完整藏文原文 · 德格版页 当前仅加载第 35 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
མཐའ་དང་མཉམ་པའི་ལུས་ཅན་ཏེ། །འགྲོ་བ་ཀུན་འགེངས་འགྲོ་བ་ཀུན་སྣང་བྱེད། །འབྱམ་ཀླས་ཐབས་ཀྱི་སྒོ་ནས་རྣམ་པར་དག །རིང་དུ་སོང་མཆོག་དེ་ནི་རྒྱལ་བས་བསྟན། །ཐམས་ཅད་ཆོས་དང་སྨོན་ལམ་སྤྱོད་མང་དང་། །ཞིང་རྣམས་རྒྱ་མཚོའི་དབྱིངས་ཀྱང་མཉམ་
D44.035.0063b01.01རྟོགས་པས། །བསྐལ་པ་ཀུན་ཏུ་འགྲོ་མཆོག་མི་གཡོ་སྟེ། །གཞལ་མེད་ས་དེའི་སྤྲིན་ཀྱང་རབ་ཏུ་སྒྲོག །ཚད་མེད་ཡུལ་ཅན་སྟོབས་ཀྱིས་རབ་ཏུ་སྣང་། །རྫུ་འཕྲུལ་ཆོས་ཀྱིས་འགྲོ་ཞིང་སྟོབས་ལ་འཇུག །འདི་ནི་རྡུལ་མེད་དགེ་བའི་བློ་གྲོས་ས། །བསྐལ་པ་རྒྱ་
D44.035.0063b02.01མཚོར་བྱང་ཆུབ་ཤིང་ལས་བརྗོད། །ཆོས་ཀྱི་སྤྲིན་ནི་རྒྱ་ཆེན་ས་བཅུ་སྟེ། །དུས་རྣམས་ཀུན་འགེངས་ནམ་མཁའི་རང་བཞིན་འདྲ། །སངས་རྒྱས་ཡུལ་གྱི་སྒྲ་དང་དབྱངས་ཀུན་ཏུ། །རྒྱལ་བའི་བྱིན་གྱིས་འདི་ལས་རབ་ཏུ་གྲག །དེ་ནས་བྱང་ཆུབ་སེམས་དཔའ་རྣམ་
D44.035.0063b03.01པར་གནོན་པ་གཏི་མུག་མེད་པའི་འོད་ཟེར་གྱི་རྒྱལ་མཚན་གྱིས་སངས་རྒྱས་ཀྱི་མཐུས་ཕྱོགས་བཅུར་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྣམ་པ་དུ་མར་འཁོར་རྣམས་གནས་པ་ནི། །དད་པ་སྣ་ཚོགས་ཡོངས་སུ་དག་པའི་སེམས། །
D44.035.0063b04.01རྒྱན་དང་ཡུལ་རྣམས་ཀུན་ལ་རབ་ཏུ་ཞུགས། །དེ་དག་སངས་རྒྱས་ཡེ་ཤེས་འཇུག་པར་འགྱུར། །ཕན་ཚུན་སྨོན་ལམ་རྣམ་དག་སྤྱོད་ཡུལ་ཏེ། །དག་པ་མཐའ་ཡས་བྱ་བ་རབ་ཏུ་བྱས། །དེ་བཞིན་གཤེགས་པའི་རྣམ་འཕྲུལ་ཐམས་ཅད་ཀྱང་། །གཞན་དང་གཞན་
D44.035.0063b05.01གྱི་སྒོ་ནས་རབ་ཏུ་མཐོང་། །བདེ་གཤེགས་ཆོས་ཀྱི་སྐུ་ལ་ཞུགས་པ་དག །ལ་ལས་རྒྱལ་བའི་ཆོས་སྐུ་དེ་ཉིད་ལ། །ཀུན་ཏུ་སྤྲིན་འདྲ་གཞལ་དུ་མེད་པ་ཡི། །མཐའ་ཡས་ཆོས་ཀྱི་རང་བཞིན་ཆོས་ཉིད་མཐོང་། །ལ་ལས་རྒྱལ་བའི་གཟུགས་སྐུ་དེ་ཉིད་ལ། །
D44.035.0063b06.01ཕྱོགས་བཅུ་ཀུན་ཏུ་རྣམ་པར་འཕྲུལ་མཛད་ཅིང་། །ཡོན་ཏན་མཐའ་ཡས་འོད་སྤྲིན་རབ་འབར་བ། །འགྲོ་བ་ངང་ཚུལ་སྤྲིན་དུ་གྱུར་པར་མཐོང་། །ལ་ལ་རྒྱལ་བའི་ཡེ་ཤེས་ཆགས་མེད་འཇུག །དུས་གསུམ་མཉམ་ཉིད་མཁའ་དང་འདྲ་བའི་སྐུ། །འགྲོ་བ་ཀུན་
D44.035.0063b07.01