完整藏文原文 · 德格版页 当前仅加载第 35 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་རང་བཞིན་སེམས་སུ་འགྱུར། །ཏིང་འཛིན་རྗེས་སུ་སེམས་འགྲོར་རབ་བྱས་པས། །དེས་ནི་སེམས་སྦྱོང་འོད་ཟེར་དེ་གྲུབ་པོ། །འོད་ཟེར་གཟུགས་སྦྱོང་རབ་ཏུ་དགྱེ་བྱས་ཤིང་། །བསམ་ཡས་སྐུ་མངའ་མིའི་དབང་པོ་མཐོང་། །
D44.035.0231a01.01སྐུ་གཟུགས་རི་མོ་སྣ་ཚོགས་མང་པོ་དང་། །མཆོད་རྟེན་རྒྱས་བྱས་གཟུགས་སྦྱོང་ཐོབ་པར་འགྱུར། །འོད་ཟེར་སྒྲ་སྦྱོང་རབ་ཏུ་བཀྱེ་བྱས་ཤིང་། །སྒྲ་ནི་སྒྲ་མིན་སྟོང་པར་རབ་ཏུ་ཤེས། །རྐྱེན་ལས་བྱུང་བས་སྒྲ་བརྙན་འདྲའོ་ཞེས། །སྒྲ་རྣམས་བསྟན་པས་འོད་ཟེར་དེ་གྲུབ་པོ། །འོད་
D44.035.0231a02.01ཟེར་དྲི་སྦྱོང་རབ་ཏུ་དགྱེ་བྱས་ཤིང་། །དྲི་ང་ཐམས་ཅད་དྲི་ཞིམ་མཆོག་ཏུ་འགྱུར། །སྤོས་མཆོག་རབ་ཆུས་རྒྱལ་བའི་མཆོད་རྟེན་དག །ཁྲུས་བྱས་བྱང་ཆུབ་ཤིང་གི་འོད་དེ་ཡིན། །འོད་ཟེར་བྲོ་མཆོག་རབ་ཏུ་དགྱེ་བྱས་ཤིང་། །དུག་ཅན་དུག་{མྱེད་,མེད་}རོ་ཡི་མཆོག་ཏུ་འགྱུར། །
D44.035.0231a03.01སངས་རྒྱས་ཉན་ཐོས་བཅས་དང་ཕ་མ་ལ། །བྲོ་མཆོག་ཐམས་ཅད་ཕུལ་བའི་འོད་དེ་ཡིན། །འོད་ཟེར་རེག་སྦྱོང་རབ་ཏུ་དགྱེ་བྱས་ཤིང་། །རེག་ན་མི་བདེ་ཐམས་ཅད་འཇམ་བདེར་འགྱུར། །ཏྲི་ཤུལ་མདུང་དང་རལ་གྲི་མདའ་ཡི་ཆར། །ཕྲེང་བ་ཡིད་འོང་ཨུཏྤལ་པདྨོར་
D44.035.0231a04.01འགྱུར། །གོས་མང་འཇམ་པ་རེག་ན་བདེ་བའི་རྣམས། །རྒྱལ་བ་གཤེགས་པའི་ལམ་དུ་བཏིང་བཀྲམ་སྟེ། །མེ་ཏོག་བྱུག་པ་ན་བཟའ་འཇམ་པ་དང་། །ཕྲེང་བ་བླ་རེ་གསོལ་བས་འོད་དེ་ཡིན། །འོད་ཟེར་ཆོས་སྤྱོད་རབ་ཏུ་དགྱེ་བྱས་ཤིང་། །བ་སྤུ་ཀུན་
D44.035.0231a05.01ནས་འཇིག་རྟེན་ཕན་མཛད་པའི། །བསམ་ཡས་ཆོས་མང་འབྱུང་བ་ཐོས་པར་འགྱུར། །མོས་པའི་ལམ་ཚུལ་བཞིན་དུ་དགའ་བར་བྱེད། །རྐྱེན་ལས་བྱུང་བས་མ་སྐྱེས་རང་བཞིན་ཡིན། །རྒྱལ་བའི་སྐུ་ནི་ཆོས་ཀྱི་སྐུ་ཡིན་ཏེ། །ཆོས་ཉིད་ནམ་མཁའ་བཞིན་དུ་
D44.035.0231a06.01རྟག་གནས་ཤེས། །བརྗོད་པས་ཆོས་སྦྱོང་འོད་ཟེར་དེ་ཐོབ་པོ། །འོད་ཟེར་སྒོ་མོ་དེ་དག་ལ་སོགས་པ། །དྲང་སྲོང་རྣམས་ཀྱི་བ་སྤུའི་སྒོ་གཅིག་ནས། །གང་གཱའི་བྱེ་མ་སྙེད་ཀྱི་འོད་ཟེར་བྱུང་། །ཀུན་ཀྱང་ཐ་དད་ལས་ཀྱི་ཚུལ་ཅན་ནོ། །ཇི་ལྟར་བ་སྤུ་གཅིག་
D44.035.0231a07.01