完整藏文原文 · 德格版页 当前仅加载第 35 函德格 154b 版页；藏文 NFD、目录标记与异常页序保留在来源切片中，重复版页行以稳定序号区分。
བ་རབ་ཏུ་སྐྱེས་སོ། །ཡེ་ཤེས་ཀྱི་རིམ་པ་རྣམ་པར་དག་ཅིང་དྲི་མ་མེད་པའི་སྣང་བ་ཞེས་བྱ་བ་ཡང་ནོན་པར་གྱུར་ཏོ། །ཕ་རོལ་ཏུ་ཕྱིན་པའི་དཀྱིལ་འཁོར་འགྲོ་བ་ཐམས་ཅད་དགའ་བར་ལྟ་བའི་རྒྱན་ཅེས་བྱ་བར་ཡང་ཞུགས་པར་གྱུར་ཏོ། །ཞིང་ཐམས་ཅད་དུ་ཡང་ཡང་དག་
D44.035.0154b01.01པར་འཇུག་པ་དང་སྣང་བ་མཐའ་ཡས་པར་མཐོང་བས་རྣམ་པར་དག་པའི་སྤྱོད་པའི་དཀྱིལ་འཁོར་ལ་ཡང་རབ་ཏུ་ཞུགས་སོ། །སྤྱོད་པའི་དཀྱིལ་འཁོར་བསོད་ནམས་ཀྱི་སྤྲིན་དྲི་མ་མེད་པའི་འོད་ཀྱི་རྒྱལ་མཚན་ཅེས་བྱ་བ་ལ་ཡང་རབ་ཏུ་ཞུགས་པར་གྱུར་ཏོ། །རྗེས་སུ་
D44.035.0154b02.01རྟོག་པའི་དཀྱིལ་འཁོར་ཆོས་ཀྱི་རྒྱ་མཚོ་འབྱམ་ཀླས་པ་ཐམས་ཅད་སྣང་བ་ཞེས་བྱ་བ་ཡང་རྗེས་སུ་རྟོགས་པར་གྱུར་ཏོ། །འཇུག་པའི་དཀྱིལ་འཁོར་ཡེ་ཤེས་ཆེན་པོའི་ཤུགས་ཀྱི་རྒྱན་ཅེས་བྱ་བ་ལ་ཡང་རབ་ཏུ་ཞུགས་སོ། །རང་འབྱུང་དུ་འགྱུར་བ་ཤིན་ཏུ་མཐོང་བའི་ཤུགས་
D44.035.0154b03.01ཀྱི་དབང་བསྐུར་བའི་ཡེ་ཤེས་རྒྱ་མཚོ་ལ་ཡང་ཞུགས་པར་གྱུར་ཏོ། །དེ་བཞིན་གཤེགས་པའི་ཡོན་ཏན་རྒྱ་མཚོའི་མཚན་ཉིད་ཀྱི་འོད་རྣམ་པར་སྣང་བའི་སྣང་བ་ཆེན་པོས་ཀྱང་ཤིན་ཏུ་སྣང་བར་གྱུར་ཏོ། །སྨོན་ལམ་གྱི་སྟོབས་ཚད་མེད་པ་ལ་མོས་པ་རྒྱ་མཚོའི་སྙིང་པོའི་སྨོན་ལམ་མངོན་པར་
D44.035.0154b04.01བསྒྲུབ་པའི་ཡེ་ཤེས་ཀྱི་སྟོབས་ལ་ཡང་རྣམ་པར་དག་པར་གྱུར་ཏོ། །དེ་ནས་དེ་བཞིན་གཤེགས་པ་ཕ་རོལ་ཏུ་ཕྱིན་པའི་སྤྱན་བཟང་པོ་རྒྱན་གྱི་རྒྱལ་པོས་བྱང་ཆུབ་སེམས་དཔའ་གཟི་བརྗིད་ཆེན་པོ་ལ་ཚིགས་སུ་བཅད་དེ་གསུངས་པ། །ལེགས་སོ་ཡོན་ཏན་ཡེ་ཤེས་
D44.035.0154b05.01རྒྱ་མཚོ་ཅན། །སངས་རྒྱས་བྱང་ཆུབ་སྨོན་ལམ་ཡང་དག་གནས། །སེམས་ཅན་ཀུན་གྱི་མགོན་དང་གནས་གྱུར་པའི། །རྒྱལ་བ་དམ་པ་བསམ་གྱིས་མི་ཁྱབ་འགྱུར། །ཡེ་ཤེས་རྒྱ་མཚོ་ཆེན་པོར་མངོན་པར་བྱུང་། །ཆོས་ཀྱི་དབྱིངས་སུ་ཐམས་ཅད་རྒྱས་བྱས་
D44.035.0154b06.01ཏེ། །སངས་རྒྱས་སྤྱོད་ཡུལ་རྒྱ་ཆེན་མི་ཟད་པའི། །བསམ་གྱིས་{མྱི་,མི་}ཁྱབ་ཚུལ་ལ་འཇུག་པར་འགྱུར། །སངས་རྒྱས་ཐམས་ཅད་ཡོན་ཏན་སྤྲིན་མཐོང་བའི། ཡེ་ཤེས་ས་ཡང་མི་ཟད་ནོན་པར་གྱུར། །ཕ་རོལ་ཕྱིན་པ་རྒྱ་མཚོ་ཀུན་གྱི་ཚུལ། །གྲགས་པ་
D44.035.0154b07.01