完整藏文原文 · 德格版页 当前仅加载第 35 函德格 258a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་དང་པོར་མཐའ་ཡས་པས། །ཕྱོགས་བཅུ་མ་ལུས་ཐམས་ཅད་རྒྱས་པར་བྱ། །དུས་གསུམ་ཀུན་ཏུ་གང་ཚེ་སེམས་གཏོང་བ། །དེ་ཚེ་ཐམས་ཅད་མཁྱེན་པ་ཀུན་གཟིགས་འགྱུར། །ཞིང་རྣམས་ཀུན་ལ་མུ་མཐའ་ཡོད་
D44.035.0258a01.01པ་མིན། །སེམས་ཅན་ཆོས་དང་འཇིག་རྟེན་ཀུན་དེ་བཞིན། །ལས་དང་ཉོན་མོངས་གནས་ཀྱང་མཐའ་ཡས་ཏེ། །བྱང་ཆུབ་སེམས་རབ་དེ་ལ་གནས་པ་ཡིན། །སྐད་ཅིག་སེམས་ལ་བྱང་ཆུབ་གཞོལ་བའི་སེམས། །གང་སྐྱེས་འཇིག་རྟེན་ཀུན་གྱིས་
D44.035.0258a02.01ཤེས་མི་ནུས། །རང་རྒྱལ་རྣམས་དང་ཉན་ཐོས་ཀུན་གྱིས་མིན། །དེ་ནས་གོང་དུ་སྤྱོད་པ་ཇི་སྐད་བརྗོད། །གང་ཞིག་ཕྱོགས་བཅུའི་འཇིག་རྟེན་ཁམས་ཀྱི་རྣམས། །སྤུ་གཅིག་སྲང་ལ་ཚད་དུ་འཇལ་བྱེད་པ། །དེས་ནི་བྱང་ཆུབ་སེམས་དཔའི་སྤྱོད་པ་ཤེས། །
D44.035.0258a03.01འོན་ཀྱང་སངས་རྒྱས་ཡེ་ཤེས་ཡོངས་སུ་ཚོལ། །ཕྱོགས་བཅུའི་རྒྱ་མཚོ་ཇི་སྙེད་ཡོད་པ་ཀུན། །སྤུ་རྩེའི་ཐིགས་ཀྱིས་ཡོངས་འཇལ་ཤེས་བྱེད་པ། །དེ་ནི་རྒྱལ་སྲས་སྤྱོད་པ་འདི་འདྲ་དག །སེམས་ཀྱི་སྐད་ཅིག་གཅིག་ལ་བསྒྲུབ་པར་བྱེད། །ཇི་ལྟར་
D44.035.0258a04.01ཞིང་རྣམས་རྡུལ་རབ་ཕྲར་བླགས་ཤིང་། །སེམས་ཅན་ལ་ལ་མ་ལུས་བགྲང་བྱེད་དེ། །འདི་སྙེད་ཡོད་ཅེས་གྲངས་སུ་གཅོད་བྱེད་པ། །དེ་འདྲར་རྒྱལ་སྲས་སྤྱོད་པ་བརྗོད་པའོ། །འདས་པའི་སངས་རྒྱས་དེ་བཞིན་མ་བྱོན་དང་། །གང་རྣམས་ཕྱོགས་
D44.035.0258a05.01བཅུར་བྱུང་བར་གྱུར་པ་དང་། །རང་རྒྱལ་དེ་བཞིན་ཉན་ཐོས་རབ་མང་བ། །རྣམ་པར་{དམྱིགས་,དམིགས་}ཤིང་བྱང་ཆུབ་སེམས་སྐྱེའོ། །སེམས་ཅན་ཁམས་རྣམས་མ་ལུས་རྒྱས་གང་ཞིང་། །བྱང་ཆུབ་དོན་དུ་ཐོག་མར་སེམས་བསྐྱེད་པ། །དེ་ཡང་བགྲང་བར་
D44.035.0258a06.01ནུས་པ་མ་ཡིན་ན། །དེ་ལས་གོང་དུ་ཅི་ཞིག་སྨོས་ཀྱང་དགོས། །བྱང་ཆུབ་སེམས་དཔའི་རྣམ་པར་དགོད་པ་བཅུ་བསྟན་པའི་ལེའུ་སྟེ་ཉི་ཤུ་པའོ།། །།སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་གཅིག་པ། དེ་ནས་ལྷའི་བུ་དྲན་པ་དང་ལྡན་པས་བྱང་
D44.035.0258a07.01