完整藏文原文 · 德格版页 当前仅加载第 35 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀུན་བཀང་སྟེ། །སྐད་ཅིག་སྐད་ཅིག་རྒྱན་གྱི་ཁ་དོག་ཀུན། །རྣམ་པ་དུ་མར་སངས་རྒྱས་གདན་ལས་སྣང་། །སེམས་ཅན་ཇི་ལྟར་མོས་པ་དེ་དག་ཀྱང་། །འཁོད་ཅིང་སངས་རྒྱས་ཚད་མེད་གདན་ལ་ལྟ། །རིན་ཆེན་ལྡ་ལྡི་པདྨོ་
D44.035.0059a01.01མང་བཏགས་པ། །ཕྱི་ཞིང་བྱང་ཆུབ་སེམས་དཔའ་མང་པོ་རྣམས། །སྒྲ་དབྱངས་ཡིད་དུ་འོང་བ་རབ་འབྱིན་ཅིང་། །སངས་རྒྱས་གདན་ལ་བཞུགས་ལ་སྟོད་པ་བྱེད། །སངས་རྒྱས་བསོད་ནམས་ཚད་མེད་ནམ་མཁའ་བཞིན། །འདི་དག་རྒྱན་ཀུན་དེ་ལས་རབ་ཏུ་བྱུང་། །
D44.035.0059a02.01ས་རྣམས་རེ་རེའི་རྒྱན་རྣམས་གང་ཡོད་པ། །འགྲོ་བ་ཀུན་གྱིས་དེ་དག་བསམ་མི་ནུས། །མི་ཕྱེད་མཚམས་ཀྱི་རྡོ་རྗེ་སྣ་ཚོགས་པ། །འཁོར་ཡངས་རྣམ་དག་ཤིན་ཏུ་མཉམ་པ་སྟེ། །ནོར་བུའི་དྲ་བ་སྣ་ཚོགས་ཀུན་ཏུ་བཀྲམ། །བྱང་ཆུབ་ཤིང་གི་ས་ཡི་འཁོར་
D44.035.0059a03.01ཀུན་ཏོ། །ས་ཕྱོགས་གང་ན་རྒྱལ་བའི་གདན་ཡོད་པ། །ཁ་དོག་མཐའ་ཡས་རྒྱ་ཆེན་སྣ་ཚོགས་ཏེ། །མེ་ཏོག་མངོན་གཏོར་རིན་ཆེན་རྣམ་པར་བཀྲམ། །གསེར་ཚོན་མཛེས་པས་དེ་ནི་རབ་ཏུ་བརྒྱན། །ས་ཡི་ལྷ་མོ་དེ་དག་རབ་དགའ་ཞིང་། །སྐད་ཅིག་སེམས་
D44.035.0059a04.01ཀྱིས་མི་ཟད་ས་ཡང་སྟོན། །ཀུན་ཀྱང་རྒྱལ་བའི་ཞལ་དུ་མངོན་ལྟ་ཞིང་། །ཁ་དོག་ཐམས་ཅད་རྒྱན་གྱི་སྤྲིན་གཏོང་ངོ་། །རིན་ཆེན་སྒྲོན་མ་མང་པོ་གསལ་བར་འབར། །སྤོས་མང་དྲི་ཞིམ་མང་པོ་རྟག་ཏུ་འབྱུང་། །དུས་དང་ཚོད་ཀྱི་རྣམ་པ་མང་སྟོན་ཅིང་། །ལྷ་
D44.035.0059a05.01རྣམས་ཀུན་ཀྱང་སངས་རྒྱས་མཆོད་པ་བྱེད། །ཕྱོགས་རྣམས་བཅུ་ན་ཞིང་རྣམས་ཇི་སྙེད་པ། །དེ་དག་ས་རྒྱན་ཕུན་སུམ་ཚོགས་ཡོད་པ། །དེ་དག་ཀུན་ཀྱང་ས་དཀྱིལ་འདི་ན་སྣང་། །སངས་རྒྱས་བྱིན་རླབས་མཉམ་པ་མེད་པས་བྱུང་། །དེ་ནས་བྱང་ཆུབ་
D44.035.0059a06.01སེམས་དཔའ་ནོར་བུ་རིན་པོ་ཆེ་སྣ་ཚོགས་ཀྱི་འོད་ཀྱི་དཀྱིལ་འཁོར་གཙུག་ཕུད་ཀྱིས་སངས་རྒྱས་ཀྱི་མཐུས་འོད་ཀྱི་དཀྱིལ་འཁོར་ཡོད་པ་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །སྔན་ཅད་སྤྱད་པ་སྤྱོད་པའི་ཚེ་དེ་དག །
D44.035.0059a07.01