完整藏文原文 · 德格版页 当前仅加载第 35 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་འདུག་པ། གླིང་བཞི་པའི་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་ཡོད་དེ། གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་དེ་ནི་རིན་པོ་ཆེའི་རི་ཁང་པ་བརྩེགས་པ་ལྟར་འདུག་པ། རྒྱ་མཚོ་
D44.035.0163a01.01མང་པོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ནས་བསྐོར་བ། དེ་བཞིན་གཤེགས་པའི་ཡེ་ཤེས་ཀྱི་འོད་ཟེར་གྱི་དྲ་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་ཀུན་ཏུ་ཁྱབ་པ་ཆོས་ཀྱི་དབྱིངས་རྒྱ་མཚོ་འཇིག་རྟེན་གྱི་
D44.035.0163a02.01ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱིས་མངོན་པར་བརླན་པ་སྟེ། གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་དེར་སེམས་ཅན་གང་ཇི་སྙེད་སྐྱེས་པར་གྱུར་པ་དེ་དག་ཐམས་ཅད་ཀྱང་ཏིང་ངེ་འཛིན་གྱི་རྒྱན་སྙིང་པོ་བྱང་ཆུབ་ཀྱི་རྒྱན་གྱི་དམ་པར་གྱུར་པ། འཇིག་རྟེན་གྱི་ཁམས་རྒྱ་
D44.035.0163a03.01མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རབ་ཏུ་གནས་པ་ཐེག་པ་ཐ་དད་པས་འབྱུང་བ་རྒྱ་མཚོ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་མཁས་པ། ཆོས་ཀྱི་དབྱིངས་རྒྱ་མཚོ་ཐ་མི་དད་པ། འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ལ་རྣམ་པར་སྤྱོད་
D44.035.0163a04.01པ་ཤ་སྟག་གོ །ཅིའི་ཕྱིར་ན་གླིང་བྱང་ཆུབ་ཀྱི་རྒྱལ་མཚན་དེ་ལ་བྱང་ཆུབ་ཀྱི་རྒྱལ་མཚན་ཞེས་བྱ་ཞེ་ན། གླིང་བྱང་ཆུབ་ཀྱི་རྒྱལ་མཚན་ཞེས་བྱ་བ་དེ་ན་བྱང་ཆུབ་ཀྱི་ཤིང་ནམ་མཁའི་རྟེན་ཞེས་བྱ་བ། བྱང་ཆུབ་ཀྱི་ཤིང་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་དང་ལྡན་པ་ཡོད་དེ་དེར་སྐད་ཅིག་
D44.035.0163a05.01སྐད་ཅིག་ཏུ་དེ་བཞིན་གཤེགས་པ་འཇིག་རྟེན་གྱི་ཁམས་རྒྱ་མཚོ་བཅུའི་རྡུལ་ཤིན་ཏུ་ཕྲ་བ་སྙེད་མངོན་པར་རྫོགས་པར་འཚང་རྒྱ་བས། དེའི་ཕྱིར་གླིང་བྱང་ཆུབ་ཀྱི་རྒྱལ་མཚན་དེ་ལ་བྱང་ཆུབ་ཀྱི་རྒྱལ་མཚན་ཞེས་བྱའོ། །དེ་ལྟར་དེ་དག་ལས་སོགས་པ་གླིང་བྱང་ཆུབ་ཀྱི་རྒྱལ་མཚན་དེ་ནི་ཡོན་
D44.035.0163a06.01ཏན་ཚད་མེད་པ་དང་ལྡན་པ་སྟེ། མདོར་ན་གླིང་བཞི་པའི་འཇིག་རྟེན་གྱི་ཁམས་གནས་ཀྱི་དམ་པ་དེ་ན། གང་ཇི་སྙེད་ཡོད་པའི་ཡོན་ཏན་དེ་དག་ནི་གླིང་བྱང་ཆུབ་ཀྱི་རྒྱལ་མཚན་དེ་ན་ཡོད་དོ། །གླིང་བྱང་ཆུབ་ཀྱི་རྒྱལ་མཚན་དེ་ན་གྲོང་རྡལ་མཛོད་མཐའ་ཡས་པ་ཞེས་བྱ་བ་ཁང་པ་བརྩེགས་པའི་དབྱིབས་སུ་འདུག་པ།
D44.035.0163a07.01