完整藏文原文 · 德格版页 当前仅加载第 35 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
གྲོང་རྡལ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དེ། གྲོང་རྡལ་མཛོད་མཐའ་ཡས་པ་ཞེས་བྱ་བ་དེ་ནི་དེ་བཞིན་གཤེགས་པའི་དགོངས་པའི་ཕྱིར་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཕུན་སུམ་ཚོགས་པ་
D44.035.0163b01.01དང་ལྡན་པའོ། །དེ་བཞིན་གཤེགས་པའི་དགོངས་པའི་ཕྱིར་རྒྱ་མཚོ་རེ་རེ་ཞིང་ཡང་ཏིང་ངེ་འཛིན་གྱི་འོབས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཡོངས་སུ་བསྐོར་བའོ། །ཏིང་ངེ་འཛིན་གྱི་འོབས་རྒྱ་མཚོ་དེ་དག་རེ་རེ་ཞིང་ཡང་དེ་བཞིན་གཤེགས་
D44.035.0163b02.01པའི་ཞི་གནས་ཀྱི་ཆུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཡོངས་སུ་གང་བའོ། །དེ་བཞིན་གཤེགས་པའི་ཞི་གནས་ཀྱི་ཆུ་རྒྱ་མཚོ་དེ་དག་རེ་རེ་ཞིང་ཡང་དེ་བཞིན་གཤེགས་པའི་ཡེ་ཤེས་དང་ཡོན་ཏན་གྱི་མེ་ཏོག་ཨུཏྤ་ལ་དང་། པད་མོ་དང་
D44.035.0163b03.01ཀུ་མུ་ཏ་དང་པུན་ད་རི་ཀ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་ཁྱབ་པར་གང་བའོ། །གྲོང་རྡལ་མཛོད་མཐའ་ཡས་པ་དེ་ནི་བྱང་ཆུབ་ཀྱི་སེམས་རིན་པོ་ཆེ་ཤིན་ཏུ་རྣམ་པར་དག་པའི་ཕ་གུ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་
D44.035.0163b04.01ལས་བརྩིགས་པ། ས་བཅུའི་ཁང་པ་བརྩེགས་པ་དང་། གཞལ་མེད་ཁང་གི་ཕྲེང་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་རྣམ་པར་ཕྱེ་བ་སྟེ། གྲོང་རྡལ་མཛོད་མཐའ་ཡས་པ་དེར་སེམས་ཅན་གང་ཇི་སྙེད་སྐྱེས་པ་དེ་དག་ཐམས་ཅད་ཀྱང་དེ་
D44.035.0163b05.01བཞིན་གཤེགས་པ་རྣམ་པར་སྣང་མཛད་ཀྱི་ཆོས་ཀྱི་སྐུ་དང་ངང་ཚུལ་རྒྱ་མཚོ་ལ་རབ་ཏུ་ཞུགས་པ། སྐད་ཅིག་སྐད་ཅིག་ཅིང་སེམས་ཅན་གྱི་ཁམས་སྣ་ཚོགས་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཡོངས་སུ་མྱ་ངན་ལས་ཟློ་བ་འཇིག་རྟེན་གྱི་ཁམས་སྣ་ཚོགས་འཇིག་རྟེན་གྱི་
D44.035.0163b06.01ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་སྡུག་བསྔལ་གྱི་ཕུང་པོ་རྒྱ་མཚོའི་ཁུར་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་བཀུར་བ་ལ་ཡོངས་སུ་སྐྱོ་བ་མེད་པ་ཤ་སྟག་གོ །ཅིའི་ཕྱིར་ན་གྲོང་རྡལ་མཛོད་མཐའ་ཡས་པ་ཞེས་བྱ་བ་དེ་ལ་མཛོད་མཐའ་ཡས་པ་ཞེས་བྱ་
D44.035.0163b07.01