完整藏文原文 · 德格版页 当前仅加载第 35 函德格 97a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོའི་རྣམ་ཐར་ཏོ། །ཕྱོགས་བཅུ་ཀུན་གྱི་སྙིང་པོ་བྱང་ཆུབ་རྣམས། །སྣ་ཚོགས་རྒྱན་ཅན་ཀུན་ཀྱང་མ་ལུས་པར། །ཐམས་ཅད་རྒྱ་མཚོའི་ཞིང་འདི་དབྱིངས་དག་ན། །ནམ་མཁའི་སྤྲིན་བཞིན་རྣམ་པར་སྟོན་པ་སྣང་། །རྒྱལ་
D44.035.0097a01.01སྲས་ཀུན་ཏུ་བཟང་པོ་ཐམས་ཅད་ཀྱི། །ཞིང་རྣམས་མཐའ་ཡས་འབྱམ་ཀླས་རྒྱན་གྱི་རྣམས། །འགྲོ་བའི་གྲངས་སྙེད་བསྐལ་པ་རྒྱ་མཚོར་རྣམ་སྦྱངས་པ། །ཞིང་རྣམས་རྒྱ་མཚོ་ཀུན་ན་རབ་ཏུ་སྣང་། །ཀྱེ་རྒྱལ་བའི་སྲས་དག་འཇིག་རྟེན་གྱི་ཁམས་རྒྱ་
D44.035.0097a02.01མཚོ་ཡོངས་སུ་དག་པར་བྱ་བའི་ཚུལ་རྒྱ་མཚོ་ནི་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་དུ་ཤེས་པར་བྱ་སྟེ། འདི་ལྟར་བྱང་ཆུབ་སེམས་དཔའ་རྣམས་ཀྱི་དགེ་བའི་བཤེས་གཉེན་ཐམས་ཅད་ལ་བསྟེན་པའི་དགེ་བའི་རྩ་བས་སྐལ་བ་མཉམ་པ་དང་། བྱང་ཆུབ་
D44.035.0097a03.01སེམས་དཔའ་རྣམས་ཀྱི་ཆོས་ཀྱི་དབྱིངས་ཀྱི་བསོད་ནམས་རྒྱ་ཆེན་པོའི་སྤྲིན་རྣམ་པར་འཕེལ་བར་བྱ་བ་དང་། བྱང་ཆུབ་སེམས་དཔའ་རྣམས་ཀྱི་མོས་པའི་དཀྱིལ་འཁོར་རྒྱ་ཆེན་པོ་རྣམ་པར་དག་པ་དང་། བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའ་
D44.035.0097a04.01ཐམས་ཅད་རབ་ཏུ་བརྟན་པའི་ཡུལ་ལ་རྣམ་པར་སྤྱོད་པ་དང་། བྱང་ཆུབ་སེམས་དཔའ་རྣམས་ཀྱི་ཕ་རོལ་ཏུ་ཕྱིན་པ་རྒྱ་མཚོ་ཐམས་ཅད་ཡོངས་སུ་རྫོགས་པར་བྱ་བ་དང་། ཡོངས་སུ་སྦྱངས་པ་དང་། བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ས་
D44.035.0097a05.01ཐམས་ཅད་ཀྱི་དབྱིངས་ལ་རབ་ཏུ་འགོད་ཅིང་གཟུད་པའི་རྣམ་པར་སྤྱོད་པ་དང་། བྱང་ཆུབ་སེམས་དཔའ་རྣམས་ཀྱི་སྤྱོད་པ་དང་། འབྱུང་བ་རྒྱ་མཚོ་ལ་རྣམ་པར་སྤྱོད་པ་དང་། བྱང་ཆུབ་སེམས་དཔའ་རྣམས་ཀྱི་སྨོན་ལམ་རྒྱ་མཚོ་ཐམས་ཅད་མངོན་པར་བསྒྲུབ་
D44.035.0097a06.01པ་རྣམ་པར་དག་པ་དང་། བྱང་ཆུབ་སེམས་དཔའ་རྣམས་ཀྱི་རྒྱན་རྒྱ་མཚོ་ཐམས་ཅད་མངོན་པར་བསྒྲུབ་པ་རྣམ་པར་དག་པ་ལ་རབ་ཏུ་འཇུག་པ་དང་། འདི་ལྟ་སྟེ་བྱང་ཆུབ་སེམས་དཔའ་རྣམས་ཀྱི་སྟོབས་ཀྱི་ཚུལ་ཡང་དག་པར་བསྒྲུབ་པ་རྣམ་པར་དག་པ་དང་།
D44.035.0097a07.01