完整藏文原文 · 德格版页 当前仅加载第 35 函德格 139b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེའི་ཡན་ལག་དམ་པས་རྣམ་པར་བརྒྱན་པ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་ཞིང་གི་གཞི་རྣམ་པར་དམིགས་པ་ཞེས་བྱ་བ་རབ་ཏུ་གནས་སོ། །དེ་ལ་{སྩོགས་,སོགས་}པ་སྤོས་ཆུའི་རྒྱ་མཚོ་སངས་རྒྱས་ཀྱི་ཞིང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱི་ཕྱི་
D44.035.0139b01.01རོལ་འཁོར་ཡུག་གི་མཚམས་ན། སྤོས་ཆུའི་རྒྱ་མཚོ་མི་ཕྱེད་པར་བརྟན་པ་དང་ལྡན་པ་ཞེས་བྱ་བ་ཡོད་དེ། དེ་ན་འཇིག་རྟེན་གྱི་ཁམས་ཀྱི་རྒྱུད་པད་མའི་དཀྱིལ་འཁོར་ཤིན་ཏུ་རྣམ་པར་ཕྱེ་བའི་འཁོར་ལོ་ཞེས་བྱ་བ་སངས་རྒྱས་ཐམས་ཅད་ཀྱི་སྟོབས་ལ་འཇུག་པ་ཤིན་ཏུ་སྒྲོག་པའི་ལྷུན་ཅན་
D44.035.0139b02.01རབ་ཏུ་གནས་ཏེ། དེ་དག་ཐམས་ཅད་ཀྱི་འོག་ན་འཇིག་རྟེན་གྱི་ཁམས་སྤོས་ཤིན་ཏུ་ཞིམ་པའི་རྒྱ་མཚོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་འོད་དང་སྤྲུལ་པ་ཚད་མེད་པའི་རྒྱལ་པོ་ཞེས་བྱ་བ་བཞུགས་སོ། །འཇིག་རྟེན་གྱི་ཁམས་ཀྱི་རྒྱུད་དེའི་དབུས་ན་འཇིག་རྟེན་གྱི་ཁམས་
D44.035.0139b03.01རྡོ་རྗེའི་རྒྱལ་མཚན་ཞེས་བྱ་བ་གཞི་མཉམ་པ་ཡོད་པ་དེ་ན་འཇིག་རྟེན་གྱི་ཁམས་རྒྱན་དང་ཚུལ་གྱི་སྒོ་བསམ་གྱིས་མི་ཁྱབ་པ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཡེ་ཤེས་ཚད་མེད་པའི་ཚངས་པ་ཞེས་བྱ་བ་བཞུགས་སོ། །དེའི་སྟེང་ན་འཇིག་རྟེན་གྱི་ཁམས་མི་
D44.035.0139b04.01མཇེད་ཅེས་བྱ་བ་གཞི་མཉམ་པ་ཡོད་པ་དེ་ན། འཇིག་རྟེན་གྱི་ཁམས་སྣང་བའི་ཕྱོགས་མེ་ཏོག་གི་སྙིང་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་སེང་གེའི་སྤྱན་འོད་འཕྲོ་བའི་སྤྲིན་ཅེས་བྱ་བ་བཞུགས་སོ། །དེའི་སྟེང་འཇིག་རྟེན་གྱི་ཁམས་ཀྱི་རྒྱུད་ཐོག་
D44.035.0139b05.01མ་ལ་འཇིག་རྟེན་གྱི་ཁམས་རྒྱ་མཚོའི་དབྱངས་ཤེས་བྱ་བ་ཡོད་དེ། དེ་ན་དེ་བཞིན་གཤེགས་པ་ཆུའི་ལྷ་འོད་འཕྲོ་བའི་སྒོ་ཞེས་བྱ་བ་བཞུགས་སོ། །སྤོས་ཆུའི་རྒྱ་མཚོ་ལྷའི་གྲོང་ཁྱེར་དང་ནོར་བུའི་ཤིང་ཏོག་གིས་བརྒྱན་པ་ཞེས་བྱ་བ་དེ་དང་འདབ་ཆགས་སུ་སྤོས་ཆུའི་རྒྱ་མཚོ་
D44.035.0139b06.01སྣང་བའི་འཁོར་ལོས་རྣམ་པར་གསལ་བ་ཞེས་བྱ་བ་ཡོད་དེ། དེ་ལ་འཇིག་རྟེན་གྱི་ཁམས་ཀྱི་རྒྱུད་བརྗོད་དུ་མེད་པའི་ཕྱོགས་ཀྱི་གནས་ཀྱིས་བརྒྱན་པ་ཞེས་བྱ་བ་རབ་ཏུ་གནས་སོ། །དེ་དང་འདབ་ཆགས་སུ་སྤོས་ཆུའི་རྒྱ་མཚོ་རིན་པོ་ཆེའི་ཚོན་གྱི་སྲང་རྣམ་པ་སྣ་ཚོགས་ཤེས་
D44.035.0139b07.01