完整藏文原文 · 德格版页 当前仅加载第 35 函德格 326b 版页；藏文 NFD、目录标记与异常页序保留在来源切片中，重复版页行以稳定序号区分。
ཀླས་པ་ནམ་མཁའི་མཐས་གཏུགས་པར་ལུས་བྱིན་གྱིས་བརླབས་པ། འགྲོ་བ་ཐམས་ཅད་དུ་ཁྱབ་པ། ཚད་མེད་པ། མི་གནས་པའང་རབ་ཏུ་ཤེས་ཏེ། བདག་གི་ལུས་དེ་དག་ལའང་ཞིང་ཐམས་ཅད་ཡོངས་སུ་འདུས་པར་ཀུན་ཏུ་སྟོན་ཅིང་། དུས་
D44.035.0326b01.01གསུམ་གྱི་སེམས་ཅན་ཐམས་ཅད་དང་། ཆོས་ཐམས་ཅད་དང་། སངས་རྒྱས་ཐམས་ཅད་ཀྱང་རབ་ཏུ་སྟོན་ཏོ། །སེམས་ཅན་དེ་དག་གི་འདུ་ཤེས་ཀྱི་རྒྱུད་དང་མཐུ་ལའང་རབ་ཏུ་འཇུག་གོ །སེམས་ཅན་དེ་དག་གི་བསམ་པ་དང་། མོས་པ་དང་ལས་དང་།
D44.035.0326b02.01རྣམ་པར་སྨྱིན་པ་རྣམ་པར་དག་པར་ཇི་ཙམ་པ་དེ་ཙམ་དུ་སེམས་ཅན་གདུལ་བའི་དོན་དུ་ལུས་བྱིན་གྱིས་རློབ་སྟེ། དེ་ཡང་འདི་ལྟར་བྱང་ཆུབ་སེམས་དཔའ་ནི་སྒྱུ་མ་ལྟ་བུའི་ཆོས་ཐམས་ཅད་ཀྱིས་ཤིན་ཏུ་སྤྲུལ་པ་སྟེ། མིག་ཡོར་ལྟ་བུའི་སངས་རྒྱས་སྐྱེ་བར་བྱ་བ་ལ་ཕ་
D44.035.0326b03.01རོལ་ཏུ་ཕྱིན་པའོ། །འགྲོ་བ་ཐམས་ཅད་རྨི་ལམ་ལྟ་བུར་རྟོགས་པའི་ཡིད་དང་ལྡན་པའོ། །དོན་དང་ཡི་གེའི་ཚོགས་ལ་མི་ཟད་པའི་མཛོད་དོ། །དྲན་པས་དབང་བསྒྱུར་བའི་ཆོས་ཐམས་ཅད་ལ་ངེས་པར་རྟོགས་པ་ཐོབ་པའོ། །ཤེས་རབ་ཆེ་བའི་ཏིང་ངེ་འཛིན་
D44.035.0326b04.01ཐམས་ཅད་ལ་ཡང་རབ་ཏུ་ཞུགས་པའོ། །གཉིས་སུ་མེད་པའི་ས་ལ་རྒྱུད་ཀྱི་ཚུལ་གཅིག་ཏུ་གྱུར་པའོ། །སེམས་ཅན་གྱི་ཁམས་གཉིས་ལ་གནས་པ་ལ་སྙིང་རྗེ་ཆེན་པོར་གནས་པ་སྟེ། ཆོས་དེ་ལྟ་བུ་དང་ལྡན་པའི་བྱང་ཆུབ་སེམས་དཔའ་ནི་ཆོས་བཅུའི་མཐར་
D44.035.0326b05.01དབེན་པར་གྱུར་པ་སྟེ། ཆོས་ཀྱི་དབྱིངས་མིག་འཕྲུལ་ལྟ་བུ་ལ་རབ་ཏུ་འཇུག་ཅིང་གནས་པའོ། །ཆགས་པ་མེད་པའི་སངས་རྒྱས་ཀྱི་རྣམ་པར་ཐར་པ་ཡོངས་སུ་རྫོགས་པའོ། །ཁྱུ་མཆོག་གི་མཐུ་ཕྱུང་བས་སེང་གེའི་སྒྲ་སྒྲོག་པའོ། །མི་འཇིགས་པ་རབ་ཏུ་ཐོབ་
D44.035.0326b06.01པའོ། །ཐོགས་པ་མེད་པའི་ཆོས་ཀྱི་འཁོར་ལོ་སྐོར་བའོ། །ཕྱིར་མི་ལྡོག་པའི་འཇིག་རྟེན་གྱི་ཁམས་ཐམས་ཅད་དུ་རྗེས་སུ་སྤྱོད་པའི་ཡེ་ཤེས་དང་རྣམ་པར་ཐར་པ་དང་ལྡན་པ། ཡེ་ཤེས་རྒྱ་མཚོ་ལ་རབ་ཏུ་ཞུགས་པའོ། །སེམས་ཅན་ཐམས་ཅད་ཀྱི་
D44.035.0326b07.01