完整藏文原文 · 德格版页 当前仅加载第 35 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
ཏིང་འཛིན་མེད་པར་སྤྱོད། །དྲང་སྲོང་དེས་ནི་ཡོངས་སུ་སྨིན་བྱས་ཏེ། །རྒྱལ་བའི་ལེགས་པ་ཡོངས་སུ་གང་བསྒྲུབས་པ། །དེ་དག་པད་མོ་ཆེན་པོ་འཁོར་བྱེད་ཅིང་། །ཀུན་ཀྱང་ཐལ་མོ་སྦྱར་ཏེ་ངོར་ཡང་ལྟ། །སྐྱེས་བུ་ཆེན་པོའི་ཆོས་
D44.035.0232a01.01ཉིད་དེ་འདྲ་སྟེ། །གང་རྣམས་ཏིང་འཛིན་རྣམ་སྤྱོད་ཞུགས་གྱུར་པ། །ཀུན་ཀྱང་རང་རང་སློབ་མས་བསྐོར་འགྱུར་ཏེ། །ཟླ་བ་སྐར་མའི་ཚོགས་ཀྱིས་བསྐོར་བ་བཞིན། །དེ་དག་ཇི་ལྟར་ཕྱོགས་གཅིག་འཇུག་བྱེད་ཅིང་། །སངས་རྒྱས་སྲས་ཀྱི་འཁོར་རྣམས་སྟོན་བྱེད་པ། །
D44.035.0232a02.01དེ་བཞིན་མ་ལུས་ཕྱོགས་རྣམས་ཐམས་ཅད་དུ། །སྟོན་ཏེ་ཏིང་འཛིན་རྣམ་འཕྲུལ་དེ་འདྲའོ། །དེ་དག་ཏིང་འཛིན་རབ་རྣམས་མངོན་སྒྲུབ་ཅིང་། །ཕྱོགས་ཀྱི་དྲ་བ་སྣྲེལ་ཞིར་སྤྱོད་པ་བྱེད། །ལ་ལ་མཉམ་བཞག་ལ་ལ་ནམ་ལངས་པར། །རང་རང་ལུས་ཀྱང་
D44.035.0232a03.01ཕྱོགས་རྣམས་ཀུན་ཏུ་སྟོན། །དེ་དག་ཤར་གྱི་ཕྱོགས་སུ་མཉམ་བཞག་ཅིང་། །དཔའ་བོ་དེ་དག་ནུབ་ཀྱི་ཕྱོགས་ནས་ལྡང་། །ནུབ་ཀྱི་ཕྱོགས་སུ་དེ་བཞིན་མཉམ་བཞག་ཅིང་། །ཤར་གྱི་ཕྱོགས་ནས་བདག་ཉིད་ཆེ་བ་ལྡང་། །དེ་བཞིན་ཕྱོགས་བཅུ་ཀུན་ཏུ་འཇུག་བྱེད་དེ། །ཕྱོགས་
D44.035.0232a04.01རྣམས་གཞན་ཏུ་མཉམ་པར་བཞག་བྱས་ཤིང་། །ཡེ་ཤེས་ཡོན་ཏན་མང་པོ་གཞན་ནས་ལྡང་། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །ཤར་ཕྱོགས་ཞིང་གྲངས་ཇི་སྙེད་ཡོད་པ་རྣམས། །མ་ལུས་དེ་དག་ཀུན་གྱི་རང་བྱུང་གི །སྤྱན་སྔ་ཞབས་ཀྱི་དྲུང་ན་ཏིང་འཛིན་ལ། །
D44.035.0232a05.01ཞི་བར་རྣམ་པར་སྤྱོད་པ་དེ་དག་སྣང་། །དེར་ནི་མཉམ་བཞག་སེམས་ཅན་བསྟན་བྱས་ནས། །ནུབ་ཀྱི་ཞིང་རྣམས་ཀུན་ནས་དཔའ་བོ་རྣམས། །ལངས་ཤིང་རྒྱལ་བ་ཀུན་གྱི་སྤྱན་སྔ་ན། །མཆོད་པ་རྣམ་མང་དུ་མ་བྱེད་པར་སྣང་། །ནུབ་ཀྱི་ཞིང་གྲངས་ཇི་སྙེད་ཡོད་པ་རྣམས། །
D44.035.0232a06.01མ་ལུས་དེ་དག་ཀུན་གྱི་སངས་རྒྱས་ཀྱི། །སྤྱན་སྔ་ཞབས་ཀྱི་དྲུང་ན་ཏིང་འཛིན་ལ། །ཞི་བར་རྣམ་པར་སྤྱོད་པ་དེ་དག་སྣང་། །དེར་ནི་མཉམ་བཞག་སེམས་ཅན་བརྟན་བྱས་ནས། །ཤར་གྱི་ཞིང་རྣམས་ཀུན་ནས་དཔའ་བོ་རྣམས། །ལངས་ཤིང་རྒྱལ་བ་ཀུན་གྱི་སྤྱན་སྔ་ན། །
D44.035.0232a07.01