完整藏文原文 · 德格版页 当前仅加载第 35 函德格 383b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་པུ་འཆར་ཏེ། སེམས་ཅན་གླིང་བཞིར་གཏོགས་པ་དེ་དག་རང་རང་གི་ལུས་ལས་ཀྱང་སྣང་བ་གང་གིས་དེ་དག་གིས་ཉི་མའི་གྲངས་ཤེས་པར་འགྱུར་བའམ། རང་གི་དོན་བསྒྲུབ་པར་འགྱུར་བའམ། ལོ་ཏོག་ཡོངས་སུ་སྨིན་པར་འགྱུར་བའམ། ཉིན་གཅིག་ཉིན་
D44.035.0383b01.01གཅིག་ཅིང་བཟའ་ཤིང་གི་ར་བ་དང་། གྲོང་ཁྱེར་དག་ཏུ་དགའ་བ་དང་། རྩེ་བའི་ལོངས་སྤྱོད་མྱོང་བར་འགྱུར་བའམ། ཕྱོགས་སྣང་བར་འགྱུར་བའམ། གྲོང་དང་གྲོང་ཁྱེར་དང་ལྗོངས་དང་། ཕོ་བྲང་འཁོར་དང་། རྒྱལ་པོའི་གནས་དག་ཏུ་འགྲོ་བ་དང་འོང་བར་བྱ་
D44.035.0383b02.01བ་འམ། སྤྱོད་པའི་དོན་སྦྱར་བར་བྱ་བའི་སྣང་བ་མི་འབྱུང་སྟེ། སེམས་ཅན་དེ་དག་རང་རང་གི་ལུས་ལ་ཡང་འོད་གང་གིས་དེ་དག་གི་དོན་བསྒྲུབ་པའི་འོད་དེ་ལྟ་བུ་མི་གཏོང་སྟེ། འདི་ལྟར་ལྷའི་བུ་ཉི་མའི་དཀྱིལ་འཁོར་གཅིག་པུ་གཉིས་སུ་མེད་པ་དེ་ནི་གླིང་བཞིའི་འཇིག་
D44.035.0383b03.01རྟེན་གྱི་ཁམས་སུ་སེམས་ཅན་རྣམས་ལ་སྣང་བར་བྱ་བའི་ཕྱིར་འཆར་ཞིང་རབ་ཏུ་འབྱུང་ངོ་། །དེ་བཞིན་དུ་བྱང་ཆུབ་སེམས་དཔའ་དགེ་བའི་རྩ་བ་ཡོངས་སུ་བསྔོ་བ་ན་སེམས་འདི་ལྟར་སྐྱེ་སྟེ། སེམས་ཅན་འདི་དག་ཐམས་ཅད་ལ་གང་གིས་དེ་དག་བདག་ཉིད་ཡོངས་སུ་
D44.035.0383b04.01བསྐྱབ་པར་བྱ་བ་དེ་ཉིད་ཀྱང་མེད་ན། གཞན་བསྐྱབ་པ་ལྟ་ཅི་སྨོས་ཀྱི་བདག་ཉིད་གཅིག་པུ་གཉིས་སུ་མེད་པས། སེམས་ཅན་ཐམས་ཅད་ཀྱི་ཕྱིར་འདི་ལྟར་སེམས་ཅན་ཐམས་ཅད་དགྲོལ་བ་དང་། སེམས་ཅན་ཐམས་ཅད་སྣང་བར་བྱ་བ་དང་། སེམས་ཅན་ཐམས་
D44.035.0383b05.01ཅད་གསལ་བར་བྱ་བ་དང་། སེམས་ཅན་ཐམས་ཅད་ཤེས་པར་བྱ་བ་དང་། སེམས་ཅན་ཐམས་ཅད་གཟུང་བར་བྱ་བ་དང་། སེམས་ཅན་ཐམས་ཅད་བསྡུ་བར་བྱ་བ་དང་། སེམས་ཅན་ཐམས་ཅད་བསྐྱེད་པར་བྱ་
D44.035.0383b06.01བ་དང་། སེམས་ཅན་ཐམས་ཅད་ཚིམ་པར་བྱ་བ་དང་། སེམས་ཅན་ཐམས་ཅད་ཀྱི་ཐེ་ཙོམ་གཅད་པའི་ཕྱིར། དགེ་བའི་རྩ་བ་རྣམས་ཡང་དག་པར་བསྡུའོ། །དགེ་བའི་རྩ་བ་རྣམས་ཡོངས་སུ་བསྔོ་བར་བྱའོ། །བདག་གིས་ནི་
D44.035.0383b07.01