完整藏文原文 · 德格版页 当前仅加载第 35 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
སེང་གེའི་རྒྱལ་མཚན་གྱི་རྣམ་པར་ཐར་པ་ནི། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་ཀྱི་ཚོགས་དང་ཞིང་ཡང་དག་པར་འབྱུང་བ་ལ་རྣམ་པར་ལྟ་བ་ཞེས་བྱའོ། །བྱང་ཆུབ་སེམས་དཔའ་དཔལ་གྱི་འོད་ཟེར་ཀུན་ཏུ་འོད་འཕྲོའི་རྣམ་
D44.035.0055a01.01པར་ཐར་པ་ནི། རྫུ་འཕྲུལ་གྱི་ཡུལ་གྱི་རྣམ་པར་སྤྱོད་པ་དོན་ཡོད་པ་ཞེས་བྱའོ། །བྱང་ཆུབ་སེམས་དཔའ་ཡོན་ཏན་རྒྱ་མཚོ་ཀུན་ཏུ་སྒྲ་དབྱངས་རྒྱལ་མཚན་གྱི་རྣམ་པར་ཐར་པ་ནི། སངས་རྒྱས་ཀྱི་ཞིང་གི་རྒྱན་ཐམས་ཅད་འཁོར་གྱི་དཀྱིལ་འཁོར་དུ་ཡང་དག་པར་སྟོན་པ་
D44.035.0055a02.01ཞེས་བྱའོ། །བྱང་ཆུབ་སེམས་དཔའ་དེ་བཞིན་གཤེགས་པའི་སྤྱོད་ཡུལ་ཡེ་ཤེས་ཀུན་ཏུ་སྣང་བའི་འོད་ཀྱི་རྣམ་པར་ཐར་པ་ནི། དེ་བཞིན་གཤེགས་པའི་རྗེས་སུ་ཀུན་ནས་སོང་ཞིང་ཆོས་ཀྱི་དབྱིངས་ལ་རྣམ་པར་སྤྱོད་པའི་སྤྲིན་ཆེན་པོའི་སྙིང་པོ་ཞེས་བྱའོ། །བྱང་ཆུབ་
D44.035.0055a03.01སེམས་དཔའ་གཙུག་ན་རིན་ཆེན་ཀུན་ཏུ་རྒྱལ་མཚན་གྱི་རྣམ་པར་ཐར་པ་ནི། འགྲོ་བ་ཐམས་ཅད་ཀྱི་སྤྱོད་པ་ལ་རབ་ཏུ་ཞུགས་ཤིང་བྱང་ཆུབ་སེམས་དཔའི་སྤྱོད་པ་མཐའ་ཡས་པ་ཤིན་ཏུ་འབྱུང་བ་ཞེས་བྱའོ། །བྱང་ཆུབ་སེམས་དཔའ་རྒྱལ་བའི་གསུང་ཀུན་ཏུ་འཇམ་དབྱངས་
D44.035.0055a04.01ཀྱི་རྣམ་པར་ཐར་པ་ནི། སངས་རྒྱས་ཐམས་ཅད་བསྙེན་བཀུར་ཞིང་མཆོད་པར་ཉེ་བར་འགྲོ་བའི་སྙིང་པོ་ཞེས་བྱའོ། །བྱང་ཆུབ་སེམས་དཔའ་བསོད་ནམས་མི་ཟད་དྲི་མེད་ཀུན་ཏུ་གཟི་བརྗིད་ཀྱི་རྣམ་པར་ཐར་པ་ནི། རྫུ་འཕྲུལ་དང་རྣམ་པར་འཕྲུལ་པ་ཐམས་ཅད་ཀྱི་བྱིན་གྱི་རླབས་
D44.035.0055a05.01རྒྱ་ཆེན་པོ་འབྱུང་བ་ཞེས་བྱའོ། །བྱང་ཆུབ་སེམས་དཔའ་མཚན་གྱི་འོད་ཟེར་ཀུན་ཏུ་སྣང་བའི་རྣམ་པར་ཐར་པ་ནི། དེ་བཞིན་གཤེགས་པའི་སྐུ་མེད་པ་ལས་སངས་རྒྱས་ཀྱི་ཡུལ་ཐམས་ཅད་འབྱུང་བ་ཞེས་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བ་
D44.035.0055a06.01དྲི་མ་མེད་པའི་གཟི་བརྗིད་ཀྱི་འོད་ཡིད་དུ་འོང་བས་སངས་རྒྱས་ཀྱི་མཐུས། བྱང་ཆུབ་སེམས་དཔའི་རྣམ་པར་ཐར་པ་རྒྱ་མཚོའི་ཕྱོགས་ཐམས་ཅད་ལ་རྣམ་པར་བལྟས་ནས། དེའི་ཚེ་ཚིགས་སུ་བཅད་པ་འདི་དག་སྨྲས་སོ། །ཇི་སྙེད་གང་དག་ཕྱོགས་རྣམས་ཀུན་
D44.035.0055a07.01