完整藏文原文 · 德格版页 当前仅加载第 35 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་རྣམ་པར་གནས་པའི་ཡེ་ཤེས་ཀྱང་ཉེ་བར་བསྒྲུབས་སོ། །བྱང་ཆུབ་སེམས་དཔའ་ཐམས་ཅད་ཀྱི་དབང་པོ་རྒྱ་མཚོ་ལ་རབ་ཏུ་འཇུག་པའི་ཡེ་ཤེས་ཀྱང་ཉེ་བར་བསྒྲུབས་སོ། །སེམས་ཅན་ཐམས་ཅད་ཀྱི་སྐད་རྒྱ་མཚོ་དང་ཆོས་ཀྱི་འཁོར་ལོ་ངེས་པའི་ཚིག་གི་
D44.035.0085b01.01ཡེ་ཤེས་ཀྱང་ཉེ་བར་བསྒྲུབས་སོ། །འཇིག་རྟེན་གྱི་ཁམས་མང་པོ་ཐམས་ཅད་ཀྱི་རྗེས་སུ་སོང་ཞིང་ཆོས་ཀྱི་དབྱིངས་ཐམས་ཅད་དུ་ལུས་ཡང་དག་པར་གཞོལ་བའི་སེམས་ཀྱང་ཉེ་བར་བསྒྲུབས་སོ། །སངས་རྒྱས་ཀྱི་གསུང་གི་ཡན་ལག་དང་སྒྲ་དང་དབྱངས་ཀྱང་ཉེ་བར་
D44.035.0085b02.01བསྒྲུབས་སོ། །ཇི་ལྟར་འཇིག་རྟེན་གྱི་ཁམས་འདིའི་བཅོམ་ལྡན་འདས་ཀྱི་ཞབས་ཀྱི་དྲུང་ན་འདུག་པ་ལ་ཉེ་བར་བསྒྲུབས་པ་དེ་བཞིན་དུ། འཇིག་རྟེན་གྱི་ཁམས་ཐམས་ཅད་རྒྱས་པར་བཀང་སྟེ། འཇིག་རྟེན་གྱི་ཁམས་རྒྱ་མཚོ་དག་དང་རྡུལ་ཤིན་ཏུ་ཕྲ་བའི་ཁོངས་ན་ལུས་
D44.035.0085b03.01འཁོད་པ་ཐམས་ཅད་ལ་ཡང་ཉེ་བར་བསྒྲུབས་སོ། །དེ་ཅིའི་ཕྱིར་ཞེ་ན། དེ་ནི་འདི་ལྟར་ཏིང་ངེ་འཛིན་དེ་ཉིད་ཀྱི་ཆོས་ཉིད་ཐོབ་པའི་ཕྱིར་རོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས། སྤྲུལ་པའི་སངས་རྒྱས་བཅོམ་ལྡན་འདས་དེ་དག་གིས། ཕྱག་གཡས་
D44.035.0085b04.01པ་མཚན་དང་དཔེ་བྱད་བཟང་པོས་རྣམ་པར་མཛེས་པར་བརྒྱན་པ། འོད་ཟེར་གྱི་དྲ་བའི་མེ་ཏོག་སྣ་ཚོགས་ཤིན་ཏུ་རྒྱས་པ། འོད་ཀྱི་དཀྱིལ་འཁོར་རྣམ་པར་དག་པའི་སྤྲིན་འགྱེད་པ། རིན་པོ་ཆེ་འོད་འཕྲོ་བ་ཐམས་ཅད་ཀྱི་སྤྲིན་གྱིས་རྣམ་པར་གསལ་བར་གྱུར་པ། ཕྱོགས་
D44.035.0085b05.01ཐམས་ཅད་དུ་སྤོས་འོད་འཕྲོ་བའི་སྤྲིན་གྱི་འོད་ཀྱིས་རྣམ་པར་སྣང་བ། སངས་རྒྱས་ཐམས་ཅད་ཀྱི་གསུང་གི་ཡན་ལག་གི་དཀྱིལ་འཁོར་གྱི་རྗེས་སུ་སྒྲ་འབྱིན་པ་དང་། སངས་རྒྱས་ཐམས་ཅད་ཀྱི་རྣམ་པར་འཕྲུལ་པ་དང་། ཁྱུ་མཆོག་གི་མཐུ་ཕྱུང་བ་ཡང་དག་
D44.035.0085b06.01པར་སྟོན་པ། བྱང་ཆུབ་སེམས་དཔའ་འདས་པ་དང་། མ་འོངས་པ་དང་། ད་ལྟར་བྱུང་བ་རྣམས་ཀྱི་ཀུན་ཏུ་བཟང་པོའི་སྨོན་ལམ་གྱི་དཀྱིལ་འཁོར་རབ་ཏུ་སྣང་བ་རྣམ་པར་སྟོན་པ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོའི་སྣང་བ་ཡང་དག་པར་
D44.035.0085b07.01