完整藏文原文 · 德格版页 当前仅加载第 35 函德格 380b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཅིག །ལུས་ཀྱི་ལས་དང་ངག་གི་ལས་དང་། ཡིད་ཀྱི་ལས་ཀྱི་ཡོན་ཏན་གྱི་རྒྱན་ཐམས་ཅད་ཡོངས་སུ་རྫོགས་པར་གྱུར་ཅིག །དགེ་བའི་རྩ་བ་འདིས་སེམས་ཅན་དེ་དག་ཐམས་ཅད་སངས་རྒྱས་ཐམས་ཅད་མཉེས་པར་བྱེད་པར་གྱུར་ཅིག །མཉེས་
D44.035.0380b01.01པར་བྱས་ནས་ཀྱང་ཐུགས་འབྱུང་བ་མེད་པར་གྱུར་ཅིག །སངས་རྒྱས་བཅོམ་ལྡན་འདས་དེ་དག་ལ་མི་ཕྱེད་པའི་དད་པ་ཡང་ཐོབ་པར་གྱུར་ཅིག །དེ་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་
D44.035.0380b02.01ཆོས་བསྟན་པ་ཐོབ་པར་གྱུར་ཅིག །ཐོས་ནས་ཀྱང་ཐེ་ཙོམ་དང་ཡིད་གཉིས་མེད་པར་གྱུར་ཅིག །ཡང་དག་པར་འཛིན་ཅིང་ནན་ཏན་གྱིས་བསྒྲུབ་པར་གྱུར་ཅིག །སེམས་ཅན་གྱི་དགའ་བ་ཉིད་ཀྱང་ཐོབ་པར་གྱུར་ཅིག །ཁ་ན་མ་ཐོ་བ་མེད་པའི་ལུས་ཀྱི་ལས་ཀྱང་
D44.035.0380b03.01ཡང་དག་པར་གྲུབ་པར་གྱུར་ཅིག །དགེ་བའི་རྩ་བ་ཆེན་པོ་ལ་བདག་རབ་ཏུ་གཞོག་པར་གྱུར་ཅིག །ཤིན་ཏུ་དབུལ་བ་དང་རྣམ་པར་བྲལ་བར་གྱུར་ཅིག །ནོར་བདུན་འཐོབ་པ་ཡོངས་སུ་རྫོགས་པར་གྱུར་ཅིག །སངས་རྒྱས་ཐམས་ཅད་ཀྱི་རྗེས་སུ་ཡང་
D44.035.0380b04.01སློབ་པར་གྱུར་ཅིག །དགེ་བའི་དབང་པོ་འཐོབ་པར་བྱ་བའང་ཐོབ་པར་གྱུར་ཅིག །མོས་པ་ཆེན་པོའི་མཉམ་པ་ཉིད་ཀྱང་ཡོངས་སུ་རྫོགས་པར་གྱུར་ཅིག །ཐམས་ཅད་མཁྱེན་པའི་ཡེ་ཤེས་ཀྱི་གོ་ཡང་རྙེད་པར་གྱུར་ཅིག །འགྲོ་བ་ཐམས་ཅད་དུ་ཉམས་པ་མེད་
D44.035.0380b05.01པའི་མིག་ཀྱང་རྙེད་པར་གྱུར་ཅིག །མཚན་གྱིས་བརྒྱན་པའི་ལུས་ཡོངས་སུ་རྫོགས་པ་ཡང་ཐོབ་པར་གྱུར་ཅིག །ཡོན་ཏན་ཐམས་ཅད་ཀྱིས་བརྒྱན་པའི་ཚིག་རྣམ་པར་དག་པ་ཡང་ཡོངས་སུ་རྫོགས་པར་གྱུར་ཅིག །དབང་པོ་བསྡམས་ཤིང་སྟོབས་བཅུ་
D44.035.0380b06.01དང་ལྡན་པའི་སེམས་དགེ་བ་ཡང་ཡང་དག་པར་གྲུབ་པར་གྱུར་ཅིག །གནས་མེད་པར་སྤྱོད་པ་ཡང་ཡོངས་སུ་རྫོགས་པར་གྱུར་ཅིག །སངས་རྒྱས་ཐམས་ཅད་བདེ་བའི་རིམ་གྲོ་གང་དང་ལྡན་པའི་བདེ་བའི་རིམ་གྲོ་དེ་དག་སེམས་ཅན་ཐམས་ཅད་ཀྱིས་ཐོབ་པར་གྱུར་ཅིག
D44.035.0380b07.01