完整藏文原文 · 德格版页 当前仅加载第 35 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེ་ཐམས་ཅད་ཀྱིས་རབ་ཏུ་བརྒྱན་པར་གནས་ཤིང་ཆོས་རྒྱ་མཚོ་ཐམས་ཅད་ཀྱི་སྒྲ་ཡང་ཤིན་ཏུ་གྲགས་པར་གྱུར་ཏེ། དེ་བཞིན་གཤེགས་པའི་འཁོར་རྒྱ་མཚོ་ཐམས་ཅད་དུ་ཡང་། ནོར་བུའི་རྒྱལ་པོ་ཆེན་པོ་བཅུའི་སྤྲིན་གྱི་ཆར་མངོན་པར་
D44.035.0087a01.01བབ་པར་གྱུར་ཏེ། བཅུ་གང་ཞེ་ན། འདི་ལྟ་སྟེ་ནོར་བུའི་རྒྱལ་པོ་མཚན་དང་ལྡན་པའི་གསེར་དཔལ་གྱི་རྒྱལ་མཚན་གྱི་དཔལ་གྱི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་འོད་ཀྱིས་རྣམ་པར་གསལ་བར་བྱེད་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་
D44.035.0087a02.01སྟེ་ནོར་བུའི་རྒྱལ་པོ་ཕྱོགས་བཅུར་རིན་པོ་ཆེའི་འཁོར་ལོ་རབ་ཏུ་འགྲེམས་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་བྱང་ཆུབ་སེམས་དཔའི་གཟུགས་བརྙན་རིན་པོ་ཆེའི་སྙིང་པོའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་སངས་རྒྱས་ཐམས་
D44.035.0087a03.01ཅད་ཀྱི་མཚན་གྱི་ཁམས་རབ་ཏུ་སྒྲོག་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་ཞིང་རྣམ་པར་སྣང་བར་བྱེད་ཅིང་སྙིང་པོ་བྱང་ཆུབ་ཏུ་དཔལ་རབ་ཏུ་འབར་བའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་ཕྱོགས་བཅུར་སྣང་བའི་སྤྲུལ་པ་འགྱེད་
D44.035.0087a04.01པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་གྱི་འཁོར་ལོ་དང་མཐུ་རབ་ཏུ་གྲགས་པར་བྱེད་པའི་སྤྲིན་གྱི་ཆར་མངོན་པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་ཉི་མའི་དཔལ་གྱི་གཟི་བརྗིད་ཀྱི་སྤྲིན་གྱི་ཆར་མངོན་
D44.035.0087a05.01པར་བབ་པོ། །འདི་ལྟ་སྟེ་ནོར་བུའི་རྒྱལ་པོ་རོལ་མོའི་སྒྲ་ཡིད་དུ་འོང་བས་ཕྱོགས་ཐམས་ཅད་ཁྱབ་པར་བྱེད་པའི་སྤྲིན་གྱི་ཆར་མངོན་པར་བབ་སྟེ། ནོར་བུའི་རྒྱལ་པོའི་སྤྲིན་གྱི་ཆར་བཅུ་པོ་འདི་དག་མངོན་པར་བབ་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་བ་སྤུའི་
D44.035.0087a06.01སྒོ་ཐམས་ཅད་དང་འོད་ཟེར་གྱི་སྒོ་ཐམས་ཅད་ནས་ཀྱང་ཚིགས་སུ་བཅད་པ་འདི་དག་བྱུང་བར་གྱུར་ཏོ། །ཞིང་རྣམས་འབྱམ་ཀླས་ཀུན་ན་ཀུན་ཏུ་བཟང་པོ་དེ། །དབང་པོ་ཡིད་དུ་འོང་ལ་རབ་ཏུ་འཇུག་པ་མཐོང་། །ཀུན་ཏུ་རྣམ་འཕྲུལ་རྣམ་པར་འདི་འདྲ་སྟོན་པར་བྱེད། །
D44.035.0087a07.01