །རྒྱ་མཚོ་རྡོ་རྗེའི་གཞི་ལ་མཉམ་བཞག་ཅིང་། །རིན་ཆེན་ཤིང་གི་
D44.035.0233b02.01འབྲས་ལས་རྣམ་པར་ལྡང་། །རིན་ཆེན་ཤིང་གི་འབྲས་ལ་མཉམ་བཞག་ཅིང་། །རྒྱལ་བའི་འོད་ཟེར་སྒོར་ནི་རྣམ་པར་ལྡང་། །རྒྱལ་བའི་འོད་ཟེར་སྒོར་ནི་མཉམ་བཞག་ཅིང་། །རྒྱ་མཚོ་ཆུ་དང་ཆུ་ཀླུང་ཀུན་ནས་ལྡང་། །རྒྱ་མཚོ་ཆུ་ཀླུང་ཀུན་ནས་མཉམ་བཞག་ཅིང་། །བདག་
D44.035.0233b03.01ཉིད་ཆེ་བ་མེ་ཡི་ལམ་ལས་ལྡང་། །མེ་ཡི་ལམ་ལ་དེ་དག་མཉམ་བཞག་ཅིང་། །དྲན་དང་ལྡན་པ་རླུང་གི་ལམ་ལས་ལྡང་། །རླུང་གི་ལམ་ལ་དེ་དག་མཉམ་བཞག་ཅིང་། །བདག་ཉིད་ཆེ་བས་ཡི་གེ་ཞི་ལས་ལྡང་། །ས་ཡི་གཞི་ལ་མཉམ་པར་བཞག་བྱས་ཤིང་། །ལྷ་ཡི་གཞལ་
D44.035.0233b04.01མེད་ཁང་ནས་རྣམ་པར་ལྡང་། །ལྷ་ཡི་གཞལ་མེད་ཁང་དུ་མཉམ་བཞག་ཅིང་། །དྲན་དང་ལྡན་པ་ཀླུ་ཡི་གནས་ནས་ལྡང་། །ཡོན་ཏན་མཐའ་ཡས་བསྩགས་པ་དེ་དག་གི །ཏིང་འཛིན་རྣམ་ཐར་དེ་དག་བསམ་{མྱི་,མི་}ཁྱབ། །རྒྱལ་བ་ཀུན་གྱི་བསྐལ་པ་བསམ་ཡས་སུ། །
D44.035.0233b05.01བསྟན་པར་མཛད་ཀྱང་ཟད་པར་{མྱི་,མི་}རུང་ངོ་། །རྒྱལ་བ་ཀུན་གྱིས་དེ་སྐད་མ་གསུངས་{མྱིན,མིན}། །འགྲོ་བའི་ལས་ཀྱི་རྣམ་སྨིན་བསམ་{མྱི་,མི་}ཁྱབ། །ཀླུ་ཡི་རྣམ་འཕྲུལ་སངས་རྒྱས་རྣམ་འཕྲུལ་དང་། །བསམ་གཏན་པ་ཡི་རྣམ་འཕྲུལ་བསམ་{མྱི་,མི་}ཁྱབ། །དེ་དག་ཀུན་ལའང་དཔེ་བསྟན་བརྗོད་
D44.035.0233b06.01པར་བྱ། །དེ་ལ་འདྲ་བའི་དཔེ་ལྟ་ཡོད་མིན་ཏེ། །མཁས་ཤིང་གསལ་བའི་སྐྱེ་བོ་དཔེ་རྣམས་ཀྱིས། །བསྟན་ན་མྱུར་དུ་རྣམ་པར་དོན་ཤེས་འགྱུར། །སེམས་ཀྱི་ལམ་ལ་རྣམ་ཐར་བརྒྱད་གནས་པའི། །ཉན་ཐོས་གཅིག་ཏུ་གྱུར་ཅིང་མང་པོར་འགྱུར། །མང་པོར་གྱུར་ཅིང་དེ་
D44.035.0233b07.01