完整藏文原文 · 德格版页 当前仅加载第 35 函德格 325a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བྱང་ཆུབ་སེམས་དཔའི་སྤྱོད་པ་བཅུ་པ་བདེན་པ་དང་ལྡན་པ་ཞེས་བྱ་བ་གང་ཞེ་ན། ཀྱེ་རྒྱལ་བའི་སྲས་དག །འདི་ལ་བྱང་ཆུབ་སེམས་དཔའ་
D44.035.0325a01.01བདེན་པའི་ཚིག་དམ་པ་དང་ལྡན་པས། བདེན་པའི་ཚིག་ཅན་ཡིན་ཏེ། དེ་ནི་གང་སྨྲས་པ་དེ་བྱེད། གང་བྱེད་པ་དེ་སྨྲའོ། །དེ་འདས་པའི་སངས་རྒྱས་བཅོམ་ལྡན་འདས་རྣམས་ཀྱི་བདེན་པའི་གསུང་ལ་ཡང་སློབ་བོ། །མ་བྱོན་པའི་སངས་རྒྱས་བཅོམ་
D44.035.0325a02.01ལྡན་འདས་རྣམས་ཀྱི་བདེན་པའི་གསུང་ལ་ཡང་སློབ་བོ། །ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་བདེན་པའི་གསུང་ལ་ཡང་སློབ་བོ། །འདས་པའི་སངས་རྒྱས་བཅོམ་ལྡན་འདས་རྣམས་ཀྱི་རིགས་ལ་ཡང་འཇུག་གོ །མ་བྱོན་པའི་
D44.035.0325a03.01སངས་རྒྱས་བཅོམ་ལྡན་འདས་རྣམས་ཀྱི་རིགས་ལ་ཡང་འཇུག་གོ །ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་རིགས་ལ་ཡང་འཇུག་གོ །འདས་པའི་དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་ཡང་འཐོབ་བོ། །མ་བྱོན་པའི་
D44.035.0325a04.01དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་ཡང་འཐོབ་བོ། །ད་ལྟར་བྱུང་བའི་དེ་བཞིན་གཤེགས་པ་ཐམས་ཅད་ཀྱི་དགེ་བའི་རྩ་བ་ཡང་འཐོབ་པོ། །དེ་ནི་སངས་རྒྱས་བཅོམ་ལྡན་འདས་འདས་པ་དང་མ་བྱོན་པ་དང་ད་ལྟར་བྱུང་བ་ཐམས་ཅད་དང་། དགེ་
D44.035.0325a05.01བའི་རྩ་བ་ལྷན་ཅིག་ཏུ་གྱུར་པ་སྟེ། དེ་བཞིན་གཤེགས་པའི་རྗེས་སུ་བསླབ་པའི་ཡེ་ཤེས་དང་ལྡན་པས་གཉིས་སུ་མེད་པར་སྨྲ་བ་ཡིན་ནོ། །དེ་སེམས་ཅན་རྣམས་ཀྱི་གནས་དང་། གནས་མ་ཡིན་པའི་ཤེས་པ་ལ་ཡང་རབ་ཏུ་འཇུག་གོ །དེ་
D44.035.0325a06.01སེམས་ཅན་རྣམས་ཀྱི་འདས་པ་དང་། མ་འོངས་པ་དང་། ད་ལྟར་བྱུང་བའི་ལས་རྣམ་པར་སྨིན་པ་ཤེས་པ་ལ་ཡང་རབ་ཏུ་འཇུག་གོ །དབང་པོ་དང་། བརྩོན་འགྲུས་རྣམ་པ་ཐ་དད་པ་རྫོགས་པ་དང་། མ་རྫོགས་པ་དང་། རབ་དང་། ཐ་མ་ཤེས་
D44.035.0325a07.01