完整藏文原文 · 德格版页 当前仅加载第 35 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཀྱི་སྦྱོར་འདིའོ། །ཟླ་བ་ཟླ་ཕྱེད་ཉིན་དང་ནུབ་བགྲང་ཞིང་། །ལོ་དང་བསྐལ་པའི་རང་བཞིན་སུ་སེམས་པ། །འཇིག་རྟེན་འདུ་ཞིང་འཇིག་པར་འགྱུར་བ་དང་། །གྲངས་ཚུལ་སུས་རྟོགས་དེ་དག་སྦྱོར་འདིའོ། །ཞིང་གི་སེམས་ཅན་ཇི་སྙེད་སྐྱེ་འཆི་བ། །གཟུགས་
D44.035.0200b01.01དང་གཟུགས་མེད་འདུ་ཤེས་འདུ་ཤེས་མེད། །དེ་དག་མིང་དང་གནས་པ་རྟོགས་ཤེས་པ། །བསམ་གྱིས་མི་ཁྱབ་རྟོགས་པའི་སྦྱོར་འདིའོ། །འདས་པའི་དུས་དང་མ་འོངས་ད་ལྟར་ལ། །ངག་གིས་ལམ་གྱིས་གང་ན་རྟོགས་བྱེད་ཅིང་། །དུས་གསུམ་རང་བཞིན་ཇི་བཞིན་
D44.035.0200b02.01རྟོགས་གྱུར་པ། །མཉམ་མེད་དེ་དག་སྦྱོར་བ་འདི་ཡིན་ནོ། །དེ་ནས་འོད་ཟེར་དེ་དག་འཇིག་རྟེན་གྱི་ཁམས་དེ་དག་ནས་འདས་ཏེ། ཤར་ཕྱོགས་ལོགས་སུ་འཇིག་རྟེན་གྱི་ཁམས་བྱེ་བ་ཕྲག་བཅུ་སྣང་བར་བྱས་པ་ནས། སྟེང་གི་ཕྱོགས་སུ་འཇིག་རྟེན་གྱི་ཁམས་བྱེ་བ་ཕྲག་
D44.035.0200b03.01བཅུའི་བར་དུ་སྣང་བར་བྱས་ནས། འཇིག་རྟེན་གྱི་ཁམས་རེ་རེར་ཡང་འཛམ་བུའི་གླིང་བྱེ་བ་ཕྲག་བརྒྱ་བསྟན་པ་ནས། འོག་མིན་བྱེ་བ་ཕྲག་བརྒྱའི་བར་དུ་བསྟན་ཏོ། །འཇིག་རྟེན་གྱི་ཁམས་དེ་དག་གི་ཁོངས་སུ་གང་ཅི་ཡང་རུང་སྟེ། གཏོགས་པར་གྱུར་པ་དེ་དག་
D44.035.0200b04.01ཐམས་ཅད་རིལ་གྱིས་བསྟན་ཏོ། །ཇི་ལྟར་བཅོམ་ལྡན་འདས་སངས་རྒྱས་ཀྱི་གདན་ལ་བཞུགས་ཤིང་བྱང་ཆུབ་སེམས་དཔའ་སངས་རྒྱས་ཀྱི་ཞིང་བཅུའི་རྡུལ་ཤིན་ཏུ་ཕྲ་བ་སྙེད་དང་ཐབས་གཅིག་པར་སྣང་བ་དེ་བཞིན་དུ། འཇིག་རྟེན་གྱི་ཁམས་རེ་རེའི་གླིང་བཞི་པ་བྱེ་བ་ཕྲག་བརྒྱ་
D44.035.0200b05.01དག་ཀུན་ན་ཡང་དེ་བཞིན་གཤེགས་པ་བྱེ་བ་ཕྲག་བརྒྱ་དག་སངས་རྒྱས་ཀྱི་གདན་ལ་བཞུགས་པར་སྣང་ངོ་། །ཐམས་ཅད་དུ་ཡང་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུ་ནས་བྱང་ཆུབ་སེམས་དཔའ་བཅུ་བཅུ་འོངས་པར་གྱུར་ཏོ། །བྱང་ཆུབ་སེམས་དཔའ་དེ་དག་
D44.035.0200b06.01ཐམས་ཅད་ཀྱང་མིང་འདི་ཞེས་བྱ་བ་དག་སྟེ། འདི་ལྟར་འཇམ་དཔལ་ཞེས་བྱ་བ་ནས་བཟང་པོའི་དཔལ་གྱི་བར་དག་གོ །བྱང་ཆུབ་སེམས་དཔའ་དེ་དག་ཐམས་ཅད་ཀྱང་འཇིག་རྟེན་གྱི་ཁམས་མིང་འདི་ཞེས་བྱ་བ་དག་ནས་འོངས་པ་དག་སྟེ། འདི་ལྟར་འཇིག་རྟེན་གྱི་ཁམས་
D44.035.0200b07.01