完整藏文原文 · 德格版页 当前仅加载第 35 函德格 114a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་སྒྲ་དབྱངས་རབ་ཏུ་སྒྲོག་པ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་དགུའི་རྡུལ་
D44.035.0114a01.01ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། རྣམ་པར་དག་ཅིང་ཀུན་ནས་ཉོན་མོངས་པ། རིན་པོ་ཆེ་ཡིད་བཞིན་གྱི་རྒྱལ་པོའི་འཁོར་ལོའི་ཤིང་གི་རྒྱན་གྱི་ས་མཚམས་ཅན། ནོར་བུའི་རྒྱལ་པོ་རྒྱན་ཐམས་ཅད་ཀྱི་སྤྲིན་འབར་བའི་སྒྲ་ཡི་རྒྱ་མཚོའི་གཞི་ལ་རབ་ཏུ་གནས་པ། ཚངས་
D44.035.0114a02.01པའི་ལུས་ཀྱི་དབྱིབས་ལྟར་འདུག་པ། སེང་གེའི་ཁྲིའི་སྤྲིན་རིན་པོ་ཆེ་ཡིད་དུ་འོང་བ་མཐའ་ཡས་པའི་རྒྱན་ཅན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་མཚན་གྱི་གཟི་བརྗིད་ཐུབ་པ་མེད་པའི་ཟླ་བ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་
D44.035.0114a03.01སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རྡོ་རྗེའི་རྒྱལ་མཚན་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རྒྱན་མཐའ་ཡས་པ་དང་། མུ་ཏིག་གི་འབྲུ་
D44.035.0114a04.01རབ་ཏུ་འཕྱང་བ་དང་། རིན་པོ་ཆེའི་ཕྲེང་བའི་རྒྱན་གྱི་ས་མཚམས་ཅན། རིན་པོ་ཆེའི་སེང་གེའི་ཁྲིའི་རྒྱན་དང་མུ་ཏིག་གི་ཕྲེང་བ་དང་རྒྱན་ཐམས་ཅད་ཀྱིས་བརྒྱན་པའི་ནོར་བུའི་རྒྱ་མཚོ་ལ་རབ་ཏུ་གནས་པ། ཀུན་ནས་ཟླུམ་པའི་དབྱིབས་སུ་འདུག་པ། སྤོས་དང་ནོར་བུ་དང་མེ་ཏོག་
D44.035.0114a05.01སྣ་ཚོགས་ཀྱི་རི་རབ་ཀྱི་སྤྲིན་རི་རབ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་རྒྱ་མཚོ་ཐམས་ཅད་ཀྱིས་ཤིན་ཏུ་འཕགས་པའི་རྒྱལ་པོ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་
D44.035.0114a06.01རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་མདོག་རྣམ་པར་སྣང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་གཅིག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཀུན་ནས་ཉོན་མོངས་ཤིང་རྣམ་པར་དག་པ། རྡོ་རྗེ་ལྟར་མི་ཤིགས་ཤིང་སྲ་
D44.035.0114a07.01