完整藏文原文 · 德格版页 当前仅加载第 35 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
དབང་པོ་རི་བོའི་སྟོབས་རབ་ཏུ་འཇོམས་པའི་རྣམ་པར་ཐར་པ་ནི། སངས་རྒྱས་ཀྱི་སྟོབས་ཡང་དག་པར་འབྱུང་བ་རྗེས་སུ་ཡེ་ཤེས་ཀྱི་འོད་ཅེས་བྱའོ། །དེ་ནས་རྒྱལ་པོ་ཆེན་པོ་ངལ་བསོས་པོས་སངས་རྒྱས་ཀྱི་མཐུས། གནོད་སྦྱིན་གྱི་འཁོར་གྱི་དཀྱིལ་འཁོར་
D44.035.0029a01.01ཐམས་ཅད་ལ་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ལྷ་དབང་སེམས་ཅན་མ་རུང་གང་དག་གིས། །བསྐལ་པ་བརྒྱ་མང་སངས་རྒྱས་མི་མཐོང་ཞིང་། །སྲིད་པ་དག་ན་འཁོར་ཞིང་སྡུག་བསྔལ་བ། །དེ་དག་ཡོངས་སུ་དགྲོལ་བར་
D44.035.0029a02.01སངས་རྒྱས་བྱུང་། །སངས་རྒྱས་སེམས་ཅན་ཕན་དང་བསྐྱབ་པའི་ཕྱིར། །འགྲོ་བ་ཀུན་ལ་མངོན་པར་ཀུན་ན་བཞུགས། །ཉམ་ང་འགྲོ་བའི་འཁོར་ལོ་དག་ནས་འདོན། །འདི་ལ་དབྱངས་ཀྱི་དབང་ཕྱུག་གནོད་སྦྱིན་འཇུག །མི་བཟད་ལས་ཀྱིས་བསྒྲིབས་པའི་སེམས་
D44.035.0029a03.01ཅན་ལ། །རྒྱལ་བས་ཞི་བའི་ཚུལ་རྣམས་ཤིན་ཏུ་བསྟན། །འགྲོ་བ་རྣམས་ལ་ཆོས་ཀྱི་སྒྲོན་མ་འཛིན། །རྣམ་ཐར་འདི་ནི་གཏུམ་པའི་མཚོན་ཆས་མཐོང་། །རང་འབྱུང་བསྐལ་པ་རྒྱ་མཚོར་སྤྱོད་པའི་ཚེ། །རྒྱལ་བའི་ཡོན་ཏན་ཕྱོགས་བཅུ་ཀུན་ཏུ་གྲགས། །
D44.035.0029a04.01དེ་བས་རྒྱལ་བའི་གྲགས་པ་ཀུན་ཏུ་གྲགས། །འདི་ནི་བློ་ཆེན་གནོད་སྦྱིན་བདག་པོས་མཐོང་། །རྒྱལ་བའི་ཤེས་རབ་མཁའ་འདྲ་མཐའ་ཡས་ཏེ། །སངས་རྒྱས་ཆོས་སྐུ་བསམ་གྱིས་མི་ཁྱབ་པོ། །དེ་བས་ཐམས་ཅད་ཕྱོགས་སུ་རྣམ་པར་མཛེས། །
D44.035.0029a05.01འོད་འཕྲོ་མིག་གི་བདག་པོའི་རྣམ་ཐར་ཏོ། །མི་ཡི་དབང་པོ་འགྲོ་བ་ཐམས་ཅད་དུ། །ཡིད་འོང་དབྱངས་སྒྲོག་སྡུག་བསྔལ་ཞི་བར་མཛད། །ཕན་དོན་སྐྱབས་མཛད་ཆོས་རྣམས་ཤིན་ཏུ་བསྟན། །ཚུལ་འདིར་རྡོ་རྗེའི་མིག་ལེགས་རབ་ཏུ་འཇུག །དོན་དབྱིངས་
D44.035.0029a06.01རྒྱ་ཆེན་ཇི་སྙེད་དེ་དག་ཀུན། །རྒྱ་མཚོའི་མདོ་ཚུལ་འགྲོ་བའི་གྲངས་སྙེད་རྣམས། །མི་ཡི་དབང་པོ་དབྱིངས་གཅིག་སྒོ་ནས་བསྟན། །འདི་ནི་བློ་གྲོས་དཔའ་བོའི་རྣམ་ཐར་ཏོ། །འགྲོ་བ་ལམ་ངན་གནས་པ་ཐམས་ཅད་ལ། །སངས་རྒྱས་བསམ་གྱིས་མི་ཁྱབ་ལམ་
D44.035.0029a07.01