完整藏文原文 · 德格版页 当前仅加载第 35 函德格 234a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཅིག་གྱུར་ཏེ། །ནམ་མཁའ་འདི་ལ་བསམ་གཏན་འཆའ་ཞིང་འབར། །འོག་ནས་མེ་འབར་སྟེང་ནས་ཆུའི་རྒྱུན། །སྟེང་ནས་མེ་འབར་འོག་ནས་ཆུའི་རྒྱུན། །འགྲོ་འདུག་ཉལ་ཞིང་འགྲེང་བ་དེ་བཞིན་ཏེ། །སྐད་ཅིག་གཅིག་ལ་ལུས་འཕྲུལ་བསམ་མི་ཁྱབ། །དེ་ནི་སྙིང་རྗེ་ཆེན་པོ་
D44.035.0234a01.01ལྡན་མ་ཡིན། །བྱང་ཆུབ་མི་ཚོལ་འཇིག་རྟེན་ཡལ་བར་གཞོག །འོན་ཀྱང་ལུས་འཕྲུལ་བསམ་གྱིས་{མྱི་,མི་}ཁྱབ་སྟོན། །འཇིག་རྟེན་ཕན་ཚོལ་ཅི་ཕྱིར་དེ་མི་སྟོན། །ཉི་ཟླ་མཁའ་ལས་རྣམ་པར་རྒྱུ་འདོད་ཞིང་། །ཕྱོགས་རྣམས་ཀུན་གྱི་མཚོ་དང་ལུ་མ་དང་། །ལྡེང་ཀ་ཁྲོན་པ་རིན་
D44.035.0234a02.01ཆེན་རྒྱ་མཚོའི་སྣོད། །ཆུ་ཀླུང་ཀུན་ཏུ་གཟུགས་བརྙན་སྟོན་པ་བྱེད། །དེ་བཞིན་བསམ་གྱིས་མི་ཁྱབ་གཟུགས་ཀུན་ཀྱང་། །སྐྱེས་བུ་དཔའ་བོ་དེ་དག་ཕྱོགས་བཅུར་སྟོན། །ཏིང་འཛིན་རྣམ་ཐར་ཀུན་གྱི་ཚུལ་ལ་མཁས། །དེ་ལ་དེ་བཞིན་གཤེགས་པ་རང་བྱུང་དཔལ། །མཚོ་
D44.035.0234a03.01གསལ་དང་བར་ཡན་ལག་བཞིའི་དཔུང་། །སོ་སོ་རང་རང་གཟུགས་བརྙན་ཚུལ་བཞིན་མཐོང་། །རལ་གྲི་ཤང་ལང་སོགས་ཀ་མདེའུ་ཐུང་མདའ། །བཞོན་པ་ཐེག་པ་གོ་ཆ་བཅས་པ་མཐོང་། །གང་གི་གཟུགས་དང་ཆ་བྱད་ཅི་འདྲ་བ། །ཆུ་གསལ་དེ་ལ་དེ་བཞིན་མ་ནོར་མཐོང་། །
D44.035.0234a04.01ཆུ་ལ་ཞེ་སྡང་བྱམས་པ་རྟོག་པ་མེད། །དྲང་སྲོང་ཏིང་འཛིན་རྣམ་འཕྲུལ་དེ་འདྲའོ། །རྒྱ་མཚོའི་ལྷ་མོ་སྒྲ་དང་ལྡན་ཡོད་པ། །སེམས་ཅན་རྒྱ་མཚོར་ཇི་སྙེད་སྐྱེས་པ་རྣམས། །དེ་དག་སྒྲ་ཡི་ཡན་ལག་དབྱངས་ཚུལ་ཤེས། །སྒྲ་སྐད་ཀུན་ཏུ་རང་རང་སྐད་དུ་བརྗོད། །དབྱངས་
D44.035.0234a05.01ལྡན་དེ་ནི་འདོད་ཆགས་ཞེ་སྡང་ཅན། །འོན་ཀྱང་སྒྲ་དབྱངས་ལས་ཀྱི་ཚུལ་ལ་མཁས། །གཟུགས་དང་ཆོས་ཀྱི་སྟོབས་ལ་དབང་ཐོབ་པ། །འཇིག་རྟེན་ལྷར་བཅས་ཅི་ཕྱིར་མགུར་མི་བྱེད། །དགའ་བྱེད་ཆུང་མ་སྒྲ་སྙན་ལྡན་པ་མོ། །ཚངས་པའི་བུ་མོ་སེམས་ལས་བྱུང་
D44.035.0234a06.01བ་སྟེ། །དམ་ཚིག་བདེན་བསྒྲུབ་མི་འཚེ་དགའ་བ་ཡིན། །སེམས་ཡིད་དག་རྣམས་བྱིན་གྱིས་རློབ་པ་བྱེད། །སྒྲ་སྙན་ལྡན་པ་འདོད་ཆགས་ཞེ་སྡང་ཅན། །བརྟུལ་ཞུགས་གྲུབ་ལ་དབྱངས་ཀྱི་རྗེས་སུ་འབྲང་། །འཇིག་རྟེན་ཡིད་འོང་སྒྲས་ཀྱང་ཚིམ་པར་བྱེད། །ཡེ་ཤེས་
D44.035.0234a07.01