完整藏文原文 · 德格版页 当前仅加载第 35 函德格 80b 版页；藏文 NFD、目录标记与异常页序保留在来源切片中，重复版页行以稳定序号区分。
སྔོན་གྱི་སྤྱོད་པ་རབ་ཏུ་སྒྲོག །ཞིང་རྣམས་ཐམས་ཅད་རྡུལ་སྙེད་ཀྱི། །འོད་ཟེར་དྲ་བ་ཕྱོགས་བཅུ་ན། །སངས་རྒྱས་འོད་ཟེར་ཀུན་སྒོ་ནས། །བྱང་ཆུབ་མཆོག་ཕྱིར་སེམས་ཅན་འདུལ། །ཀུན་ཏུ་མ་འདྲེས་སྐུ་དག་གིས། །ཆོས་དབྱིངས་ཡོངས་སུ་རབ་གསལ་ཏེ། །
D44.035.0080b01.01འགྲོ་རྣམས་འདུལ་བ་ཇི་བཞིན་དུ། །གཟུགས་ཀྱི་སྐུ་ཡང་རབ་ཏུ་མཐོང་། །དུས་གསུམ་ཞིང་རྣམས་ཐམས་ཅད་ཀྱི། །མགོན་པོ་ཇི་སྙེད་བཞུགས་པ་རྣམས། །དེ་དག་ཀུན་གྱི་མཚན་ཀྱང་སྒྲོག །སངས་རྒྱས་རྣམ་པར་འཕྲུལ་ལ་ལྟོས། །ད་ལྟར་བྱུང་དང་འདས་པ་
D44.035.0080b02.01དང་། །སངས་རྒྱས་གང་རྣམས་མ་བྱོན་པ། །དེ་དག་ཀུན་གྱི་བསམ་ཡས་པ། །ཆོས་ཀྱི་འཁོར་ལོ་རབ་ཏུ་གྲག །དེ་ནས་བྱང་ཆུབ་སེམས་དཔའ་ཆོས་ཀྱི་ཡོན་ཏན་གྱི་མཛོད་མི་ཟད་པའི་དཔལ་གྱི་གཟི་བརྗིད་མར་མེས་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་
D44.035.0080b03.01རྣམ་པར་བལྟས་ཏེ། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །གང་གིས་བྱང་ཆུབ་སེམས་དཔའ་ཡི། །ཡེ་ཤེས་ཚོགས་འདི་ཀུན་ནོན་ཅིང་། །ཡེ་ཤེས་རྟོགས་པ་རྙེད་པ་རྣམས། །དེ་དག་འདི་ཡི་ཚུལ་ལ་ཞུགས། །ཆོས་ཀྱི་དབྱིངས་དང་མཉམ་
D44.035.0080b04.01པའི་དབྱངས། །ཞིང་རྣམས་ཀུན་ཏུ་རབ་ཏུ་འབྱུང་། །སངས་རྒྱས་ཀུན་གྱི་སྤྱོད་ཡུལ་ཏེ། །བྱང་ཆུབ་སེམས་དཔའི་ཆེད་དུ་བརྗོད། །སྐད་ཅིག་རེ་རེའི་སེམས་ཀུན་ལ། །ཆོས་ཀྱི་དབྱིངས་སུ་རྣམ་པར་རྒྱུ། །དེ་བཞིན་ཉིད་ལ་གནས་ཤིང་རྟེན། །ཆོས་
D44.035.0080b05.01རྣམས་རྒྱ་མཚོ་ཀུན་ལ་ཞུགས། །རྒྱན་གྱི་ཕ་རོལ་ཕྱིན་པ་རྣམས། །བསྐལ་པ་བྱེ་བ་བསམ་ཡས་སུ། །སངས་རྒྱས་ཐམས་ཅད་སྐུ་དག་དང་། །ཞིང་རྣམས་ཀུན་ན་གནས་ཤིང་སྤྱོད། །རྡུལ་རྣམས་རེ་རེའི་སྟེང་ནས་ཀྱང་། །ཆོས་རྣམས་ཀུན་ནི་རབ་ཏུ་འབྱུང་། །
D44.035.0080b06.01ཞིང་རྣམས་ཀུན་ཀྱང་ཁྱབ་པར་བྱེད། །ཡེ་ཤེས་ཆགས་མེད་སྤྱོད་ཡུལ་ལོ། །སངས་རྒྱས་ཐམས་ཅད་སྤྱོད་ཡུལ་དུ། །ལས་པ་མེད་པར་ཀུན་བཀང་ཞིང་། །རྣམ་པར་འཕྲུལ་པའི་རྣམ་སྤྱོད་པས། །སངས་རྒྱས་སྤྱོད་ཡུལ་རྣམས་ལ་ཞུགས། །སངས་
D44.035.0080b07.01