完整藏文原文 · 德格版页 当前仅加载第 35 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཚེ། །སྣ་ཚོགས་སྒོ་ནས་སེམས་ཅན་སྨིན་པར་མཛད། །དེ་དག་བསོད་ནམས་རྒྱ་མཚོས་སྡུག་བསྔལ་འཇིལ། །ཞི་བྱེད་ཆུ་ཀླུང་ལྷ་ནི་དེས་དགའ་འོ། །སྦྱིན་པའི་སྒོ་མོ་ཚད་མེད་མི་ཟད་མང་། །འགྲོ་བ་འདོད་པ་ཀུན་ལ་ཡོངས་བཏང་ཞིང་། །
D44.035.0043a01.01རྒྱལ་བས་འགྲོ་བའི་འཇུངས་པ་ཡོངས་སུ་བསྩལ། །ཀུན་ནས་དགའ་དཔལ་རྣམ་ཐར་འདི་མཐོང་ངོ་། །ཐབས་ཚུལ་རྒྱ་མཚོ་ཐམས་ཅད་བསྒོམས་པས་ན། །ཡོན་ཏན་མང་པོ་བརྒྱ་ཕྲག་མང་པོས་བྱུང་། །རྒྱལ་བས་འགྲོ་བ་ཐམས་ཅད་ཚིམ་མཛད་དེ། །རྒྱ་ཆེན་སྒྲ་
D44.035.0043a02.01དབྱངས་ཤུགས་ལྡན་ལྷ་ཡང་དགའ། །སྒྲིབ་པའི་ཀློང་དང་འགྲོ་བའི་ཉོན་མོངས་དྲི། །འགྲོ་བ་རྣམས་ལ་བྱམས་པ་བསྐྱེད་སྦྱངས་པས། །མཁའ་མཉམ་འོད་ཀྱིས་སངས་རྒྱས་རྣམ་པར་མཛེས། །རྣམ་པར་མཛེས་པའི་ཆུ་ཀླུང་ལྷ་དགའ་འོ། །སངས་རྒྱས་རང་བྱུང་
D44.035.0043a03.01ཡོན་ཏན་རྒྱ་མཚོ་སྟེ། །བསོད་ནམས་ཞིང་ནི་འདུས་བྱས་སྡུག་བསྔལ་འདོར། །བྱང་ཆུབ་ལམ་ལ་རིམ་གྱིས་ཡོངས་སྨིན་མཛད། །རྒྱ་མཚོའི་ཚོགས་དཔལ་རྣམ་ཐར་འདི་ཡིན་ནོ། །དེ་ལ་ལོ་ཏོག་གི་ལྷ་དང་འཇམ་པའི་དཔལ་གྱི་རྣམ་པར་ཐར་པ་ནི། རོ་དང་མདངས་ཐམས་
D44.035.0043a04.01ཅད་སྐྱེད་ཅིང་། །སེམས་ཅན་ཐམས་ཅད་སངས་རྒྱས་ཀྱི་གཟུགས་ཀྱི་སྐུ་རབ་ཏུ་ཐོབ་པ་ཞེས་བྱའོ། །ལོ་ཏོག་གི་ལྷ་དུས་ཀྱི་མེ་ཏོག་རྣམ་པར་མཛེས་པའི་འོད་ཀྱི་རྣམ་པར་ཐར་པ་ནི། འགྲོ་བ་ཐམས་ཅད་ཉེ་བར་འཚོ་བས་དགའ་བ་ཆེན་པོའི་ཤུགས་ཀྱི་ཚིམ་པ་སྐྱེད་པ་
D44.035.0043a05.01ཞེས་བྱའོ། །ལོ་ཏོག་གི་ལྷ་རྩལ་དམ་པའི་སྟོབས་ཀྱི་རྣམ་པར་ཐར་པ་ནི། ཆོས་ཐམས་ཅད་ཀྱི་དབྱིངས་ཡོངས་སུ་རྒྱས་པས་ཤིན་ཏུ་དག་པའི་སྤྱོད་ཡུལ་ཞེས་བྱའོ། །ལོ་ཏོག་གི་ལྷ་མདངས་ཀྱི་(དད་,ངད་)མཐའ་ཡས་པ་རབ་ཏུ་འགྱེད་པའི་རྣམ་པར་ཐར་པ་ནི། སྙིང་
D44.035.0043a06.01རྗེ་མཐའ་ཡས་པའི་སྒོ་ནས། སངས་རྒྱས་ཀྱི་རྣམ་པར་འཕྲུལ་པ་རབ་ཏུ་འགྱེད་ཅིང་རྗེས་སུ་དྲན་པ་ཞེས་བྱའོ། །ལོ་ཏོག་གི་ལྷ་ཀུན་གྱི་རྩ་བ་འབྲས་བུའི་རྣམ་པར་ཐར་པ་ནི། སངས་རྒྱས་ཐམས་ཅད་མངོན་དུ་ལྟ་ཞིང་། སངས་རྒྱས་རྣམས་ལ་ཡོན་ཏན་ཡང་དག་པར་
D44.035.0043a07.01