完整藏文原文 · 德格版页 当前仅加载第 35 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
དང་འཇིག་རྟེན་གྱི་ཁམས་རྒྱ་མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དང་། དེ་བཞིན་གཤེགས་པ་ཡེ་ཤེས་གང་ཆེན་མཚོ་རྣམ་པར་སྣང་མཛད་དང་དེ་མ་ཡིན་པའི་འཇིག་རྟེན་གྱི་ཁམས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་
D44.035.0173b01.01དག་ན་སངས་རྒྱས་རྒྱ་མཚོ་གང་ཇི་སྙེད་བཞུགས་པ་དེ་དག་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སྟོབས་དམ་པ། རྒྱ་མཚོ་ལ་སོགས་པ་ཡེ་ཤེས་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་རབ་ཏུ་ཤེས་སོ། །དུས་གསུམ་
D44.035.0173b02.01ཀུན་ཏུ་ལྟ་བ་རྣམ་པར་རྒྱུ་བ་རྒྱ་མཚོ་ལ་སོགས་པ་མིག་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་རབ་ཏུ་མཐོང་སྟེ། འདི་ལྟར་དཔེར་ན་ལག་མཐིལ་དུ་སྐྱུ་རུ་རའི་འབྲས་བུ་བཞག་པའམ། མེ་ལོང་ཤིན་ཏུ་གསལ་བའི་དཀྱིལ་འཁོར་ལ་
D44.035.0173b03.01ངོ་སྣང་བ་བཞིན་ནོ། །དེ་ནས་རྒྱལ་པོ་རིན་ཆེན་མང་པོས་ཏིང་ངེ་འཛིན་རྒྱ་མཚོ་དེ་དག་ལས་ལངས་ཏེ། དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་སྣང་མཛད་ལ་ཡང་གསོལ་པ། བཅོམ་ལྡན་འདས་བདག་འཇིག་རྟེན་གྱི་ཁམས་རྒྱ་
D44.035.0173b04.01མཚོ་དེ་བཞིན་གཤེགས་པའི་ཕྱག་གི་མཐིལ་གྱི་སྙིང་པོ་ལ་རབ་ཏུ་གནས་པ་དེར། དེ་བཞིན་གཤེགས་པ་ཡེ་ཤེས་གང་ཆེན་མཚོ་རྣམ་པར་སྣང་མཛད་ཀྱི་ཞལ་བལྟ་བ་དང་། དེ་ལ་ཕྱག་བགྱི་བ་དང་། མཆོད་པ་དང་བསྙེན་བཀུར་བ་དང་། ཆོས་མཉན་པའི་སླད་དུ་
D44.035.0173b05.01མཆིའོ། །དེ་ནས་དེ་བཞིན་གཤེགས་པ་སེམས་ཅན་ཐམས་ཅད་ཀྱི་དོན་གང་ཆེན་མཚོ་རྣམ་པར་སྣང་མཛད་ཀྱིས། རྒྱལ་པོ་རིན་ཆེན་མང་པོ་དེ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དེའི་དུས་ལ་དབབ་པར་ཤེས་ན་སོང་ལ། བྱང་ཆུབ་སེམས་དཔའ་འདུལ་
D44.035.0173b06.01བའི་སྐྱེས་བུ་རྒྱ་མཚོ། འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་འདི་དག་ཀྱང་། བཅོམ་ལྡན་འདས་ཡེ་ཤེས་གང་ཆེན་མཚོ། རྣམ་པར་སྣང་མཛད་དེ་ལ་ཕུལ་ཅིག །དེ་ནས་རྒྱལ་པོ་རིན་ཆེན་མང་པོ་བྱང་ཆུབ་སེམས་དཔའ་རྒྱ་
D44.035.0173b07.01