完整藏文原文 · 德格版页 当前仅加载第 35 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་མཐོང་མ་ཡིན། །ཇི་ལྟར་སྔོན་བློས་ཀུན་བཤད་ཅིང་། །བདག་གིས་ཇི་ལྟར་ཐོས་པ་བཞིན། །སངས་རྒྱས་བྱང་ཆུབ་མི་བསྙེངས་པ། །རྣམ་པར་སྣང་མཛད་རབ་ཏུ་མཐོང་། །དེ་ནས་བྱང་ཆུབ་སེམས་དཔའ་ཡོན་ཏན་བློ་གྲོས་ཀྱིས་སངས་རྒྱས་
D44.035.0242a01.01ཀྱི་མཐུས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །གནས་མེད་པ་ཡི་ཆོས་རྣམས་ལ། །གནས་ནི་ཡོངས་སུ་བརྟགས་པས་ན། །དེ་ཕྱིར་སྲིད་པའི་བཙོན་ར་ན། །བྱིས་པ་རྣམས་ནི་རབ་ཏུ་འཁོར། །བརྗོད་པས་བརྗོད་དུ་མི་
D44.035.0242a02.01རུང་ཆོས། །བློ་ཞན་རྣམས་ཀྱིས་རྣམ་པར་བརྟགས། །དེས་ནི་ཡོངས་སུ་བསྒྲིབས་བྱས་པས། །བདག་གི་སེམས་ཀྱང་རབ་རྨོངས་བྱས། །ཤེས་རབ་ཆུང་ལ་ལམ་ནོར་ཅིང་། །བདག་གི་སེམས་ལ་མི་མཁས་པ། །ཕྱིན་ཅི་ལོག་གི་བློ་དག་གིས། །མི་བཟད་ལུས་ནི་
D44.035.0242a03.01འཕེལ་བར་བྱེད། །གང་གིས་སྟོང་པ་མ་མཐོང་བ། །དེ་དག་འཁོར་ཞིང་ཉམ་ཡང་ང་། །ཆོས་མིག་བསམ་གྱིས་མི་ཁྱབ་པའི། །མིག་ཀྱང་དེ་ལ་ཡོད་པ་མིན། །དེ་བས་མིག་ནི་སྦྱང་བར་གྱིས། །བསམ་པ་རྣམས་ཀྱང་རྣམ་པར་སེམས། །གང་ཕྱིར་བདག་ཅག་
D44.035.0242a04.01སྔོན་ཅད་དུ། །བདེ་གཤེགས་མ་མཐོང་ཆུད་ཀྱང་ཟོས། །ཡང་དག་སངས་རྒྱས་མཐོང་དེ་འང་། །གང་གི་སེམས་ལ་ཆགས་མེད་པ། །དེས་ནི་སངས་རྒྱས་ཅིས་བྱུང་བའི། །ཆོས་རྣམས་དེ་དག་རབ་ཏུ་མཐོང་། །གང་གིས་ཤེས་རབ་ཆེ་མངའ་བ། །ཆོས་སུ་བདེ་གཤེགས་
D44.035.0242a05.01མཐོང་བ་རྣམས། །དེ་དག་འཇིག་རྟེན་མིག་ཅན་ཏེ། །གང་གིས་མཐོང་བ་མཐོང་ཞེས་བྱ། །ལྷག་མཐོང་མེད་པར་མཐོང་བ་ནི། །ཆོས་རྣམས་ངན་པར་མཐོང་བ་སྟེ། །ལྷག་མཐོང་གིས་ནི་མཐོང་གྱུར་ན། །ཐམས་ཅད་མཐོང་བ་མེད་པ་ཡིན། །ཀྱེ་མ་ཆོས་ཀྱི་
D44.035.0242a06.01ཆོས་ཉིད་ནི། །ཡང་དག་སངས་རྒྱས་རྣམས་ཀྱིས་བཤད། །དེ་ནི་རང་བཞིན་ཐམས་ཅད་དུ། །ཤི་བ་མེད་ཅིང་འཚོ་བ་མེད། །སངས་རྒྱས་བྱང་ཆུབ་ཅི་འདྲ་བ། །དཔལ་གྱི་བློས་ནི་སྔོན་བསྟན་ཏེ། །དེ་ལས་བདག་གིས་ཐོས་ནས་ཀྱང་། །སངས་རྒྱས་ཆོས་ཉིད་ཤེས་མ་གྱུར། །
D44.035.0242a07.01