完整藏文原文 · 德格版页 当前仅加载第 35 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
མཚོ་ལ་རབ་ཏུ་གནས་པ་ནོར་བུའི་རྒྱལ་པོ་ཁ་དོག་མཐའ་ཡས་པའི་ཆར་འབེབས་པའི་མིག་འཕྲུལ་གྱིས་ཀུན་ནས་ཡོག་པ་ཡོད་དེ། དེ་ན་དེ་བཞིན་གཤེགས་པ་རྣམ་པར་སྣང་བ་འགྲོ་བའི་དཀྱིལ་འཁོར་དམ་པའི་དབྱངས་ཤེས་བྱ་བ་བཞུགས་སོ། །དེ་ནས་ལྷོ་ཕྱོགས་ལོགས་ན་སྤོས་ཆུའི་རྒྱ་མཚོ་རིན་པོ་ཆེ་དང་སྤོས་ཀྱི་
D44.035.0127a01.01མཛོད་རབ་ཏུ་བསྩགས་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་རྒྱན་དང་འོད་ཐམས་ཅད་འབྱུང་བ་ཞེས་བྱ་བ། སངས་རྒྱས་ཀྱི་ཆོས་ཀྱི་འཁོར་ལོ་ཐམས་ཅད་རབ་ཏུ་སྒྲོག་པའི་ལྷུན་ཅན་མངོན་པར་བྱུང་སྟེ། དེ་ཐམས་ཅད་ཀྱི་འོག་ན་འཇིག་རྟེན་གྱི་ཁམས་སྣ་ཚོགས་
D44.035.0127a02.01འབྱུང་བ་ཞེས་བྱ་བ་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་ཀྱི་འཁོར་གྱིས་བསྐོར་བ། གཅིག་ཏུ་དག་པ་རྡོ་རྗེའི་དབྱིབས་ལྟར་འདུག་པ་རྡོ་རྗེའི་རྒྱལ་མཚན་སྣ་ཚོགས་ལ་རབ་ཏུ་གནས་པ། རྡོ་རྗེ་དང་རིན་པོ་ཆེའི་འོད་ཀྱི་དཀྱིལ་འཁོར་གྱི་སྤྲིན་གྱིས་ཀུན་ནས་
D44.035.0127a03.01ཡོག་པ་ཡོད་དེ། དེ་ན་དེ་བཞིན་གཤེགས་པ་པདྨོའི་ཟེ་བ་འཕགས་པའི་སྤྱན་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཤིན་ཏུ་ཕྲ་བ་སྙེད་འདས་པ་ན། འཇིག་རྟེན་གྱི་ཁམས་བལྟ་ན་དགའ་བའི་སྒྲ་ཞེས་བྱ་བ་ཡོད་དེ། དེ་ན་དེ་
D44.035.0127a04.01བཞིན་གཤེགས་པ་དགའ་བ་དང་སྤྲོ་བ་ཡང་དག་པར་འབྱུང་བ་ཞེས་བྱ་བ་བཞུགས་སོ། །གཞུང་དེ་བཞིན་དུ་དེའི་སྟེང་ན་འཇིག་རྟེན་གྱི་ཁམས་རིན་པོ་ཆེའི་མཚན་གྱིས་ཡང་དག་པར་བརྒྱན་པའི་རྒྱལ་མཚན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཐམས་ཅད་མཁྱེན་པ་
D44.035.0127a05.01ཉིད་ཀྱི་སྤྱོད་ཡུལ་དང་སྤྱོད་པའི་བློ་གྲོས་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྣམ་པར་སྣང་བའི་ཟེ་བ་སྣ་ཚོགས་ཀྱི་གཞི་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དྲི་མ་མེད་ཅིང་ཞི་བའི་དབྱངས་ཡིད་དུ་འོང་བ་ཞེས་བྱ་བ་བཞུགས་སོ། །དེའི་སྟེང་ན་
D44.035.0127a06.01འཇིག་རྟེན་གྱི་ཁམས་སྤྲུལ་པ་འོད་བཟང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ནམ་མཁའི་དབྱིངས་དྲི་མ་མེད་པའི་ཡེ་ཤེས་ཟླ་བ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་རྣམ་པར་ཕྱེ་བ་རྣམ་པ་སྣ་ཚོགས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་
D44.035.0127a07.01