完整藏文原文 · 德格版页 当前仅加载第 35 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྗེས་ལ་བྱང་ཆུབ་སེམས་དཔའ་དེ་དག་གི་བ་སྤུའི་ཁུང་ཐམས་ཅད་རེ་རེ་ནས་འོད་ཟེར་གྱི་སྤྲིན་རིན་པོ་ཆེ་ཐམས་ཅད་ལྟར་ཁ་དོག་སྣ་ཚོགས་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་བྱུང་བར་གྱུར་ཏོ། །
D44.035.0075a01.01རིན་པོ་ཆེ་རེ་རེའི་སྒོ་ནས་ཀྱང་བྱང་ཆུབ་སེམས་དཔའ་སེང་གེའི་ཁྲི་པདྨོའི་སྙིང་པོ་ཅན་ལ་འཁོད་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་རབ་ཏུ་བྱུང་བར་གྱུར་ཏོ། །བྱང་ཆུབ་སེམས་དཔའ་རེ་རེས་ཀྱང་ཆོས་ཀྱི་དབྱིངས་ཀྱི་ཚུལ་རྒྱ་མཚོའི་ཁམས་ཀྱི་རྡུལ་
D44.035.0075a02.01ཤིན་ཏུ་ཕྲ་བ་སྙེད་ཐམས་ཅད་ཀྱི་སྦུབས་གང་བར་བྱས་ནས། རྡུལ་ཤིན་ཏུ་ཕྲ་བ་རེ་རེ་ལ་ཡང་ཞིང་འབྱམ་ཀླས་པ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དུ་རབ་ཏུ་འཇུག་པར་གྱུར་ཏོ། །ཞིང་རེ་རེར་ཡང་དུས་གསུམ་དུ་གཤེགས་པའི་སངས་རྒྱས་བཅོམ་
D44.035.0075a03.01ལྡན་འདས་ཐམས་ཅད་ཤེས་ཤིང་མཐོང་བར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་ཡང་རྨི་ལམ་ལྟ་བུའི་རྣམ་པར་འཕྲུལ་པ་ཡང་དག་པར་བསྟན་པའི་སྒོ་དག་ནས་ཡང་དག་པར་བསྐུལ་བ་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་ཡང་འཇིག་རྟེན་
D44.035.0075a04.01གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་རེ་རེའི་ལྷའི་གནས་ཐམས་ཅད་དུ་སྐྱེ་བ་དང་ཤི་འཕོས་པ་ཡང་དག་པར་བསྟན་པའི་སྒོ་དག་ནས་ཡང་དག་པར་བསྐུལ་བ་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་
D44.035.0075a05.01བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་ཤིན་ཏུ་བསྟན་པའི་སྒོ་དག་ནས་ཡང་དག་པར་བསྐུལ་བ་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་ཞིང་འབྱམ་ཀླས་པ་ཐམས་ཅད་རབ་ཏུ་
D44.035.0075a06.01བསྐྱོད་པ་དང་། སངས་རྒྱས་ཀྱི་ཡོན་ཏན་རབ་ཏུ་བརྗོད་ཅིང་རྣམ་པར་འཕྲུལ་པའི་སྒོ་དག་ནས་ཡང་དག་པར་བསྐུལ་བ་བྱེད་པར་གྱུར་ཏོ། །སེམས་ཀྱི་སྐད་ཅིག་རེ་རེ་ལ་འཇིག་རྟེན་གྱི་ཁམས་རྒྱ་མཚོའི་རྡུལ་ཤིན་ཏུ་ཕྲ་བ་སྙེད་ཀྱི་སངས་རྒྱས་ཀྱི་ཞིང་ཐམས་ཅད་
D44.035.0075a07.01