完整藏文原文 · 德格版页 当前仅加载第 35 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་སྨིན་བྱས་དེ་བས་འཁོར་ཀུན་ཀྱང་། །སེམས་དག་སངས་རྒྱས་དབང་པོའི་སྟོབས་ལ་འཇུག །འཇིག་རྟེན་ཀུན་གྱི་མོས་པ་སྣ་ཚོགས་དང་། །བསམ་པ་ཇི་བཞིན་སྦྱོར་བ་རྣམ་སྤྱོད་པ། །དེ་དག་ཇི་བཞིན་རྒྱལ་བ་ཆོས་སྟོན་ཏེ། །རང་བྱུང་
D44.035.0062a01.01མོས་པ་མཁྱེན་པའི་སྟོབས་སྟོན་ཏོ། །ཕྱོགས་རྣམས་མ་ལུས་ཞིང་རྣམས་རྒྱ་མཚོ་དང་། །འབྱམ་ཀླས་སེམས་ཅན་ཁམས་དང་ཆོས་ཀྱི་ཁམས། །ནམ་མཁའི་ཁམས་རྣམས་མཉམ་ཉིད་མཁྱེན་མི་རྟོག །རང་བྱུང་སྤུ་རྩེར་ཁམས་མཁྱེན་སྟོབས་ཀྱང་བསྟོན། །བདེ་
D44.035.0062a02.01གཤེགས་ཡེ་ཤེས་རྒྱ་ཆེན་ཀུན་ཏུ་འགྲོ། །སྐད་ཅིག་གཅིག་གིས་དུས་གསུམ་མ་ལུས་འགེངས། །ཕྱོགས་དང་ཞིང་དང་བསྐལ་པ་འགྲོ་བཀང་ཞིང་། །སེམས་ཅན་ཀུན་ལ་སྟོབས་འཇུག་མངོན་པར་བསྟན། །བསམ་གཏན་རྣམ་ཐར་སྟོབས་མཐའ་དབུས་མེད་པ། །
D44.035.0062a03.01ཏིང་འཛིན་རྒྱ་མཚོའི་ཚུལ་ནི་འགྲོ་ཀུན་སྙེད། །ཐམས་ཅད་རྒྱལ་བའི་སྐུ་ལ་བསྟན་པས་ན། །སེམས་ཅན་བསམ་པའི་ཆོས་ཀྱི་ཉོན་མོངས་སེལ། །སངས་རྒྱས་ཡེ་ཤེས་དུས་གསུམ་སྒྲིབ་པ་མེད། །སྐད་ཅིག་ཀུན་ལ་དུས་གསུམ་སྤུ་རྩེར་བསྟན། །ཞིང་དང་
D44.035.0062a04.01སེམས་ཅན་སངས་རྒྱས་དེ་བཞིན་ཆོས། །དེ་ལྟར་རྒྱལ་བས་རྗེས་སུ་དྲན་སྟོབས་བསྟན། །ཐུབ་པའི་སྤྱན་ནི་ནམ་མཁའ་མཉམ་པ་སྟེ། །དེ་ནས་ཆོས་དབྱིངས་མ་ལུས་གསལ་བར་གཟིགས། །ཐམས་ཅད་ཚུལ་གྱིས་ཆགས་མེད་གཞལ་ཡས་ཁང་། །
D44.035.0062a05.01བརྙེས་པས་ཡེ་ཤེས་སྤྱན་ནི་རྣམ་མང་བསྟན། །འཇིག་རྟེན་ཀུན་གྱི་སྦྱོར་མང་ཇི་སྙེད་དང་། །འགྲོ་བའི་བག་ཆགས་བག་ཉལ་མ་ལུས་པར། །ཐབས་སྒོ་ཀུན་ནས་ཉོན་མོངས་ཞི་མཛད་ཅིང་། །རྒྱལ་བ་འཇིག་རྟེན་གང་བར་ཀུན་ནས་བྱུང་། །དེ་ནས་བྱང་
D44.035.0062a06.01ཆུབ་སེམས་དཔའ་ཆོས་ཀྱི་དབྱིངས་ཀྱི་དབྱངས་ཀུན་ནས་སྒྲོག་པས། སངས་རྒྱས་ཀྱི་མཐུས་འཁོར་རྒྱ་མཚོ་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱ་ཆེན་སངས་རྒྱས་བྱིན་རླབས་ཕྱོགས་ཀུན་
D44.035.0062a07.01