完整藏文原文 · 德格版页 当前仅加载第 35 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ན་དེ་བཞིན་གཤེགས་པ་ལེགས་པར་འབྱུང་བའི་ཡོན་ཏན་ཚད་མེད་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་ཀྱི་རྒྱུད་ཀྱི་དང་པོ་ལ། འཇིག་རྟེན་གྱི་ཁམས་སྤོས་དང་ནོར་བུ་བརྩེགས་པའི་རྒྱལ་མཚན་ཞེས་བྱ་
D44.035.0138a01.01བ་ཡོད་དེ། དེ་ན་དེ་བཞིན་གཤེགས་པ་བློ་གྲོས་རྣམ་པར་ཡངས་པའི་སྤྱན་ཞེས་བྱ་བ་བཞུགས་སོ། །སྤོས་ཆུའི་རྒྱ་མཚོ་རིན་པོ་ཆེས་མཐུན་པར་རྣམ་པར་བརྒྱན་པ། དེ་དང་འདབ་ཆགས་སུ་སྤོས་ཆུའི་རྒྱ་མཚོ་འོད་གཟེར་གྱི་མཛོད་ཀྱི་རི་བོ་འཛིན་པ་ཞེས་བྱ་བ་ཡོད་དེ། །
D44.035.0138a02.01དེ་ལ་འཇིག་རྟེན་གྱི་ཁམས་ཀྱི་རྒྱུད་ནམ་མཁའི་སྤྲིན་ཡངས་པ་འབྱུང་བ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རྒྱན་སྣ་ཚོགས་ཀྱི་བྱིན་གྱི་རླབས་ཀྱི་སྤྱོད་ཡུལ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་དྲི་མ་མེད་ཅིང་སྒྲིབ་པ་མེད་
D44.035.0138a03.01པར་རྣམ་པར་ཕྱེ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་པད་མོ་འདབ་མ་སྟུག་པོ་རབ་ཏུ་འཕྱང་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ལུས་ཀྱི་རྒྱན་དམ་པའི་མར་མེ་ཞེས་བྱ་བ་རབ་ཏུ་གནས་སོ། །དེ་དང་
D44.035.0138a04.01འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེ་ཐམས་ཅད་ཀྱི་རྒྱན་ཤིན་ཏུ་གནས་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཉི་མའི་འོད་ཟེར་གྱི་དྲ་བ་འབྱུང་གནས་ཤེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་ཡང་དག་པར་
D44.035.0138a05.01བསྒྲུབས་པ་ཤིན་ཏུ་མང་བ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་རིན་པོ་ཆེའི་ཟེ་བ་བྱིན་གྱི་བརླབས་ཀྱི་གནས་ཤེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེ་ཤིན་ཏུ་གཙང་བའི་སྤྱོད་པ་ཞེས་བྱ་བ་ཡོད་དེ། དེ་ལ་འཇིག་
D44.035.0138a06.01རྟེན་གྱི་ཁམས་ཀྱི་རྒྱུད་ལུས་དམ་པ་རྒྱ་མཚོའི་རྒྱན་ཅེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་ནོར་བུ་སྣ་ཚོགས་ཀྱི་ཕུང་པོ་འཛིན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ནམ་མཁའ་རྣམ་པར་དག་པའི་སྙིང་པོ་ཞེས་བྱ་བ་
D44.035.0138a07.01