完整藏文原文 · 德格版页 当前仅加载第 35 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེ་ཐམས་ཅད་ཀྱི་རྒྱན་གྱི་ས་མཚམས་ཅན། རིན་པོ་ཆེའི་གོས་སྣ་ཚོགས་རྒྱ་མཚོ་ལ་རབ་ཏུ་གནས་པ་རྡོ་རྗེའི་དབྱིབས་ལྟར་འདུག་པ། རྡོ་རྗེའི་སྤྲིན་ཁ་དོག་མཐའ་ཡས་པས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཆོས་ཀྱི་དབྱིངས་
D44.035.0115a01.01ཤིན་ཏུ་འཕགས་པའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་སྣ་ཚོགས་ཡིད་དུ་འོང་བའི་མར་མེ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅོ་ལྔའི་རྡུལ་
D44.035.0115a02.01ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རྒྱན་མང་པོ་ཐམས་ཅད་ཀྱི་བླ་རེའི་ས་མཚམས་ཅན། མེ་ཏོག་གི་དྲ་བ་རྒྱ་མཚོ་རྣམ་པར་དག་པ་ལ་རབ་ཏུ་གནས་པ། དབྱིབས་དཔལ་གྱི་བེའུ་ལྟར་འདུག་པ། ནོར་བུའི་ཤིང་དང་སྤོས་ཆུའི་སྤྲིན་རྒྱ་མཚོས་ཀུན་ནས་
D44.035.0115a03.01ཡོག་པ་ཡོད་དེ། དེ་ན་དེ་བཞིན་གཤེགས་པ་སྟོབས་ལ་ཐུབ་པ་མེད་པས་ཀུན་ཏུ་སྣང་བའི་དཔལ་ཞེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་འོད་འཕྲོ་སྣང་བ་དྲི་མ་མེད་པ་ཞེས་
D44.035.0115a04.01བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་དྲུག་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། ཉོན་མོངས་ཤིང་རྣམ་པར་དག་པ། ནོར་བུའི་རྒྱལ་པོ་རིན་པོ་ཆེ་མི་ཟད་པ་འགྱེད་པའི་ས་མཚམས་ཅན། སྤོས་དང་འོད་འཕྲོ་བ་སྣ་ཚོགས་ཅན་གྱི་པད་མོའི་རྒྱ་
D44.035.0115a05.01མཚོ་ལ་རབ་ཏུ་གནས་པ། དབྱིབས་རུ་སྦལ་གྱི་མགོ་ལྟར་འདུག་པ། ནོར་བུའི་འོད་ཀྱི་དཀྱིལ་འཁོར་རྣམ་པར་སྣང་བའི་འཁོར་ལོའི་ཙནྡན་གྱི་སྤྲིན་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་ཡོན་ཏན་གྱི་ཉི་མ་དྲི་མ་མེད་པའི་སྤྱན་ཞེས་བྱ་བ་བཞུགས་སོ། །
D44.035.0115a06.01དེའི་སྟེང་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་རིན་པོ་ཆེའི་འབྱུང་གནས་ཀྱིས་རབ་ཏུ་བརྒྱན་པའི་སྙིང་པོ་ཞེས་བྱ་བ། འཇིག་རྟེན་གྱི་ཁམས་སངས་རྒྱས་ཀྱི་ཞིང་བཅུ་བདུན་གྱི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ་
D44.035.0115a07.01